|
|
صبـــآآح / مساآااء .. الورد ياوردات.gif "Eh S(17)")
..
..
وانا افتر بالقسم واقرا بالمواضيع يمين يسار شفت ان سمعت هالعياده بالمنتدى مش ولابد
قلت بنقلكم تجربتي ويا اسنان كلينك واللي احس العضوات نافرين منه
والشاهد الله اني بنزلكم هالموضوع وابيلكم الفايده ومن باب (حب لأخيك ماتحب لنفسك)
وانا حاسه فيكم لما كنت ادور عياده شلون كنت حايسه ومحتاره وكل وحده تقول شي بس فعلاً ماتقدرين تحكمين الا لما تشوفين بعيونج وتعيشين التجربه.gif "Eh S(15)")
اسمعو يامحفوظات السلامه ..
انا امي سوت تنظيف عندهم وحيل مدحتهم تقول ماحسيت بشي لمسات خفيفه وهي كانت تسويهم عند الميدان بس حست بالفرق من ناحية الالم ..
وخالتي بعد عندها مشاكل باللثه وراحت شكثر عيادات كلهم قالولها ان علاجها يحتاج جراحات ولما راحت اسنان قالولها ليزر – وبلشت عندهم
انا رحت وبطلت ملف دشيت استشاره وطبعاً انا عمري19 ولامره رحت طبيب اسنان بسبب الفوبيا منهم ولما رحت كنت شانه حمله علا نفسي وببلش من الالف الى الياء – قالي الدكتور يبيلج 6حشوات نعالج التسوس وواحد عصب ثنين وضرس واحد زراعه لانه متكسر موباقي فيه شي اذا تحبين تباشين نحطلج موعد تنظيف اسنان
وفعلاً نظفت اسناني – وقعدت شهر تقريباً مراجعات الحشوات ويا دكتور طلال الرياحي وكل شي كان تمام الحمدالله واساسا شغل الحشوات حيل سهل
عقب حولني على د.عامر العنزي وسويت العصب وكان دكتور روووعه ويمتص الخوف حييل- اول مادشيت كان ماسك ملفي ومكتوب بالملف اني اخاف من طبيب الاسنان ف قالي ها تخافين؟ قلت اي حيل- قالي عيل شلون لو تدرين اني بشتغل بدون بنج !
جان اقوم من الكرسي بشيل جنطتي واطلع قام يضحك قال لالا اتغشمر
والشغل روعه ولاحسيت بأي ألم وهو يشتغل والحين صارلي 3شهور من سويته وكل شي اوكي-*
اخذت موعد ثاني حق العصب الثاني ولما جيت وشاف الضرس قالي حرام اسويه لان الضرس اقصاها سنه وراح يطيح لانه متفتت ف ماراح نسويه عصب راح تزرعين احسن
وعقبها باسبوعين فعلاً طاح ضرسي.
وانا كنت بركب تقويم حولوني على اخصائي التقويم د.بول – وقعدت وياه سوالي دراسه واشعه وجكجكني صور-انا كان عندي الفك العلوي متقدم شوي وعقب الدراسه قالي المشكله بالفك السفلي هو اللي راد ورا اما اللي فوق طبيعي – ولو حاولنا نرد الفك العلوي ورا راح تتغير ملامحج ومنخارك راح يكبر وشفافك راح يردو لورا كتير – لوول لايحوشك
وقالي ان احنا نبي نضبط الابتسامه بالنسبه للوجه – مافينا نعدل الاسنان وننسى الملامح*
شرايكم فيني وانا لبنانيه
المهم ان اللي عجبني بالدكتور انه ماعشمني وقالي الفك ماراح يرد ورا الا بجراحة فك التقوييم راح يصفه الاسنان فقط ووراني النتيجه شلون راح تطلع وعجبتني ومن باجر ركبت التقويم
هالكلام شهر 4 وانشالله شهر 1بشيل التقويم
العياده روعه التعامل والراحه النفسيه والتقنيات المتطوره
بالنسبه للاسعار هي اللي صج تقص الظهر
الحشوات 60 د.ك
العصب 200 د.ك
التقويم طلع علي 2500 – عطيتهم 1000 دفعه اولى
وكل موعد شد 100دينار
وبس اشيله اسوي زراعة ضروسي والزراعه 400
وعقبها تبييض قوالب 100*
وراح اتبوسم 24 ساعه لووول
ونسيت اقولكم وحده اعرفها مسويه ابتسامة هوليوود عند د.بورزق اختصاصي الزراعه من جامعة هارفارد – واسنانها روعه جنهم اسنان حصه اللوغاني
تعبت من القرقه
سلاااام احبكم حدي.gif "Eh S(8)")
وماشاء الله فرق السما عن الارض الحين ضروسي وايد حلوة
مادري عن باقي الخدمات بس شغل دكتور خالد مضبوط 100% غير ان دمه خفيف وحبوب
وبعدين انا تقويمي ب 2000 لان حالة ضروسي كانت عفييييسه
انتي ليش 2500 وايد!!
والله مادري حبيبتي قالولي هالسعر وانا وافقت انا اسناني موذاك العفيسه يعني – ومدت التقويم ٨شهور إلى سنه
و٥٠٠ الفرق بينا يعني اممم مادري والله بس اكيد الدكتور يقدر الحاله احسن مننا
اشلون النتيجه انشالله مرضيه؟ وماجربتي التبييض؟ لوول صار استفسارات تحمليني :$
لا الدكتور خالد الخياط عجيب ماشاء الله
اسناني وين كانوا و شلون صاروا تغيروا حتى لما ابتسم فررررق
قبل جني بقز بني لووووووووووول
للحين ماشلت التقويم بشيله يمكن بعد شهر واحتمال اسوي تلبيس اللي بدون مايحكون الضرس حق جم ضرس لان عندي حشوات وجذي ابي اسنعهم
ماشلعلي ضروس بس شد والمفروض سنه بس عطاني سيور ماحطيتهم المهم سعره 1400 ليش انتي 2500 وايد تصدقين :
عالعموم عليج يالعافيه الابتسامه الشقاقيه مقدما
بس بسألج ابتسامة هوليوود شنو؟ وجم سعرها؟
والتبييض اللي بتسويينه سعره الاساسي 100؟ والا لانج عندهم
انا مفكره اسوي تبييض باشيل التقويم خلال شهر يمكن وماجربت تبييضهم
يليت تسالينلي اللي تعرفينها جم سوولها التبييض
الله يعيين مدري متى نخلص من هـ الاسنان
لاتحروني وتقولون غالي _ شكله هالدكتور مايراعي او مادري وين المشكله
حبيبتي اللي سألت عن التبييض _ اي ب100 انا سائله الرسبشن
ابتسامة هوليوود تلبيس ..
شراايكم بالتقوويم وو العووار شلوونه !!
واللي حااطة تقوويم شفااف شراايهاا فيييه !!
والله يعينة ع معانااة الاسسنان اللي ما تخلصص
تقعدين اشهر عشان اشياء بسيطة
حظج حلووو لأنج عند الدكتور طلال الرياحي 
ودكتور عامر دكتور العصب صح شغلة تمام
والله يهنيج