{ تجمع الامل } 2 { تجديد الامل }

بسم الله الرحمن الرحيم

(( المال والبنون زينه الحياه الدنيا ))
(( ربي لا تذرني فردا وانت خير الوارثين ))
(( ربي هب لي من لدنك ذريه طيبه انك سميع الدعاء ))
(( فقلت استغفروا ربكم انه كان غفارا يرسل السماء عليكم مدرارا ويمددكم باموال وبنين ))

السلام عليكم ورحمه الله وبركاته

صبرا جميل والله المستعان

يسعدني ويشرفني اخواتي الفاضلات اني اقوم بطرح الجزء الثالث من مواضيع
(( الامل ))

هذا الرابط للي ما يعرفون شنو اهو موضوع تجمع الامل

https://www.q8yat.net/showthread.php?t=34630

وهذا رابط موضوعنا الثاني اللي انظلم شوي من حيث المشاركات مشوار الامل
https://www.q8yat.net/showthread.php?t=195651

وهمسه بإذن كل عضوه دخلت تجمع الامل ومشوار الامل واتركت بصمتها ومشاركتها وايا كان حجم مشاركتها
اقولها مشكوره من القلب للقلب والله يعطيج على قد نيتج ويرزقج بكل ما تتمنين لأنج شاركتينا بمواضيعنا السابقه

وان شاء الله خواتي هذا راح يكون التجمع الثالث لنا عقب تجمع الامل ( 1 ) ومشوار الامل

واتمنى من كل الخوات المحرومات يشاركونا املنا وتفاؤلنا وثقتنا الكبيره بالله سبحانه وتعالى

ومثل ما قلت من اول مثل ما الاخوات الحوامل لهم تجمعات احنا المحرومات بعد لنا تجمعنا الخاص فينا اللي
يجمعنا على الخير والمحبه والتفاؤل والثقه برحمه الله الواسعه

واحب اشكر كل الاخوات العزيزات اللي شاركونا بالجزء الاول واللي غابوا عنا
وطبعا اشكر كل الاخوات المتواصلين معاي بمشوار الامل لي هاللحظه هذي

شكرا لكل عضوه دخلت شاركتنا بمشكلتها او حتى بدعوه طالعه من قلبها لنا شكرا للجميع

اختكم bnt_kwt

وهذي دعوه مني للكل بالمشاركه في هالموضوع
تعالوا نتعرف على بعض من يديد ونفيد بعض ونستفيد

السلاام عليكم

اختي الغاليه بنت الكويت على افتتاح تجمع لتجديد الامل

ويااااعسى الله يرزقج ويرزقني ويرزق كل محرومه ويشهد هالتجمع على حملج وحملي وحمل كل البنات المحروماااات يااااااااارب

احب اعرفكم على نفسي

ترووفه

عمري 22سنه

متزوجه من سنه و8شهوور

سبب تاخر الحمل :ضعف بالتبويض

وضعف عدد وحركه عند زوجي

والله يرزقناا ياااااااااارب بالحمل ولايحرمنااااااااا يااارب

ألف مبروك للتجمع
ان شالله خير عليكم
ونسمع أخباااركم كلها حلوووه

وأهم شي النفسيه

بنت الكويت اقتبست اخر رد لج في تجمع مشوار الامل

((الحين بسوي موضوع يديد واحط روابط هالتجمع والتجمع اللي قبله وبثبته
وكلامج انتي وسنووووش عالعين والراس
بسوي تجمع الامل 2 ( تجديد الامل )

اشرايج ؟)))

راااااي من رايج والحمدلله تم افتتاح هالتجمع على بركة الله وعلى خير وياارب يكون خبر حملج وحملي وحمل كل خواتي الغاليات في تجمعي حوامل المستقبل وكل اللي في هالقسم وكل محرووومه بالحمل يااااااااااااااااااااااارب ياااااااكريم

وان شاءالله يكون هالتجمع فال خير لي ولج ولكل محرومه

الف مبروووك عالتجمع اليديد وان شاء الله يرزقنا كلنا بالتجمع وكل المحرومات ومشكوره يابنت الكويت على التجمع ان شاء الله يكون خير عليناا كلنا يارب
اعرفكم على نفسي رمز الموده عمري ان شاء الله الشهر الياي اكمل 20 سنه سارلي سنه وشهرين متزوجه والسبب زوجي الحيوانات المنويه صفر والله كريم

الف مبرووووك التجمع اليديد
وان شاء الله فاتحه خير على الجميع

الله يرزقكم ان شاءالله ويبقى املكم ان شاءالله مرفوووووووووع للاعلى بأمل وتفاؤل وحياة سعييده

مشكورة على هالتجمع والله يرزقنا يارب
انا سنيتين متزوجة وحملت وكان خارج الرحم وصار معاي التصاقات في القنوات وسويت انابيب والحمدالله مانجحت وراح اعيدها هالشهر
واملي بالله كبير
يارب ياكريم ياوهاب يارزاق ارزقنا الذرية الصالحة عاجلا غير اجلا

مشكوووووووووووووووووووووووووين ويعطيكم العافيه

ربي لاتذرني فردا وانت خير الوارثين

معاكم مناوووي

عمري 24

متزووجه صارلي سنه

الحمدلله مافيه سبب لتأخر الحمل بس الله ماكتب لي لحد الحين

الله يرزقنا ياااااااااااااااارب عن قريب

الف مبرووك على التجمع مع اني اول مرة ادخل في هالموضوع وبصراحة مادخلت بالتجمعات اللي قبلهم

بس هالمرة بكون معاكم واتمنى انكم تقبلوني وياكم

انا مداااام كيك
عمري 26 سنة
متزوجة صارلي 3 سنوات و5 شهوور وليلحين الله ماكتب لي واحمل ،، حملت في بداية زواجي لكن الحمال ماتم
راجعت عند محمود المطاوعه وسويت عنده 3 مرات تلقيح وللاسف فشل
ورحت حق ليلى اشكناني سويت مرتين اطفال انابيب وهمن فشلو
ورحت حق ماجدة اليتامي وسويت مرة اطفال انابيب ولكن همن فشل
والحمدالله والشكر على كل حال صج الواحد قلبة يعوره بس شنسوي ابجي بالبداية وانقهر وعقبها اوكل امري حق رب العباد

وانا فيني انسداد في قنوات فالوب وعندي بطانة الرحم موزينه مع اني اخدت كورس حق بطانة الرحم والحمدالله الدكتورة قالت لي انها تحسنت
وعندي اجنه مجمدتهم عند الدكتورة ماجدة بس قلت اول اضعف وبعدين ارجعهم احسن يمكن اذا نزلت وزني (يعني صايرة بطبووطة مجكنمة) الله يكتب لي واحمل والرزق بيد الله

وسوري على الاطالة واتمني تقبلوني وياكم

الف مبروك التجمع اليديد

انا تعرفوني من اول تجمع اتوقع ما يحتاج اكتب شي عني

حياج الله تروفه نورتي التجمع وان شاء الله هالتجمع يكون خير عليج وعلينا
وهالسنه تكون خير عالجميع

هلا وغلا كويتيه مذهله يارب يفرح قلوبنا كلنا ويرزقنا بالذريه الصالحه
وصاجه اكيد لازم النفسيه تكون عال العال ومرتاحه عالاخر
حياج نورتي بمشاركتج ولا تقاطعين

آمين يارب العالمين