|
|
سلام عليكم امهات
قريت جم موضوع لأمهات عيالهم عندهم مشاكل بالكلام
حبيت نستفيد من بعض شلون واجهتي المشكله وشلون تعاملتي معاها
شنو المشاكل اللي واجهتيها واهو او اهي بالمدرسه
نبي تجاربكم او اي احد تعرفونه
انا ولدي بدا يتكلم طبيعي لكن لما كمل 4 سنين بدت التأتأة معاه
كانت خفيفه ويبت له متخصص واتبعنا التعليمات لكن مرات تخف ومرات تزيد
شي يعور القلب بس الحمدالله على كل حال
يبيلها صبر ومتابعه وانج ما تتعبين
انا اخلي ولدي يتاتأ على راحته ما اوقفه ولا اصلح له
لما يغني ما يتأتأ بس لما يتكلم مرات
الله ياجرنا .. انا معاج بنفس المشكلة ولدي بعد عنده نفس المشكلة .. ونفس الاعراض مادري ياته فجأة وبسرعه
شنو السبب ماني عارفه اكثر شي تصير فيه لما نكون بالبيت بس بره أو في بيت اهلي تخف معاه حيل مادري شنو السبب
مثال الليوم ولدي ماشالله يتكلم جنه ما فيه شي وامس تأتأ
انا دايما احاول اخليه ريلاكظ وامس قبل لا ينام سويت له مساج لافندر والليوم اول ما قام خليته يساعد ني نسوي بان كيك حسيت حيل كان واثق من نفسه ومستانس وكان يسولف حب ابوة من غير مشاكل ماشالله
السالفه فيها شي نفسي وعضوي احس،، اذا ارتاح واحد برتاح الولد والله اعلم
انا ولدي طلعت معاه عقب ما تكلم ب ٦ شهور
اهوا تاخر بالكلام ولما تكلم انطلق فجأة من غير سابق انذار ماشالله
وفوق هذا تكلم لغتين مع بعض
تشخيص المعالجه انه عليه ضغوطات بيئيه المدرسه انجليزي والجيران اجانب واحنا عربي .
بس كلامج منطقي وصح
ممكن تشرحين اكثر سالفه السبب العضوي اذا سمحتي للان ولدي كا مسوي عمليه باذونه اللي يحطون انابيب تطلع السوائل*
وولدي الثاني فيه تأتأة قوية واحيانا يتكلم بصوت عالي
وديناه مركز سالم العلي وسووا له اختبار وعطوني ورقة فيها تعليمات اتبعها وقال لي الاخصائي اذا ما تحسن خلال 3 اشهر ييبيه عندنا مرة ثانية
ووديته وقالوا لي نطرينا ندق عليج وهذا ويه الضيف
وعلى فكرة انا كلمت الاخصائية النفسية في مدرسته قالت لي تعالي وقعدي معانا تبي تسوي له اختبار و تشخص حالته عشان تبدي العلاج وكل ما اروح لها ما احصلها طبعا هذا وقت المدارس ….
ودي اوديه عيادة خاصة من يعرف بنات؟؟؟
ترا الوضع عندي لا يحتمل
.gif "Eh S(2)")
barid 3alich inshalla bas jihazi mafi 3arabii …
انا ولدي هم زايدة عندة التاتأه ومرات تخف احاول اكلمه واقعد معاه
جان زين احد يلاقي لنا دكتور شاطر للحاله
انا كنت معتمدة على سالم العلي البنات يمدحونه
ما خذينا الموضوع على محمل الجد وكنت احاول معاه وايد عن طريق تمارين التنفس
وحاول ارفع معنوياته واحسسه انه شاطر واعطيه مكافات بس سبحان الله مرات تقل ومرات تزيد
والله استغرب له ان مره كنت احاجي ابلته وسالته الابله سؤال جاوبها عااادي وبطلاقه فاتوقع انه لمن يخاف من الشخص اللى جدامه يعرف سيده اشلون يتكلم عدل
ولدي رايح ثانيه ابتدائي ومازال الحال على ماهو عليه اللي تعرف مراكز تهتم بهالجانب لا تبخل علينا وحطو لنا الارقام يزاكم الله خير
للحين كلامها كانه كلام عمر سنتين
انا افهمها و خدامتي تفهم عليها
بس محد غيرنا يفهمها
و مشكلتي انها بتدش الروضة مبجر
معنها من عمرها سنة و اهي بالحضانات
معني احاورها و اتكلم وياها
بس مادري ليش
وعلى فكرة تفهم اهي و اترادد و اتناقش و اتغني ويا المسرحيات و الببايات
أو معدل الذكاء يكون منخفض
أو الطفل يمر بحالة نفسية سيئة بسبب الوالدين .. أو الخدامة أو المدرسة !
وموضوع التأتأة شي ثاني لا تخلطون بينهم !