تجمع البنات الي ولدو او ناوين يولدون في مستشفى السيف .وابرة الظهر عندهم

بنات اللي يراجعون في مستشفى السيف او ناوين يولدون في او وولدو فيه او يعرفون احد ولد فيه لو سمحتو قولولنا رايكم

خصوصا عند الدكتورات هناك ….اسيا وروبينا وغيرهم

وشلون ابرة الظهر ودكاترة التخدير هناك؟؟؟

انا ودي اولد هناك ………

بس للحين موعارفة الدكاتره زينين ولا لا …

كل ما سألت عن دكتور وحده تمدحو ووحده تذمة ………

بصراحة ما أدري …..

انا ولادتي شهر 11 ان شاء الله ……..

باجر ان شاء الله بروح وبفتح ملف عند أشرف مرسي ……

انا جربت دكتوره روبينا بمستشفى السيف اهيا استشاريه وكانت بمستشفى السلام 5 سنين وراحت المواساة والحين اهيا بالسيف ماشالله عليها دقيقه بالمواعيد وايد شاطره وحبوووبه ونفسيتها حلوه وخبره بالولاده والسسترات ماشالله عليهم 24 ساعه عندي وقبل مااطق الجرس القاهم كلساعه يجيكون علي وعالياهل والخدمه ممتازه والغرف شرحه وحلوه تطل عالبحر والمنظر يفتح النفس وفي شاشه علشان اتتابعين الياهل وهو عندهم يعني كلشي كان اوكي الحمدلله

رفيجتي توها والدة عندهم
ووااااااايد تمدحهم من عناية واهتمام
وانا ماوية الولد عندهم وبأخذ إبرة الظهر اكييييد مابي احس بعواار
بس مادري عن دكاترتهم صراحة

روعه ابره الظهر اخذتها انا ايد الدكتور خفييييييييفه ونفسيته حلوه

ولدتي دكتور جعفر قناوي قيصريه وهم ايده خفيفه وتينن

احبها المستشفى لول.. انا ماجربت مستشفيات غير لاني بجر بس ما افكر اولد الا هناك لان عنايتهم عجيييبه وسستراتهم يهبلون ودكاترتهم احلى واحلى بعد

انشاء الله انا ناويه افتح ملف عندهم و اراجع عند دكتوره روبينا
ولي راجعت الحين خل اتفيدنا

جم اسعارهم ؟؟ و شنو الغرف الحلوه اللي عندهم ؟؟ و عندهم وحده حق تقديم ولا مافي ؟؟؟

مرحبا حبيبتي
انا ولدت هناك عند الدكتوره نادين ماشالله تهبل والسسترات مايخلونج دقيقة ونفسيتهم حلوه وانا اخذت ابرة الظهر عند الدكتور عادل ماشالله انسان فاهم بس انا عطاني الابرة خفيفه يعني حسيت بالعوار حزت طلعت الياهل والخياط انتي اذا حسيتي بالعوار لاتنطرين نفسي طلبي يزيد لج اياها
اما المستشفى حلوة والغرف شرحه وتهبل
والله يسهل على كل حامل

جنا 2024اي غرفه خديتي ؟؟ و جم كلفتج الولاده؟؟؟؟ و عندهم وحده حق تقديم ولا مافي ؟؟؟؟

الغرف انواع في standard و vip و vvip و royal
ومن كل نوع في نموذج A , B
وعلى حسب ولادتج طبيعية ولا سزيريان وعلى حسب الدكتور من عندهم ولا من بره
يعني اذا من عندهم الدكتور وطبيعي يبدا الستاندرد من 650 و vip من 940 وvvip 1250
وترى ماعندهم وحده حق التقديم ولاحق المكياج اذا تبين صالون اهم ادقون على صالون ليلى جاليري وتحاسبين المستشفى بعدين
بس عندهم تصوير البيبي

وطبعا كل شي بفلوس
ابرة الظهر بفلوس
زيارة الدكتورة بعد الولاده لج بفلوس
زيارة دكتورة التغذية بفلوس
زيارة دكتورة الاطفال لج بفلوس
يعني حطيلج تقريبا 300 دينار زيادة عل ىرسوم الولادة

رفع رفع رفع

انا رفيجتي توها والده هناك
الصراحه غرفهم ال vvipوايد حلوة
بس المستشفى فاضيه
وحسيت بعد ما عندكم الدكاترة المعروفيين يمكن هذا السبب

المشكلة موضوع السيف انطرح اكثر من 20 مرة بهل منتدى و كل حزه عنوان مختلفة
و كل مرة نفس المشاركات 3 او 4 اسماء

انا اراجع عندهم عند دكتوره سابين
بس خيافه وايد من سالفة ولاده قيصريه لانه نص الي ولدوا اهناك قيصريه ماادري شنو المشكله هل اهما ماينطرون على الوحده
وله يبون فلوس ؟ وهذا الي امخوفني
انا شهر 11 ولادتي وحيل خايفه
بس عنايتهم الكل يمدحها والمستشفى نظيف وذرب وهدوء