|
|
مساء الخير حبيباتي كويتيات
في تجربة مريت فيها بولادتي الأخيرة مع الأمساك وقلت بكتبها إن شاء الله تفيدكم
بعد ما ولدت بأسبوع حاشني امساك ( الله لا يبلي احد إن شاء الله ) والله عذاب أكره روحة الحمام .. كنت أبجي بجي من الألم .. ماخليت شي ما جربته .. شراب مسهل أشرب أضعاف الجرعة إلي قايلة عنها الدكتورة ..تحاميل مسهل ..آكل خضار فواكه ..اشرب سوائل كل شي ممكن يلين بطني ماكو فايدة .. روحة الحمام مثل الكابووووس صارت .. ألم الم الم شي مو طبيعي .. لما الله فرجها علي والحمد لله …إشلوووووووون؟؟؟؟؟
بالصدفة كنت أكلم إختي بأمريكا وهي كانت والدة قبلي بفترة ..وقلتلها معاناتي مع الإمساك ، قالتلي ان الدكاترة اهناك موصينها على ( أول بران All pran ) عبارة عن ألياف وينباع بالجمعيات مع الكورن فليكس وهو ماركة الديك ويمكن في ماركات ثانية مادري .. والله مثل السحر بس كليته صار الوضع عادي والحمد لله .. أحمد ربي باليوم ألف مرة أحس أنه معجزة سبحان الله .
نصيحة مني لكل والدة تعاني من الأمساك تجربة طعمة مو حلو جنج تاكلين خيشة …وينظاف مع الحليب أو خالي تاكلينة أو تخلطينة مع الكاكاو بس المهم تاكلينة
وإن شاء الله أكون فدتكم .. وحبيباتي الوالدات ماتشوفون شر إن شاء الله.
انا حامل وصار لي فتره امساك
وناويه اروح حق دكتورتي اكلمها
بس دام نصحتيني بهذا بجربه
والله يوفقج واسهل عليج ان شاء الله ..
عاد نسبه الحديد عندي نازله مع انه اكل الحديد الي معطيني ياه الدكتور بس من كثر الاسهال جسمي مو قاعد يستفيد
مشكووووره على المعلومه خل ابطله مؤقتاويكرمون السامعين
لازم اجربه الحين لان الامساك ذابحني وانا توني والده يعني تخيلي المعاناة