تجمع للي إعيالهم بيروحون وفااالهم التفوق ان شاء الله

السلام عليكم

باركوووووووووووووووووووولي

خلصت اولى ابتدائي بأمتيااااااااااااااااااااااااااااز مع مرتبة الشرف

وان شاء الله عقباااااااااااااال مااتخرج من الثانويه ههههههههههههههههههههههههههه

ادري ان الحين اغلبكم شكله جذي

لان أغلبكم يدري ان انا مدرسه ورئيسة قسم بعد

الحين نبدي واقولكم انا اشلوووووووون خلصت أولى ابتدائي

مايخفى عليكم ان كل ام تبي إعيالها يكونون احسن اعيال بالدنيا كلللللللللللللللها

وانا من كنت صغيره (وبما اني وحيدة امي ) كانت وايد تهتم بدراستي ياقلبي قلبها عسى الله يجازيها الجنه لان لولاها ماوصلت

المهم وكلكم تدرون ان الام اهيا الاساس في كل شي يعني اذا الام مودارسه بيبين على الياهل واذا دارسه هم يبين على الياهل

خصوووصا بالمناهج اليديده الحاليه طبعا صح ولا لا

لكن اول الامهات مومتعلمات لكن يهتمون في دراسه اعيالهم والحمدلله كااااااااانا متفوقين ومن احسن مايكون

لكن جيل هالوقت غير عن اول

المهم انا اعيالي اسم الله عليهم السنه اليايه أولى ابتدائي

فكرت وقاعده احاتي اعيالي واشلون أأسسهم واشلون يدرسوووون

وطلعت بنتيييييييييييجه وحده

ان لازم انا ادرس المنهج بالاول علشان اعرف ادرسه حق اعيالي صح ولا لا ؟؟؟؟

وبديت بخطتي ودراستي

تابعوووني

وتابعوا الخطوات اللي سويتها

اول شي طلبت من المخازن مالت التربية ان ابي كتب أولى ابتدائي علشان أدرس ههههههههههههههه

المهم رحت المكتبة وشريت فولدرات

وبديت اقسم كل مادتين مع بعض

مهارات الحياة مع التربية الوطنيه
[IMG][/IMG]

التربية الاسلامية والحاسوب
[IMG][/IMG]

اللغة العربية والانجليزيه
[IMG][/IMG]

العلوم والرياضيات
[IMG][/IMG]

وادرس او بالاصح كل يوووووووم اشوف درس من كل ماده واسجل ملاحظاااتي عليه

وشريت كتاب الطالب للمواد من المكتبه وبديت اقارن كل درس بالكتاب مع كتاب الطالب ونفس الشي اسجل ملاحظاتي عليه واكتب شنو المفروض ادرسهم او شنو اعطيهم

[IMG][/IMG]

بعض التجارب في كتاب العلوم جاري تنفيذها بس بدوووووون مااحسسهم ان هذي دراسه يعني خدعه هههههههههههه

واشيااء وايد بعد

بس

تااااابعوووني ولحد يرد لحد ماأخلص لاتخربووون موضوووعي

ماشاء الله لاقوة الا بالله

المهم وبعد ماكل يووووووووم اقعد ادرس واقرى درس درس واحط ملاحظاتي عليه

ابدي اعطيهم معلومات عن بعض الدروس

بس وين ؟؟؟ لما انكون طالعين او قاعدين انسولف او ناكل يعني جذي وتالي بعد جم يوم ارجع اسألهم اشوووف اثبتت المعلومه ولا لا

ورحت دسمان شريت اغراااض حسيت ان ضرووووري يتعلمووونها وايعرفوونها

طبعا من الاشياء اللي ايعرفووونها عدل مدل (الخضروات – الفواكه – الاحرف والكلمات والارقام الانجليزيه – اصحاب المهن ) هذي الاشياء ماركزت عليها لان اسم الله عليهم يعرفووونها عدل

رحت وشريت صور للاشياء وعكسها (بطيءسريع – امام وخلف )

[IMG][/IMG]

فصول السنه
[IMG][/IMG]

أعضاء الجسم الخارجيه
[IMG][/IMG]

اصحاب المهن
[IMG][/IMG]

الحروف العربية
[IMG][/IMG]

الارقام العربيه
[IMG][/IMG]

وبطاقات للجمع والطرح واااااااااااااايد حلوه

[IMG][/IMG]

وكل يوم انطلعلنا جم صورة وانتنااااقش فيها واعدادها وشكلها وغيره من المحادثات اللي من تحت لي تحت ههههههههههههههههه

علشان مايحسون ويملووون

وطبعا في شغلات وايد انا باديه معاهم من اول السنه يكتبونها ويقرووونها

وندخل على بعض المواقع التعليميه ونقرااا قصص وانركز على الصور اللي بالقصص من ناحية اللون والشكل والحجم

وايبلهم القصص اللي مافيها كلام بس صور اهما يشوفون القصه ويستنتجووونها ويقرونها اول شي بالعربي وبعدين بالانجليزي

وبالاضافه الى الاهتمام بنووومهم واكلهم وخصوووصا وجبات الريوق الصحيه لهم والمفيده

ونسيت اقولكم اني حاطتلهم وسيله فيها الاحرف العربيه مع صور والاحرف الانجليزيه على الباب كل يوم يمرون يقرونها

وسلاااامتكم

واي اي اي استفسااار انا حااااااااااااااظر ومن اعيوني

وهذا موضوعي اللي بادية معاهم فيه من الصيف

https://www.q8yat.net/showthread.php?t=348170

بس طالبتكم طلب

ان كل وحده تقرا الموضوووع تقول ماشاء الله لاقوة الله بالله>>> تكفووون لاتبخلون علي بهالدعاء مثل ماانا ماابخل عليكم اني افيدكم
الله يخليلي اعيالي ويبعد عنهم كل عين وشر

امممممممممممممم

ولارد ؟؟؟؟؟

مشكورة

اول شي ما شاء الله لاقوة الا بالله
الله يبلغج بعيالج

بس في مواد مايصير تدرسينهم مثال الانجليزي

في مهارات احنا مانعرفها مومثل المعلمة المتخصصة بالمادة

فشنو الحل هني ؟

طبعا انا اهنيج

واشجعج واحيييييج

وانا هذي طريقتي مع عيالي بس مو بالدراسه

انا اعلمهم اشياء مالها علاقة بلمنهج ولكن تقويهم

اعلمهم الفضول وحب المعرفة والاستكشاف
لما تعلمينهم المهارة اهمه بيتعلمون من نفسهم خلاص

اذا حبوا القراءة بيحبون الدراسة

كملي طريقج بتدريسج عيالج عسى ربي يوفقج

بس حبيت اسألج جم سؤال اذا سمحتي

لا كاني

بس انطرج تخلصين والله خفت تزفينا

ماشاءالله..

الله يخليهم لج ويحفظهم من كل شي يارب..

زين تسوين اهم شي التاسيس ..

والله يوفقهم يارب..

اسألتي لج :

انتي رئيسة قسم لأي مادة ؟ لقافة بس بقولج ليش

شلون قدرتي تاخذين كتب من مخازن التربية ؟ هل نقدر نشتري كتب عادي لأنه مرات نحتاج ومانقدر نحصل كتاب

اهم سؤال
من وين شريتي الفايلات حيل عاجبيني لعيالي

هلاوغلا حبيبتي

حياج الله ونور الموضووع وانا خلصت

ياقللبي انا اعيالي بمدرسة انجليزيه حاليا فمااااجرب يم الانجليزي لان لما شفت الكتب الانجليزيه كله ماخذين المحتوى هالسنه في ثانية روضه الحمدلله

لانهم اسم الله عليهم بالانجليزي تووووب واغلب كلامهم بالانجليزي فعندي هالماده اخر اهتماماتي معاهم لانهم متأسسين من الحضانه

كملي اسألتج ومن اعيوني

ماشاء الله تبارك الرحمن ولا حول ولا قوة الا بالله

عساج على القوة ويعل ربي يحفظهم ويبلغج فيهم

حبيبتي مشكوره وماتفصرين يالغاليه

ماشالله عليج طول ما انا اقرى كلامج قاعده اقول ماشالله بصراحه حيل عجبتني طريقتج واستفدت حييييييييييل لان بنتي باولى روضه وودي اعلمها اشياء وتستفيد وتتأسس قبل الابتدائي وانشالله اروح المكتبه واشتري لها الكروت الي عليهم ارقام واحرف وصور علشان تتعلم والله يوفقهم انشالله ويحفظهم ونشوفهم من الاوائل يااارب

مشاءالله ولاقوة الا بالله
والله يخليهم لج وتفرحين فيهم ومشاءالله دايم متميزه بمواضيعج

تسلمين عالاجابات عالاسئلة
بالعكس انتي وضعتي النقط عالحروف

تدرين ما يعطونا كتب
اهو بيني وبينج الأم حتى تكون متابعة للوضع لازم تدرس الدروس مثل عيالها
وتحاول تنمي نفسها عشان تواكب الدروس الي يدرسونها عيالها

الانجليزي معروف لازم ماندرس الطفل لأنه بيطلع تدريسنا غلط
لازم القراءة والطريقة مثل توجيه اللغة الانجليزية للابتدائي
يعني مو اي شي

الملفات روعة عساها بالعافية عليهم يارب يخليهم لج ويحفظهم ويهديهم ويصلحهم ويبلغج فيهم يااااااارب

امج ماقصرت ربتج صح بدليل اهتمامج بعيالج فلاتنسين برها وخل تشارك عيالج ترى دام انتي وحيدتها اكيد
فاقدة الاطفال ياقلبي قلبها

سؤالي عن كونج رئيسة قسم اي مادة لأنه عبالي مادة رياضيات او علوم
لأنه دايمن اصحاب المواد الي فيها تفكير
اهمه المبدعين بوضع حلول مبتكرة لأي مشكلة تواجههم بحياتهم

شكرا
وعذرا عالاطالة ادري طولتها وهي قصيرة

هلا وغلا حنوووونه ولهااااااااااااااااااانه عليج

اي ياقلبي شدي حيلج معاها من الحين وان شاء الله بتأأسس عدل وتفرحين فيها يارب

وتابعيني