تجربتي الاولى بالولاده

مسالخير كويتيات شلونكم بقولكم عن تجربتي بالولاده باختصار عشان ماتعب نفسيا الللي ليما اللحين مو مستوعبه اللي صار اول شي انا بجريه واتمنى افيد البجريات كانت ولادتي يوم الاحد بدات الام الطلوق الساعه 11ص وماكنت مستوعبه ان هاذي الطلوق عبالي عوار ظهر عادي شوي شوي العوار نزل لرجلي اليسرى وهالشي يصير معاي وقت الدوره قلت اخذ شور دافي واحط راسي وانام احسن واخذت والمشكله زاد العوار واحنا متفقناااااش على كده خااااااالص ياااالهوي يجد وانا ليما الحين مو مستوعبه ان هذا الطلق قلت خليني انسدح شوي احسن وانسدحت وياريتني مانسدحت زاد العوار واحس حالي بس بروح الحمام تكرمون نزل معاي افرازات فيها شوي دم ،،وبهاللحظه استوعبت اخيررااااااا رحت على طول لامي طيرااان واقولها جان تقولي اي عادي تو الناس مو شرط هذا الطلوق طبعا اهيا تقص علي عشان ماخترع بس قالتلي ظلي امشي وانا رايحه راده والعوار يذبح واذا قعدت اموووت من العوار قعدت على هالحاله ليما صلاه العصر نطرت ابوي يجي من المسجد وطيران عالمستشفى وطبعا وانا امشي قريت سوره مريم وشغلت ادعيه وقران اول ماوصلت عالمستشفى اكشفت علي دكتورتي وقالت لي مفتوحه 3سم صعدوها فوق طبعا الكشف عورني صرخت جان تزفني اختي قالت مابي اسمع صوتج اليومترا محد راح يتعب غيرج مجهودج راح يضيع بالصراخ عاد انا كنت متحديه حالي قلت مراح اصرخ ولا راح ابجي وقعدت امشي بالممر لاني مو قادره انسدح من العوار واقرا سوره الزلزله واقول كل الادعيه اللي حافظتهم ليما الساعه ست جت الدكتوره وافتحت ماي الراس وحطتلي طلق صناعي ويممممه يالعوااار احس جسمي كله تكسر مافيني شي صاحي وقبل لاتدخلني الدكتوره غرفه الولاده بطني قلبت وقعدت ارجع لان حسيت البيبي نزل خلاص والعوار يموت ودخلت الغرفه وربطوني وانا مقهوره قاعده اتعور وبموت والدكتوره تسولف مع الممرضه عن حال مصر هالليومين وبعد معاناه الدفع قصتني الدكتوره وطلعتلي احلى بنوته بالدنيا ربي يحفظها وقعدت تخيط وانا مسترخيه ماصدقت على الله خلصت هالمعانه صج الحمدلله يارب واذا سالتوني متى بتحملين فانا اقولكم مشروووع الحمل مؤجل ليوم غير معلوم

الحمدالله على سلامتج

خرعتيني شوية لوووول

وتتربى بعزكم البنوتة

الحمدالله عالسلامه

بس ليش ما اخذتي ابره الظهر؟

ومثل ماقلتي وايد حريم كبار اعرفهم يقولون الطلق نفس عوار الدوره

…

زبده

الله يسهل عليج

اذا دخلتي شهرج روحي البحر مع زوجج وامشي حافيه عالتراب

ويوم الولاده اكلي اناناس يسرع انقباضات الرحم واكلي تمر مذكور بالقرآن

واحبي علشان ينزل راس الجنين تحت

لحمدلله على سلامتج ومبروك المولوده

ماقلتي اخذتي كمام ولا لا؟ انا مثلج صناعي واااي الالم ماينوصف اعوذ بالله

زبده يسلمج يارب صج عوار وتعب بس من شفت البيبي طرت من الفرحه وحسيت كل الي صار كابوس،،،،،،،،،، مس بوتمبا يسلمج يارب لا صراحه مااخذتها قلت انا راح اتعب بكل الحالات فخليني اتحمل يًوم واحد وارتاح بعدين لان الدكتوره قالتلي مو زينه ابره الظهر بيكون لها اثار ،،،،نور دنياه يسلمج يارب حطولي كمام اي بس دخت منه وحسيت مامنه فايده ووخرته عني

خوش قصة
الحمدلله عالسلامة و مبروك ماياج

الحمد الله على السلامة عاد وايد خايفه احس راح اموت بهاليوم مادري ليش استغفر الله يمكن عشان بجر انا بس احس بعوار خفيف اقول الله يستر بيوم الولادة شنو بسوي

الحمدالله على سلاممتج والف مبروك البيبي يتربي بعزج ^_^
ماقلتي لنا باي مستشفى واي دكتورة وشلونهم وقت الولاده معاج ؟

اب

اب

اب

الحمدالله عالسلامه ومبروك المولوده

حمدالله ع سلامتج ي قلبي
ومبرووك البنوته
وصح كلام اختج الصراخ يهد حيلج ويستنزف كل طاقتج

ابيه لو هذا طلقي جان مارحت اذا مانزل العوار على بطني ولا ما اعرف انه طلق
تعقدت خصوصا ان رجلي تشد علي وانا طاف الله يستر بس الحمدالله على سلامتج
بس ليش عطوج طلق صناعي ؟ ماشاء الله كنتي مفتوحه وفيج طلق

الـــحـــمــــد للـــــه عــــلــى ســـــلامــتــج
ومــــبـــروووك مـــــــايـــااااج

الحمدالله على السلامه وتتربى بعزكم الجميله

زبده حيااتي معذوره انا مغصني بطني هذاوانا عندي بنت
بس على قولة خواتي ولاده مبكره خخخخخ ماتعتبرين والده

وربي اذا قرييت اخاااااف لاني احس صدق ماجربت كانت ولادتي سريييعه جدا ومااستوعبتها ابدددا ومفاجأه لي

مااتذكر الا الم طلق الصناعي وكان نصف ساعه او اقل بعد

حمدالله على سلامتج ومبروووك عى المولود االجديد
باي مستشفى ؟
وشن حسيتي يعور اكثر طلعه البيبي او المشيمه ؟
لان انا سمعت ان عوار طلعه المشيمه عوار اكثر من طلعه البيبي

حمدالله على سلامتج