|
|
بسم الله الرحمن الرحيم
انا حابه اقولكم تجربتي مع القرقيعان
بصراحه كل سنه تطلع موديلات وحركات واسعار ناااار فوق الخيال وبدال لايطلع القرقيعان فرحه ووناسه صار له ميزانيه خاصه وصار للأسف خق الفشخره
اول سنه تعبت وعانيت حق قرقيعان بنتي 
وبعدها حطيت ببالي انا موهذا القرقيعان مال أول اللي اهل الكويت معروفين فيه
سويتلي قرقيعان خاص فيني ولا كل الأنظار تصير حوالي بإجتماع الأهل والا الروضه 
وكلش مايكلف
اول شي اللبس خيطت لبنتي ملابس مثل المسلسلات القديمه موديل الزم والخام اللي احمر واخضر ولبستها البخنق
ويبت الزبيل وحطيت فيه القرقيعان ومعاي طاسه قاضار اوزع على اليهالوووه فيها وتعالوا شوفوا فرحتهم
و على فكره انا كنت بحفل الروضه لابسه بعد ليس قديم وثوب مال أول
بصراحه احلى تجربه سويتها وياليت كل وحده تحط ببالها ان البذخ مايرضي لا الله ولا رسوله وان الناس عمرنا مارح نرضيهم
والمبالغه الله ماااايرضاها……
من نكج <<<<<< باين مدرسة رياضيات
وفعلا .. الناس عمرنا ماراح نرضيهم…
وقمت اودي بس زبيل واوزع مثلج…
فكرتج حلوه بس استحي البس جذي
ياحلات ايام قبل
تعبت كل سنه خساير .. عبره بالمناسبه مو بالتوزيعات وعليكم بالعافية القرقيعان البسيط والقديم ياحلوه
انا باسوي قرقيعان بنتي بايدي وازينه بشئ مايكلف
لان اذا التكلفه صارت كبيره صار حرام
الله يكملج بعقلج لان القرقيعان وناسه موبس للصغار حتى للكبار بس بالمعقول
مشكورين خواتي على الردود الطيبه
يعطيج الف عافيه حبيبتي
هذاك اليوم كنت رايحه طيور الجنه مبطل في المنقف توه من فتره دشيت والا اشوف ينزلون علب واكياس من خام وشغلات تصلح حق القرقيعان وشغلات ملوت اول جان اقوله على جم قال كل شي ب100 فلس المهم قلت يومين وارد لكم قال اصلا يجون حريم الوحده بس تاخذ 500 علبه وتروح يقول لي لحقي عاد انا بروح باجر وانتوانصحكم روحو له
وعن نفسي بفصل حق بنتي عند خياط جيرانا عجيب مثل ماقلتو مزموم بحط لها كلف انا
وعيالي عندنا محل بفحيحيل بشتري لهم سديري وطاقيه والجيس وانا فصلت لي دراعه عجيبه موديل غريب بالعربيد
صراحه العربيد منزل دراريع عجيبه تصلح حق القرقيعان