|
|
من وانا بنت الكل يقولي صدرج صغير صدرج صغير و كنت افكر واااي ليش صدري صغير ابي صدري يصير حلو ابي جسمي يصير حلو 
و يوم كان عمري 20 استخدمت زيت لتكبير الصدر من زين الاتات الي اهوا صيدلاني و خير بالاعشاب و كان الزيت هذا طبيعي 100% و مافيه اي مكونات ضاره فقلت يلا اجربه اذا ما فادني ما راح يضرني
المهم كان استخدام الكريم قبل النوم ادلكه 5 دقايق بطريقه دائريه من بره لين داخل الصدر …
استخدمته لمده شهر و انصدمت و شفت الفرق
صدري كبر شد صار احلى وااااااااااااااااااااااااااااااااااااااااااااااااا ااااايد ما تتخيلون اشلون كنت مستانسه و قلت لازم استمر علشان يكبر اكثر بعد
المهم بعد شهر حسيت انه صدري يفرز افرازات بنيه على اخصر .. استغربت وايد و خفت خصوصا اني مو متزوجه قلت شنو هذا ؟؟!!
كلمت امي قالت لي (( عادي عادي ماكو شي عادي يصير جذي )) و يتسكر الموضوع
وبعد قتره كان في دوره مسوينها عندنا بالدوام عن الصحه و تكلمو عن اورام الصدر و سرطان الصدر جان اقول حق الدكتوره عن مشكلتي بالافرازات فانصدمت @@ اني توني صغيره على هالسوالف
وحولتي على عيادتها بسرعه وسوولي سونار و فحوصات و عينات مخبريه وللاسف كان الخبر
والتشخيص كان وجود تليف في الصدر وكان وايد منتشر بصدري و احجام متنوعه لدرجه انه الدكاتره ما يقدرون يسوولي العمليه و يشيلونها لانه ممكن اتعرض إلى نزيف حاد …
والخبر الحلو الحمدالله انه العينات الي خذوها اثبتت انها اورام حميده والف الحمدوالشكر لك يا رب على هالنعمه
الحل انه اتعايش مع الاورام هذي و اتزوج و احمل بسرعه و احرص على الرضاعه الطبيعيه
وكل هذا صار فيني من سوالف تكبير و شد الصدر .. يا بنات انا الحمدالله الله نجاني لا تجازفون بعمرك ولا تفكرون تغيرون من عمركم … الله الي خلقج و حسن من خلقج
لكل شي سبب .. يعني هل الناس اعلم او افهم من الله الي قاعدين تكبرون الصدر و ربي سبحانه خلقنا بصدر صغير؟؟ الله اعلم شنو اصلح لج سبحانه … للاسف انا ما كنت افكر جذي لكن الحين الحمدالله تغيرت
انا الحين عمري 23 و اتابع بمستوصف الفيحاء عياده الثدي و الحمدالله تزوجت و يبت بنت و رضعتها شهرين وصرت احسن لكن هم لازم اتابع
انا بس حبيت اقولكم تجربتي علشان تستفيدون
تحياتي لكم
اي والله صاجه حتى لو اعشاب طبيعيه ممكن تضر لان كل جسم يختلف عن الثاني
|
المشاركة الأصلية كتبت بواسطة al-musk
 الحمدلله على سلامتج حبيبتي وماتشوفين شر
اي والله صاجه حتى لو اعشاب طبيعيه ممكن تضر لان كل جسم يختلف عن الثاني |
حياتي الله يسلمج .. ما قصرتي على مرورج .. اي والله صاجه كل جسم يختلف
|
المشاركة الأصلية كتبت بواسطة star pre school
الله يتمم عليج الصحة و العافية و يخليلج بنيتج
|
ما قصرتي حياتي شاكره لج مرورج الحلو
والبنات انشاءالله يقرون ويستيفيدون ويخلون هالخرابيط
انا زين الاتات هذا مو داش مخي احس تركيباته مشكوك فيها
لا حول ولا قوة الا بالله
صاجه الحين كل شئ صار امراض اعوذ بالله
الله يبعدنا ويبعد المسلمين من الامراض الخطره
اميـــــــــــــــــــــــــــــــــــــــــــــــ ــــــــــــــن
ومشكوووووووره على ذكر تجربتج جزاج الله خير ..
|
المشاركة الأصلية كتبت بواسطة التاجره الامينه
مشكوره حبيبتي على التنبيه
|
حياج الله حياتي