تجربتي مع مسيره الوفاء

السلام عليكم يا بنات
والله حبيت اقولك عن رحلتي المتواضعه الى مسيره الوفاء لجابر الخير
وفعلا كانت مسيره حلوه مهيييييييبه تبين الوحده الوطنيه اللي بالكويت وحبنا لجابرنا كلنا
من حضر وعيم وبدو ،هذا غير الكبار بالسن والصغار والشباب بشكل عام هذا الجمع يدل على حب جابر الخير اللي ساكن بقلوبنا ،و المسيره كانت حلوه والموقف حيل مؤثر وكل مجموعه تمشي تكبر وتذكر الله والادعيه لسمو امير البلاد الراحل جابر الاحمد تنسمع من كل صووووب الوضع جمييييل وحزين ويبجي وايد وايد وايد وانا شخصيا وايد بجيت ليما راسي قام يعورني من البجي

بس في شي ما عجبني في بعض البنات الله يهديهم موقادرين يستغنون عن المكياج وكانت اشكالهم كأنهم يايين حفله او عرس والله العظيم ما ابالغ
ولا جنه هالمسيره مسيره حزن ووفاء وحداد على المرحوم الغالي
اللبس البايخ للبعض من البنات زائد المكياج الحمدالله والشكر

عموما انا مالي شغل فيهم اهم شي احساسي كان اني اديت واجبي لهذا اليوم
وانشالله كل يوم نكرر الدعاء لهذا الامير الفارس الشجاع

ها يا بنات منو راحت فيكم قولوا لنا عن مشاركاتكم في مسيره الوفاء لجابر

لا والله كان ودى بس ريلى يقولى الشباب راح يستغلون الوضع مغازل وتحرش بس شفت من الى قلتى عنهم حسافة ما لقوا وحدة تعطيهم جم كلمه بالعظم والله انى رحت اليوم الفروانية ما حاطة ولا شى بوجهى مع انه متروس حبوب ومفشلنى بس وطنيتى ما سمحتلى

اي والله حكوكو الواحد ماله خلق يحط ميك اب ياربي بعده حتى اسبوع ما صار له شيخنا الله يرحمه

بس لا والله حرام الشباب اول مره اشوفهم شباب الكويت عايشين الموقف جد ويكبرون بصوت واحد ويقولون لا اله الا الله محمد رسول الله
ولن ننساك يا جابر

يعني الخراب والمصاخه بصراحه كانت من البنات
اما الشباب لا حرام كانوا بحالهم يعني اشكره جدامي ما شفت مغزل الا يمكن صوب ثاني هذا شي ثاني
لانه ماشاء الله الناس كانوا واااااااايدين بشكل مو طبيعي

حسافه كان ودي اروح

حسافه جوريه طافج نص عمرج طافج الشعور الغريب
والله ما ابالغ بشي انه مشاعرج تكون مخلوطه حزن على الموقف
وفرح تشوفين اشلون احنا متماسكين بكل الفئات

اناشفت المسيرة من أولها بس ما تابعت بعدين نهايتها إش صار بعدين يوم وصلتو القصر و من استقبلكم عند بابه؟

والله بعض الشيخات اطلعوا من القصر
وكانوا بعض المشايخ يدعون وفي شعراء

بس تدرين احنا بوسط الزحمه فما كنا نسمع شي بس نسمع التكبير اللي يمنا

الحمدالله الله يبيض ويهكم انشالله

وبيض الله الله ويهج بنيتنا بأمريكا
والله يعطيج العافيه بصراحه على هالفكره اللي اكثر من رائعه
ويستاهل ابونا جابر التعب والعنوه والمسيره الرهيبه هاذي

بعد قلبي انتوا والله وبالله ماسويت الا الشي البسيط لهذا الابوالغالي