|
|
يسعد ماسكم كويتيات……… وعساكم دوم بصحة وعافيه
بقولكم قصتي مع اللقلوق اللي كل ماازيد لو كيلوا واحد يطلع لي وش كبره وكان مازمني بحياتي خاصه انه وراثه ابوي وامي عندهم نفس المشكله وزادت فيني ان وجهي طويل .gif "Eh S(16)")
وكانوا خواتي مزعجيني اسوي عملية تحديد الحنك وانا مو مفكره فيها لان همي كان بالقلوق لانهم هما يشوفون شي وانا اشوف شي ثاني ومرت الايام وجت يوم ملكتي وملكت وعقب الملكة قعدت اطالع الفيديوا والصور ولا كلش ماكوا لا حنك ولا رقبه وصراحه كان وجهي ماله معالم وكله سايح على بعض
,, اللهم لا اعتراض على حسن خلقتك 
وقلت لا خلاص هاذي مايبيله تفكير ولا تردد هاذي عمليه وابقرب وقت راحت علي صور الملكة مابي اروح صور عرسي غير ان الناس تشوف شي ماكنت انا اشوفه…
واللي صار انه حجزتلي موعد استشارة للدكتور وكان بعيادة جوفا عند الدكتور عبدالله الثنيان وهذا دكتور اثق فيه كلش ملش لانه امي وخالاتي كله يسوون عنده فما منه خوف الحمدالله ورحت له وكشف علي وقالي اني احتاج لحقن اخدود اكثر من تحديد حنك وشفط لقلوق
بس انا اعرف حق روحي واعرف ان الخدود مو حلوة ابد علي فقلت له لا انا ابد احدد الحنك واشفط القلولق مبدئيا وبعدين افكر بالخدود وقالي اوكي واخذت موعد 2-يوليو ورحت العصر وماخذت مني العميلة غير 45 دقيقة من التحضير للشفط للبس المشد ة بعد العملية بس وصاني البس مشد ضاغط لـ10 ايام ما افكه طول هالفتره مع مساج لمدة 10 دقايق كل يوم وعقبها فكيته وصار وجهي صغيرون وشحلاته وبرزت وجناتي وصرت احس بذقني على عظمة الترقوة عقب ما كان اللقلوق يمنعه وارتحت حيل خاصه انه مافي الم لا وقت العملية ولا بعدها الي هاليوم بس خزات خفيفه يعطيك معاها مسكنات اذا طلبتي والحمدالله طلعت وش حلاتي .gif "Eh S(22)")
ملاحظات :
التخدير كان موضعي
كلفتني العملية كامله مع المشد والعلاج 4423ريال
الدكتور شاطر بس قليل الكلام لازم تسحبينه تسحيب بالحكي
واي استفسار انا حضرة.gif "Eh S(7)")
حلو تبارك الله وهناك الله بجد تحديد الفك
يقلب الوجه ١٨٠ درجه..
بس ياليت لو حطيتي صوره قبل وبعد او صوره
تقريبيه
..~
بجد الحنج لما تسوينه يرررررسم لج الوي ويصير شكلج انوووووثي وتصغرررررين..
مشكوره على طرح مشكلتج وانشالله البنات اللي يعانون من نفس المشكله يتشجعون
خصوصاً ان النفسيه عقب العمليه تصيررر حلوه والثقه بالنفس تزززيد
والحمدلله على سلامتج يالغلا
مبروك اختي الله يهنيج بالنتيجه الحلوه بس ابي اعرف شلون شفط اللغلوغ ابي الطريقه بالظبط لبييز والتخدير شلون موضعي انا ودي اسوي بس اخاف من البنج
اول مادخلت العيادة رحت للرسيبشن واعطيتهم اسمي وحولني انتظار بعدها نادوني عشان ادفع وقالوا لي ادفعي 4000ريال سعودي يعني بالكويتي 291٫364 دينار 
وبعدها رحت لقسم انتظار الدكتور لان له انتظار بروحه وماتميت دقيقة الا الممرضة نادت علي ودخلت غرفة العملية وشلعت عباتي وبلوزتي وتميت على بنطلوني ولبسوني الازرق حق العمليات مع الكاب وعزكم ربي حق الريول وعطتني حبوب نوعين اكلهم وقالتي لي نامي على السرير لحد مايجي الدكتور واول مادخل الدكتور طلب مني اني اجلس وحدد الكم اللي بيشيله وبعدها نومني وقالي بتحسين بخزتين وحدة يمين وحدة يسار ابرة المخدر لانه تخدير موضعي ومن بعدها قام يحقن المنطقة بموية وملح وقالي راح تحسين بانتفاخ واختناق وكنت بخاطري اقول ايه عادي اهم شي اطلع حلوة مع اني كنت مرة خايفة لما شغل ابر الشفط .gif "Eh S(2)")
كنت بغير رايي واقول للدكتور وقف بس تعوذت من ابليس وسكت وبدا يشتغل وماتحسين باي الم نهائي بس تحسين بلعوزة لما تسمعين اصوات الشفط وغثيان من الخوف والم خفيف لما يقرب صوب الحنك بس من يقولك انه الالم نتيجة تحديد الحنك كل الالم يختفي من الوناسة وكلها الله وكيلك ثلث ساعة بس وكان الدكتور حاس فيني وبخوفي فكان يحكي معاي خاصة اني رايحة بروحي ماعلمت احد اني رايحة اسوي عملية لانه لو اهلي بيدرون بيرفضون وقلت اروح سكيتي احسن 
وبعدها وصاني البس المشد عشر ايام وممنوع اني اجس المويه بالهفتره خاصه صوب الجرح والاثر ابد ابد مو مبين تحسينه اثر حب شباب يعني خطيبي واهو يبوس مانتبه واعمل مساج كل يوم عشر دقايق نفس وبعدها يكتبلك حبوب مسكنة وتطلعين عادي بس راح تتكلمين بصعوبه عشان المشد على وجهك وثاني يوم يخف وكل يوم يخف اكثر من اللي قبل بس تنطرين شهر على ماتبين النتيجه لانه انا للحين احس بانتفاخ خفيف ومابينت النتيجه النهائية بعد
بس صراحه ارتحت حيل بعد ماسويتها الحمدالله يارب
اتمنى وضحلك شرحي واي استفسار انا حاظرة
وحقن الخلفيه
ساعديني واساليه اختي
على حسب كبر بطنك بس تبداء الاسعار تقريبا من 13الف ريال وفوق
ولي لغلوغ بسييط بس ايبين بالصوور دايم
اللي تقصدينه تحديد الحنك هي عمليه شفط بس!؟ لانه فيه تركيبه تخلي الحنك بارز مدري اذا سويتيها؟