|
|
شلونكم بنات ؟ عساكم بخير
شرايكم نخلي هذا الموضوع حق تجمعنا وخاص للي يدرسون في الجامعة الخليجية
انا عن نفسي بدرس فيها دكتوراه انشالله في العلوم الادارية
وانتو؟
اتمنى كل وحده تكتب تخصصها وتجربتها يعني دردشة ونستفيد من بعض
ولما تروحون هناك وين تسكنون والمطاعم اللي تروحون لها ، يعني تبادل خبرات.
بانتظار مشاركاتكم
شلونج نووي تونو ؟؟
وناااااسه صارلنا تجمع انا اول وحده بشارك
هالكورس هذا اول كورس لي بالجامعها اكمل بكالوريوس محاسبه نظام 3 ايام بالشهر
وانتي قبلوج ولحد لحد الحين ؟
يالله شدي حيلج،، حلو مجال المحاسبة،، انتي موظفة ؟؟ وقعد تكملين ؟؟
انا انشالله يا ادرس شهر 5 صيفي، او شهر 9 محتاره شوي
اذا انتي ماعندج مشكله انج تكملين شهر 5 حرام كملي عشان مايضيع عليج كورس وبعدين تتاخرين لان اقصى حد تاخذينه بالمواد اربعه بس … الماستر اخذتيه هني بالكويت ؟
انا عندي شغل هالفترة، عشان جذي ودي بشهر 9،، مادري بفكر،، لانه الدكتوراه يبيلها قلب ووقت فراغ
يعني انتي خلصتي ثانوية وقعد تدرسين محاسبة، دراستج عربي والا انجليزي ؟؟
لا انا مخلصه دبلوم محاسبه من المعهد ورحت الجامعه الخليجيه لانهم يعادلون شهاده الدبلوم وداررستي بالعربي وكل التخصصات اللي بالجامعه تقدرين تاخذينهم عربي او انجليزي بس الهندسه اهيا الكليه الوحيده اللي دراستها بالانجليزي بس ماتقدرين تدرسينها بالعربي
والدكاتره زينين،، انتي هذا لج أول كورس،، فا راح يدرسج دكتور حارس وونبيه اعتقد
انا باول كورس الدكاتره لي الحين مابين الزيين من الشيين دكتور حارس كان بيدرسني بس بدلوه ونبيه يدرسني ماده وحده
انا عندي بكالريوس علوم سياسيه و موظفه بالتربية
اليوم قاعده أعبي الطلب مال بعثة الجامعة الخليجية بس للأسف محدديلنه تخصصات معينه كلها بالتربية وانا ما عندي اي خبره بهالمجال و مو حابته أساسا.
أخر يوم حق تقديم الطلب بعد يومين علشان الدوام شهر 9 شنو تنصحوني أروح اقدم على حساب الوزاره والا أروح على حسابي بأي تخصص آنا حابته.؟
وجم تقريبا يكلفني الدراسه و جم سنه؟
وشنو تنصحوني أقدم تخصص زين ومرغوب فيه؟
مشكورين وأسفه طولت عليكم
موفقين ان شالله
انا بكمل ماستر وسائط تعليميه – تربيه وشهر 9 ابدا
منو معاي ؟
sweet cat
التكلفه كلها للماستر 4500 دينار كويتي
وعن على حسابج او الوزاره والله ماعرف هالاجراءات
واحسن تخصص شوفي الي ناسبك انتي
|
المشاركة الأصلية كتبت بواسطة الفاتنة
 انا مقدمو على الماجستير وقبلت – الحمد لله – واجلت الدراسة الى شهر 9 بس تاي سمعته انه الدكاترة اغلبهم عراقيين ؟؟؟
|
كلهم مو أغلبهم
انتي أي كلية ؟