|
|
السلااام عليكم
كل عام و انتو بخيير و ان شاء الله هالكورس غييير حياكم بتجمعنا
اليوم كان اللقاء و توزيع الاسامي عالمدارس
يالله اول شي كل وحده تقول لنا تخصصها و بأي محافظه و أي مدرسه
و خل نتبادل الافكار مع بعض و ندردش هني
طبعا بداية الدوام 2-3 و الله يستر و نهايته 20 – 5 و الله المستعان !!!
بالنسبة حق لقاء اليوم اناا انصدمت من الغياب بس 9 ايام !!!!! محسوب معاه ايام الولاده و دخول المستشفى
يعني الوحده اذا ولدت اليوم الاسبوع اللي وراه تداوم حتى بأيام دوام الكلية و المحاضرات يعطون اسبوعين اجازة وضع غير ال 9 ايام !! انا احس انه شوية الصراحه 
و اليوم وايد بنات معصبين عالتوزيع واذا قلنالهم بنغير المدرسة قالوا ما يصير نازل من التوجيه واللي مو عاجبها تسحب من الكورس و تنطر الكورس الياي و تشوف يمكن يحطونها بالمدرسة اللي تبيها و على مزاجها !!!
بالنسبة حقي انا تخصص حاسب آلي و بمحافظة مبارك الكبير
يالله وين الباجيين !!
انا تخصصي تكنلوجيا التعليم … بس احنا ما في لقاء تنويري نفسكم ..
احنا يجمعونا في مجموعات ويقسمونا …
بداوم االاسبوع الجاي والله يستر مع الميداني ..
اليوم كان في حضور للقاء التنويري .. أو في غياب بنات ………. ؟
تخصصي رياض أطفال بمحافظة حولي
والله يوفقكم بناات وان شاء الله كلنا ننجح بامتياز 
أنتم السابقون ونحن اللاحقون
بالتوفيق إن شاء الله للجميع
أنتم السابقون ونحن اللاحقون
بالتوفيق إن شاء الله للجميع
من محافظه الجهراء
بنات انا دزولي المدرسه رساله يأكدون على حضوري الاسبوع الجاي بس الغريبه انهم دزوعلى رقم امي مع اني مو حاطته لهم وانتو دزولكم شي
انا تخصصي رياضيات
وبمحافظة الفروانية وحطوني بمدرسة بصباح الناصر
قالوا لنا ما ندرس لا اولى ولا خامسة
وماعطونا التقسيم ليما الحين
عندنا مشرف من مكتب التربية العملية
ومشرفة ثانية اهي موجهة اولى
المدرسة اوكي وادارتها بعد
دشينا حصص احتياط وتعرفنا عالبنات عشان ناخذ عالوضع شوي
بس الوضع للحين حلو
وان شاء الله خير
ان شاء الله كلنا ناخذ امتياز
الله يوفقنا كلنا ويرزقنا بخوش مشرفين
وان شاء الله الوضع سهالات
واذا صار شي نبي كل وحدة تقول لنا شصار معاها
وخلنا نستفيد من بعض
بدروسنا وتحضيراتنا
خلونا نتساعد >>>>> طولتها ادري
يعطيها العافية اللي حطت الموضوع ؛)
أنا الكورس الياي ميداني بإذن الله نبي تجاربكم
يمكن نقدر نفيدكم وتفيدونا
انا هالكورس هذا ميداني
تخصصي علوم و انا بمحافظه مبارك الكبير
اللقاء التنويري كان زححححححححمه و كل التخصصات موجوده
و ان شاء الله نداوم الاحد بالمدارس
ياليت تقولون لنا عن تجاربكم و اللي شفتوه و استفدتو منه و شنو كانت افكاركم
و ياليت تقولون لنا اشلون تعاملتو مع المشاكل داخل الصف مع الاطفال
بالذات اللي كانت بمدرسه بنين
و مشكورين و ماقصرتو