|
|
قبل جم يوم كتبت موضوع استفسر عن الحضانات..
ورحت وافتريت عالحضانات ومنها حضانة رينبو بمنطقة السلام بجنوب السرة
دشيتها لقيت الباب مبطل واطفال نايمين عالصوفا الصغيرة اذا تعرفونها مالت الاطفال وباب السكة مبطل وباب الصالة وماكو احد بالرسبشن شوي جان تمر *فراشه قالتلي لحظة اناديهم*
عقب مدة يتني فلبينية افتريت معاها عالحضانة ما ارتحت بس قلت اهوا نادي العصر مو لازم يكون بيرفكت يعني..
ولقيت بالمنتدى عندنا مدح عليهم*
المهم دقيت على صاحبة الحضانة مدحت حضانتها بس طلبت منها تحرص على الباب لان خطر والاطفال ممكن يطلعون بالسكة قالت حاضر وافا عليج وتامرين امر واذا الطاقم مو زين انا اغيره واييب غيرهم قلت يزاج الله خير وهم نبهتها ان بحصة الرسم حاكرين اليهال بالمطبخ ولا يرسمون ولا بطيخ وكان عذر الفلبينية ان الصدريات ملوت الرسم وصخين!! قالتلي لا شنو هذا انا بنبههم ومايصير خاطرج الا طيب قتلها عيل توكلت على الله وبسجل ولدي..
نبذة عن شخصية ولدي،،
ولدي اجتماعي جدا ماشاءالله وقليل البكاء*
حركي ويحب الاستكشاف ويشده اللعب الجماعي حيل لهالاسباب دخلته حضانة
اول يوم دخلته،،رجعت لقيت ويهه منصفق ومقعدينهم بالحوش الساعة8بهالبرد واهيا قايلتلي احنا مانطلعهم بالشتا،، الحوش للجو الحلو بس!!
شلته بدش داخل اخذ جنطته جان يموت من الرعب قام يرجف ويبجي ويشاهق بااااجي وايد الي مافيه حيل يبجي من كثر ما اهو باجي ويترجاني ما ادخله داخل بغرفة معينة اشرلي عليهاوللعلم انا منبهتها اذا بجا تدق علي وهم دقيت عليها بنص الوقت سألتها قالت نووووووو مدام هيز بليينق وذ كيدز!!
قلت مابجا قالت ابدا!!
قالي زوجي لا توسوسين يمكن فقدج شي طبيعي..
طلعت رحت الجمعية شاف فلبينية مات من البجي قاللي بليز لا توديني معاها وتعلق فيني!!
قام يقرصني بايدي وياخذ القلم يغرسه بايدي حيل !! حركات لاول مرة اشوفها منه!
طبعاً غير ان مستمرض ويكح ويعطس !!
بالليل يتفزز يبجي ويقولي بنام يمج لا تخلينها تطقني!!
كل هذا وهم قلت بسي وسواس خل اقطع الشك باليقين
ثاني يوم وديته ماشافها عادي عنده مابجا خليته ونص ساعة ورجعتلهم وياريتني ماخليته ماراح اسامح نفسي ابداً عالمنظر الي شفته،، طبعاً دشيت والابواب مفتوحة يعني ملاحظتي قطتها ورا ظهرها دخلت والا ولدي
منزل راسه ويتنافض من الخوف وباجي لين قايل بس وماسك القلم غصب واهيا بس شافتني قامت تلمه وتمسح عليه سمع صوتي ورفع راسه وانفجر من البجي لان كان ماسك نفسه وقام يشاهق الي باجي وايد لدرجة مافيه طاقة يبجي ويرجف بخوف فضيع خذاه ابوه قام يقوله لا تروح داخل عندها دير بالك!!
اكلمها ليش جذي تبلع ريجها وموعارفة ترد
عطوني اكلم وحدة بالفون والا تقوللي مانرد فلوسج قتلها مو هامج تعرفين شنو فيه بس هامج المبلغ!!
لما شديت معاها قالت اعطيج من مخباتي الفلوس،،ليش اطر منج انا!!
المهم قالت باجر استردي المبلغ،،
اخذت وليدي حبيبي وطلعت ونفسيته زيييرو ومرعوب!!
داقه علي صاحبة الحضانة
ابدا ابداً ما سألتني شالي صاير ولا همها كلش تسمع مني!!
وتقوللي من كلمتيني اول مرة عرفت انج عندج مشكلة وحساسية!! ليش اني نبهتها عالباب!!
كلمتها بكل ادب وربي يشهد،،
اقولها ولدي معاي بس عيال الناس امانة برقبتكم جان تسده بويهي!!!
بذمتكم وحدة بهالمستوى الاخلاقي تحتضن اطفالكم؟؟!!
لما بسجله حطتلي الشمس بايد والقمر بايد ولما سحبت منهم تسده بويهي!!
حاطة خدامات فلبن وتقول تعليمي ترفيهي،،الي عيالها هناك اقولها حطيهم عند الخدم ابيتج وحطي كامرات لان بهالحضانة عند خدم ماتعرفينهم ومافي رقابه
((اللهم قد بلغت اللهم فاشهد))*
*
وعقب ما نأسسه بالروضة لما يروح يكون فاهم وعلى تربيتنا
اشكرج على مشاركتج
وبالفعل انا من هالناس لكن حبيت ادخل البهجة على قلب طفلي بالمشاركة مع الاطفال واللعب معاهم بسبب شعوووره بالملل طول اليوم
بس تعلمت درس من هالحضانة
وماحبيت اسكت لان شفت وايد اطفال قاعدين يعانون واهلهم غافلين !!
بس تجربتج هذي لا تخليج تيأسين وتتراجعين عن فكره النادي والحضانه ترى في وايد حضانات زينه
ومشكوره وجزاك الله خير على ذكر تجربتج
بصراحة خلاص يتني صدمة اصلاً واهوا نايم كل شوي اطل عليه قلبي معورني وايد الله ياخذ حق هالاطفال الابرياء منهم
شلون تحملتي المنظر لو انا جان قعدت ابجي معاه
والله هالحضانات مووووثقه كلللش شرايج حماي مسجل بنته بحضانه معروفه وغاليه حيل بس والله بالسنه يمكن ١٠٠٠ دينار
يقول جم مره ترد نشوف طقات بجسمها ولا يروح حماي يشرشحهم عذرهم ان يمكن اليهال معورينها وغير انها ترد ميته يووووع امها استغربت
وكللللش ما رتاحت وطلعتها
وغير عزكم الله تيبها مو مغسله عدل
هذا واهي من اشهر الحضانات الله يعين اقول خلي بنتي بالبيت ابرك لاحقه علي الروضه وربي يحفظ وليدج ان شالله
والله والله لما طلعت من عندهم بجيت لين قلت بس وريلي يهديني وابجي تخيلي ولدي يقولي ماما لا تبجين خلاص راحت قصده الفلبينية امبيه حسيت ودي الارض تنشق وتبلعني شعور فضيع
تدرين ولدي كان يقول عالحمام الحين قام ما يتحكم يعني تعبي راح هدر صارلي شهور اعلمه عالحمام حسبي الله ونعم الوكيل فيهم
طبعا حاطتله اكل بالجنطة
تقوللي كلاه كله قتلها معقولة انا ولدي ما ياكل شلون كلاه كله لا وتوست اهوا انا اقصصها بايدي يالله ياكل نصها
طلعنا من عندهم ولدي ميت يوع يقول ابي اكل مع ان نوعه ما يطلب اكل
بعدين قاللي شيسوون تخيلي ياخذون الاكل ويعطون اليهال بسكوت قاللي عطتني بسكوت
مادري شقول عنهم
لو كنت اعرف مكان اقدر اشتكي عليهم والله ماترددت لو لحظة لان جد قاعد يعذبون الاطفال حرااااااام
تقدرين تشتكين بوازره التربيه والتعليم اذا الحضانات تتبعهم
حنين ليتج تذكرين اسم الحضانه عشان تنبيهن امهات يمكن يكونون اعيالهم بهالحضانه وتاخذين اجر فهالأطفال المساكين
واهلهم اللي مأمنين عليهم
الفلبينية الي بالرسبشن اهيا نفسها ابلة شلووون مادري!!!
معذبة اليهال عساها تذوق ما ذوقته لهالابرياء
وصج المفروض اي وحدة فيننا تشوف شي او سامعه شي عن حضانة تبلغ الكل لان هذي امانة
ماهو مطعم نتسمم ونطيب
ولا محل يغشنا بالسعر
هذي ارواح بريئة
عيل الامهات ينحاشون من الخدم واجرامهم تطلع هالحضانات الفاشلة كلها اجرام!!
انا ماكنت بقول عشان لا اسمع كلمة انتي حساسه او اوووفر لاني مليت منها
شوفي انا استقلت عشان ولدي
وطردت الخدامة عشان لا تأذي وانا نايمة او بالحمام
واذا بروح الطبيب اخليه عند امي او خالتي
وكل مكاااان اهوا راكب السيارة قبلي
فتخيلي شنو حسيت فيه لما الفلبينية الي بالاصل خدامة سوت فيه جذي!!
تدرين من صارت الساعة٤وانا منغمته افكر بالاطفال حبايبي شقاعدة تسوي فيهم الحين واهلهم مايدرووون
ودي امسك كل ام وابو واقولهم بس صرنا نخاف من ردود افعال الناس لانهم بس يبون الفكة من العيال
حسبي الله ونعم الوكيل بصاحبة الحضانة الي ماكلفت خاطرها حتى تسألني شصاير!!
لا ولما سويت سيرج لقيتها داشه بنك ومادحة حضانتها ومرفعة فيها والنك مافيه مشاركات الا بموضوع الحضانات
يعني اشكره تبي تلم فلوس وبس
حبايبي هالاطفال يقطعون القلب عاد عندهم طفلة توها تمشي حيييييل قلبي عليها ودي اعلم امها كل ما ادش البنت اعيونها حمر وباجية
ولا شرط متوفر بهالحضانة الفاشلة(رينبو بلي قروب)السلام جنوب السرة
* 6 نقاط يجب توافرها في دار الحضانة
* (مقتبس بتصرف من كتاب اكتشاف تنمية الطفل، تأليف الدكتورة كارول مارتن والدكتور ريتشارد فابيس)
* السلامة – رعاية الطفل ينبغي أن تكون آمنة، تأكد أن الأبواب آمنة ومغلقة دائما، وابحث عن أي مخاطر ولا بد من إبعادها عن الأطفال، كما يجب أن تنتبه إلى مستويات النظافة في الحضانة.
> تأكد من أن تسأل عن نسبة المشرفين والأطفال، وحجم المجموعة، فكلما كبر عدد المشرفين كثر الاهتمام الذي يتلقاه الطفل.
> حاول زيارة الحضانة عدة مرات للتعرف على الجو العام.
> لا تنسَ أن تسأل عن الأبجديات، مثل كيف ستقوم الحضانة بإبلاغك عن الأنشطة اليومية لطفلك.
> هل المشرفون مؤهلون ومدربون؟
> ما هي المرافق المعدة لتقديم الإسعافات الأولية؟ وهل توجد بها ممرضة مجازة؟
اهم شي انسي الموضوع و لا تذكرينه او تسولفين قدامه علشان ينسى و مهم تلقين حضانه زينه علشان ما يتعقد من البيئه برا البيت
افضل الحضانات الي مع مدارس احس متخصصين اكثر و على فكره اذا هذي التجربة السلبيه كانت تجربتش الاولى لا تيئسين من فكرة الحضانه
و بالتوفيق