تجمع امهات مدرسة المستقبل ثنائية اللغةfbs

]]اهلين اختي انا ابي انقل ولدي ورحت المدرسه بس كانه فوضى وانا ما ادري انتي ولدج باي جريد واشلون مستوى المدرسه امانه تنصحيني فيها ام لا

هلا واللة فيج انا ولدي grade 1 وانا اقولج صراحة الطلبة اللي بهالمدرسة موطبيعيين فوضويين وعافسين المدرسين بس الحمدللة مسيطرين اشوفهم عالوضع ولدي حاب المدرسة ومستمتع فيها الحمدللة ومن ناحية التدريس حلوة بس هدو حيلنا بالواجبات يوميا عربي وانجليزي هوموركات طول الاسبوع
بس سياسة المدرسة للحين صراحة موواضحة وموثابتة توهم مغيرين مديرة المدرسة ومايندرى شبيصير عالسنة الجاية

شدعوة امهات وينكم؟؟؟؟

هلا وافيه طيب ليش ماحطيتيه بالكنديه انا دشيت بصراحه المدرسه هاديه ودي احط ولدي فيها بس ابي تشجيع او احد مجربها

واللة الكندية انا مريتها ودشيت الفصول وعجبتني وسمعت انها قوية بس شالفايدة نفس نظام المدارس الانجليزية لو ابي هالنظام جان مدخلتة الفحيحيل الانجليزية عالاقل تخرج منها اجيال شكثر وراحو بعثات دراسة بالخارج ماعليها كلام مومثل هالمدارس الجديدة يجربون بعيالنا بس انا مابي نظام انجليزي ابي ثنائية اللغة وهم بعد فيها اختلاط ماعندهم فصل بين البنات والصبيان الحين اوكي عادي بس باجر اذا وصل الولد المتوسطة شلون باللة؟؟؟؟انتي شايفة اعجاب وحب وخرابيط بين البنات بمدارس الحكومة فمابالج يقعدون ويدرسون ويلعبون رياضة مع بعض انا ماحب جذية

مرحبا خواتي

انا ولدي kg2 والحمد لله ماشي تمام في الرياضيات والعربي والنجليزي والدين

والمديره الجديده سمدحونها يقولون ان سياستها وايد ممتازه

اي صارت المديرة نورا العلي انشاللة تمشي المدرسة على نظام وسياسة واضحة بس بالنسبة لkg2تاسيسهم ماشاللة فظيع بكل شي

منو نوره العلي وشنو خبرتها وهل اهي كويتيه

مرحبا بنات أنا عندي بناتي ثنتين وحدة بتروح 3 Grad والثانية رايحه Grad1 ,الحمد لله مرتاحين بالمدرسة سجلتهم فيها من KG1 لحد الحين .

امهات وينكم؟؟؟؟
شمسويين عيالكم مع العطلة

من صجكم انه السياسة مو واضحه
ليش اهما كم سنه صارلهم مو 5 سنوات ، عفوا شنو اللي مو واضح في سياستهم وبالنسبة للفوضي متى تكون هالهي بالساحه يعني بالفرصه
ولا اثناء الحصص
ولا اثناء تبديل بين الحصص
ترى في فرق
وشنو نوع الفوضي اختى الرجاء افادتي لانه مهمه وايد
مشكورة اختي وافية الله يعطيج العافية والصحه يا رب انا بانتظارك

يعني طبيعة الصبيان اللي فيها اقصد حييييييييييي شياطين وطق مطاقق بالفرصة بس هذا حال كل مدارس المنطقة العاشرة اتوقع بس مع هذا الابلات مايخلونهم بالفرص كل ابلة تنز مع صفها وتقعد معاهم ماتخليهم بروحهم
وبالنسبة للسياسة قبل سنتين كانو يدرسون بس العربي والدين بالعربي وباقي المواد كلللللللللة بلانجليزي العام غيرو قالو لا الطلبة يتلخبطون بالرياضيات عربي وانجليزي يصير صعب عليهم فقالة بنحط كل المواد عربي بس الانجليزي والعلوم بالانجليزي
هالسنة ردو قالة خلاص غيرنا السياسة كلها وكل شي بيصير بالانجليزي وبنجيب ستاف مدرسين اجانب كلهم يعني احس ماثبتو على راي مع اني افضل كل المواد انجليزي عشان يتقوون باللغة واللة انا احتريت السنة اللي طافت كل شي بالعربي ورحت قلتلهم اذا احنا نبي بالعربي ندخل عيالنا حكومة ولانقط الف ونص واخرتها نفس مناهج الحكومة وانشاللة التغيير يكون مرضي هالسنة

صحيح ان الدوام 6-9
يعني نص رمضان

اي صح 6/9 والروضة 7/9