|
|
السلام عليكم و رحمة الله و بركاتة
حبيت افتح تجمع حق امهات مدرسة أجيال ثنائية اللغة اللي بالرقعي
عشان نتبادل الخبرات و نستفيد من بعض و نقيم المدرسة 
انشالله الاقي امهات معاي
أنا عندي طفل بمرحلة kg2 و حاسة ان المدرسة زينة و كان متعلم من السنة اللي طافت الحروف العربية و الانجليزية
و الاعداد و الاشكال و يعض الجمل بالانجلش بالإضافة إلي العديد من الخبرات
و مدخلته من البري كيجي عندهم
وايد وايد ممتازة صج ما جربت غيرهم بس حلوة و مرتبة و التعليم عندهم ممتع
خلص كيجي ون يعرف الاحرف و الارقام باللغتين و العديد من الاناشيد و الآيات و الادعية
و ولدي متوسط مو فلته و لا كسلان
و بالبيت ما كنت ادرسة و لا ايييب طاري المدرسة ابد لان صغير
الحين بديت اتابع
وينكم يا امهات اجيال
بنتي داومت اليوم
الله يحفظهم يا رب
انا ولدي بــ GR2 وبنتي kg1 ..
بصراحه المدرسة ممتازة جدا جدا جدا من حيت التعليم والانضباط والمعاملة
والمدرسة وايد قوية وتهتم بتأسيس الطالب خصوصا لما يكون في تعاون بين البيت والمدرسة
واعرف ان الطالب اللي ما يمشي عندهم في الدراسة ويجاري زملائه يعطون انذار لاهلة عشان ينقلونه يعني باختصار ما يبون اي طالب
انا لي خبرة طويلة مع المدرسات والادارة واي استفسار انا حاضرة
انا ولدي بكيجي 2 الحين
و اسملله عليه وايد شاطر و ك الهوم وورك يحلهم جدامي عشان اتأكد انه عارف بالضبط شكل الاوراق بالمدرسة و انا اللي علي اراجع له حفظ و ااتأكد من فهمه من الخطة الاسبوعية بطرح الاسألة
و على فكرة ولدي كان بالمدرسة بري كيجي عند مس مريم و مس دانة
و بكيجي 1 عند مس ليال و مس سمر
و كانوا يموتون عليه و العام كانت المس مسكته الحفلة آخر السنة بفقرتين حقة بروحة لانه فاهم
السنه هذي ما عجبتني مسهم
تتشكى منه عى طول و تقول يسوي ربكة بالصف و معطيته اليلو كارد و الاورانج و كل يوم يقول لي خلتني تايم اوت
اسأله ليش يقول فلان يشخبطني ليما نكتب و انا اشخبطة تخيني تايم اوت و اهوا لا
و مرة فلان خذا مني الكرة بالريسس و إذا خذيتها …………………..
و اشياء وايد ما عجبتيني بمسهم بصراحة ما عمره ياني هالسنة مكافإنه مثل كل سنه تبي اليهال منضبطين مثل البنات
لاني رحت لها قعدت تتشكى حقي
وقفتها قلت وحدة وحدة
المادة العلمية اتحداج فيها كل شي عارفة
قالت مو شرط عارف كل شي عندج المهم عندي ( تبيني ايب الياهل جدامها تسأله عشان تتفشل بس خليت هالحركة بعدين جدام الادارة )
عقب قلتلها بس ولدي جذي معاج ……… قالت لا معظم الصبيان!!!!!!!
شكلها مثل ما قلت ما تعرف للصبيان
مادري شلون بتعامل معاها بنطر جم يوم و انشالله تتعدل لان كل يوم يا أنا يا ابوه نكلمها بالهده