تجمع خريجات الحقوق اللي يدورون على وظايف

السلام عليكم ورحمة الله وبركاته

هالتجمع راح يكون مختص بالوظايف المناسبه لخريجات كلية الحقوق

أو اللي تم تعيينهم بأماكن ما تناسب طموحاتهم ورفضوا – فياليت يبينون سبب الرفض

لكن منعا لتحطيم الآمال – اتمنى ما نتطرق للفتوى والتشريع لأن وايد خريجات مالهم امل ينقبلون

اذا كان في أماكن محترمه وراتبهم حلو ياليت نتناقش فيهم – وان شاء الله اللي عندها معلومات ماراح تقصر

صباح الخير
انا اول وحده ترد
توني متخرجه حقوق وحدي محتاره كل ماسألت عن مكان قالولي واسطه ومالج امل
انا واسطتي رب العالمين
عالعموم يقولون الهيئه العامه للمعلومات المدنيه معاشهم زين ومكانهم حلو بعد المجلس الاعلى للتخطيط اتوقع جذي اسمه
مجلس الامه بس انا ماحطيتها بين الرغبات لانه صعب التوظيف هناك ونفس الشي بالنسبه للديوان الاميري

مبروك التخرج قهوه ساده – انتي بدفعتي عيل

لا تحاتين انتي مو بروحج انا معاج من غير واسطه

اتصدقين اليوم كنت مفكره بالخارجيه لاني ممتااااازه بالقانون الدولي الخاص قبل العام – و احب هالمادتين – بس دخلت تجمع الخارجيه وتحبطت 10 شهور من تقديم الامتحان والاسماء ما طلعت لي الحين – ويبون واسطه حق المقابله

الحين مفكره اقدم على الهيئات – اتمنى يقبلوني من غير واسطه لاني رافضه اييب واسطه لو شنو – الحمدلله مو قاصرني شرط من شروطهم – خل يخافون ربهم

مشكووره بلو على الرد

انا ودي بالتحقيقات – بس اللي ماودي فيه اني اشتغل بمخفر

عندي سؤال عن صندوق التنميه – شلون مكانهم والشغل والراتب؟ اذا عندج فكره

وبسمع كلامج واقدم على كل الاماكن اللي ابيها – والله يسمع منج ونتوظف كلنا بالمكان السنع اللي نتمناه

ليز حبيبتي الله يبارك فيج ومبروك لج بعد
مالنا الا الله والهيئات والي كاتبه ربج بناخذه
اي الصندوق الكويتي للتنميه يمدحون مكانه والشغل فيه بس ما ادري عن المعاشات رح يفتح التسجيل على شهر 10 او 11 انا كلمت الشئون الاداريه وقالولي
صج سجلتو بالديوان والا لا؟؟؟ مددو التسجيل لي اخر الشهر
وسمعت اخبار بياخذون السنه بنات بالنيابه الله العالم صج والا لا

بلو ربي يسخرلج الخير ويحقق الي فبالج

الله يبارك فيج حبيبتي

انا سجلت ب3 هيئات (الصناعه والبطاقه والرعايه السكنيه) وكنت مختاره الخارجيه ومجلس الامه – بس ماراح اعتمد على الديوان

برد اقدم على الهيئات نفسها احس اضمن

اي صحيح انا سمعت انهم بيقبلون بنات – لان احتمال يستحدثون منصب قاضيه – بس ماني عارفه شلون بتكون طريقة التقديم

الي اعرفه التحقيقات 1600

الهيئات شنو شروطهم اللي اعلافه واسطه وبس باستثناء التأمينات لازم مو اقل من جيد جدا ومعاشهم مو شي

انا الهيئات اللي معاشاتهم 930 الاسكان والبطاقه المدنيه واللي اعرفه مايحتاجون معدل بس واسطه

التحقيقات اخر دفعه ماوظفوهم بمخافر لا بالاداره العامه لتحقيقات اما الشباب مخافر انا ناطره التحقيقات وهم ناطره نتايج الفتوى يمكن انقبل :/

وموفقه حياتي

هههههههههههههههه امبي تحبطت يا سمو
انا اللي اعرفه الاوليه حق المعدل وبعضهم يبون انجليزي بس مادري اذا حق الحقوقيين او تخصصات ثانيه – ويبون واسطه
بس توقعت اذا شافوا المعدل بيتغاضون عن موضوع الواسطه

بالنسبه للتحقيقات – لما كنا نداوم عندهم بالميداني الكورس اللي فات – المحققات قالولنا ان باب تعيين البنات بالاداره تسكر وبتصير التعيينات بالمخافر

اجمعين ان شاء الله سمو ذاتي – ان شاء الله تكونين مقبوله ومشكوره على الرد

اي صاجه هم انا اذكر نفس الحجي قالولنا بس استغربت اخر دفعه عينوهم بالاداره مع ان سمعت انه بمخافر : )

ليش تحبطين ؟؟ اذ الله كاتب لج هالمكان لو منووو وقف بطريجج بتنقبلين واذ مو مكتووب لو واسطتج اوباما لووووول مراح تنقبلين خلج علي يقين ان رزقج بتاخذينه : )

وموووفقه قلبي *

كتبت رد شطوووله وان مسح

التحقيقات صاجه حتي احنا قالولنا نفس الحجي بس اخر دفعه حطو اساميهم بالجرايد واكتبو انهم بالادارات مع ان علي ايام قبلوهم الكل يقولهم دوامكم بمخافر !!

ليش تتحبطين ؟؟ رزقج بتاخذينه لووو منو وقف بطريجج واذ مو رزقج ولا نصيبج مراح تاخذينه لو واسطتج اوباما لووول خلج علي يقين ان الله كاتب لنا ارزاقنا وماعلينا الا ان نحمده ونشكره ونتوكل عليه ؛ )*