تجمع أولياء أمور مدرسة التكامل العالمية للعام الدراسي2024-2024

السلام عليكم
دورت بالمواضيع عن تجمع التكامل لسنة 2024-2013 ما لقيت قلت نتوكل على الله ونفتح موضوع جديد وبرفق اهم جدولين الي هم الجدول السنوي للمدرسه والرسوم

بالنسبه للزي المدرسي دزولي مسج المدرسه يقولون خل الطلبه يلبسون نفس لبس العام على ما يوصل اللبس الجديد

وهذي صورة المسج

مشكورة حبيبتي وايد فدتيني

الدوام ان شالله يوم الاحد الله يسهل الامور

بس جنه زايدين الاسعار والا انا غلطانه؟

واذا اخوان بنفس المدرسه اشكثر يصير الخصم؟

كل سنه يزيدون الاسعار ماني عارفه ليش

مساء الخير صح زايدين الاسعار بنسبة 5% وهذي الزياده المسموح فيها من التعليم الخاص

اما بالنسبه للاخوان يعطونج خصم 5% على اول اخ او اخت و10 % على الثاني و15% على الثالث و جذي بس ما ادري الى اي اخ

وينكم امهاااات
اليوم اول يووم دوام عسى الله يوفقهم ان شالله
انا عندي عيالي kg1&kg2 خنشوف يمكن احد بصف عيااالي يالله نبي نشاااااط

السلام عليكم
عام دراسي جديد موفقين ان شاءالله
انا ولدي قريد 1b

السلام عليكم
مبروك التجمع اليديد
وكل عام دراسي وانتوا بخير
والله يوفق عيالنا يارب

صباح الخير
عام يديد
والله يوفق عيالنا فيه ويحفظهم من كل شر ان شالله
انا اعيالي اسم الله عليهم بكي جي 1 d
وكي جي 2 f

يالله منو معاي

صباح النشاط والهمه العاليه
الله يوفق اعيالنا جميعا و يحفظهم من كل شر و اتشوفونهم متخرجين من الجامعه
طبعا اليوم الطلبه كل واحد لابس غير الثاني و هذي مشكلة المدرسة لانه ما في تخطيط مسبق للملابس وتوفيرها اما بالنسبه لجودة الملابس فحدث ولا حرج انا امس رحت دبنهامز وماركس وسبنسر خذيت لهم بنطلونات و خفت اخذ بلايز الاداره يقولون هذا مخالف لازم اللوقو مال المدرسه و هذا صار معاي العام و ما عطيتهم وجه
انا اعيالي اسم الله عليهم Gr6 &Gr4&Gr1 قولوا ما شاء الله هههههههههه.

شلونكم بنات حابة انظم معاكم للتجمع انا عندي kg والله يوفق عيالنا يارب

امين الله يوفقهم جميعا والله يخليلج عيالج Gr 1 اي صف؟؟؟

‍Gr1 C
تصبحون على يوم اجمل واحلى باذن الله

ما شاء الله تبارك الرحمن
منو عندك بقريد4????
أنا بنتي بقر يد 4
حيل لحظت بالمدرسة انه المدرسين صاروا عرب

اي صاجه الاخت شانيل انا ولدي بقريد 3 ومدرسته عربيه