تجمع لبنات الاقتصاد المنزلي في التربيه الاساسيه

بسم الله الرحمن الرحيم

اللهم صلي و سلم على محمد و آله و صحبه اجمعين

نفتتح موضوعنه في ذكر الله و رسوله و اهل بيته و اصحابه راجين من الله التوفيق انشاله

و الحين حبيت اتيمع معاكم و نستفيد من بعض انشاله

و نتكلم بخصوص تغيير التخصص شنو إلي تعرفونه من معلومات عنه

و الله انا سمعت حجي وايد و رحت حق الدكتور احمد امين و سألته قالي وايد شغلات بس المضمون انه لو بغيرون التخصص ماراح نعيد المواد عاد ماكو شغل نعيد المواد بعد كل هتعب و عوار القلب

يشرفني ياعزيزتي اني اكون اول وحده ترد عليج و هذا فخر لي
انا تخصص اقتصاد منزلي و هذي السنه الثالثه حقي طبعا خلصت مع الكورس هذا كل مواد التخصص ما عدا تفصيل 2و تغذيه 2 يعني لو فكرو يخلونا نعيد المواد افجر الكليه بكبرها كفايه اني شايله عليهم
ترا التخصص تغير تغير جذري يعني شالو العملي كله و صار اسمه علوم اسره و مستهلك يعني الطباخ اللي طبخناه و الخياط و التطريز كله رااااااح بلاش هههه اهم ماراح يخلونا نعيد المواد لأ احنا راح ندرس الماده اليديده هذي بخبرتنا يعني المواد اللي درسناها و ترا احسن صار كل شي نظري اريح و الماده صارت تينن تحسين روحج ابله انا شفت كتاب اختي واااي يونس الوان و صور عجيبه مو الكتاب القديم مأساوي شلون تسوين فول و شلون تفوحين بيض ههههه

هلا فيج حبيبتي افوكادو الشرف لي و الله انا صارلي الحين سنه و كورس صيفي و بنسبه لتغيير التخصص اصلن المجرشيد كله غيروا و كل المواد راح تكوت 3 وحدات يعين اصول تربيه و تطور فكر تربوي و ثقافه اسلاميه راح يصيرون 3 وحدات مو وحدتين و حاذفين الكيمياء العضويه و الحيويه و هذي السوالف ترى كلها محذوفه ما فيه حتى الخياطه ما فيه اليوم سأل احمد امين قال اصلن كل إلي درستوا ماله علاقه لأنه الاقتصاد المنزلي في الكويت متعلق في الخياطه و الطباخ بس خارج الكويت الاقتصاد المنزلي عباره عن فروع استهلاك و تغذيه و تفصيل و ازياء يعني اخذي و خلي شغلات ما تخلص

واحلى شي هلكورس شفته انهم انهم قاعدين يضبطون لنه المبنى يسوونه ممرات مكيفه و الله وناسه على الاقل يخففون علينه حر الصيف إلي محد يقدر يتحمله

اما بنسبه للمواد فأنا هلكورس عندي 17 وحده
طرق تدرس عام عند جوهره المحيلان
و تطور فكر تربوي اسلامي عند بدر العازمي
و مناهج عند فهد اللميع اذا تعرفينه عفيه قوليلي عنه زين و لا مو زين انا احترت نا س يقولون عنه زين و ناس يقولون لا يحوشك
زواج و علاقات اسريه عند عيسى زكي
كيمياء عامه عند ابراهيم العوضي
ثقافه استهلاكيه عند احمد امين
صحة الام و الطفل اعتقد وحده اسمها اسماء لأني بعدي ما حضرتها