|
|
انا اليوم يايبه لكم موضوع وايد حلو عن د.منى الغريب
و اتمنى من مديرة المنتدة تثبت هالموضوع
و هالموضوع اوجه حق كل عضوة بمنتدى كويتيات عن تجاربهم سواء مع الدكتورة مني الغريب او المعهد الايماء و الاحياء.
انا الحين اول وحده بقول لكم عن تجربتي الاولى في المعهد و مشالله وايد حلو و ساعدني وايد كانت زيارتي الاولي
والحمدالله ارتحت وايد و شافت جسمي و مشالله هال معهد بصفه عامه يريح و صج انصحكم في اهناك دورات يايه انا الحين حدي مفلسه لكن بروح بعد عندها دورات و وتقدرين تسويتها اب اي وقت و بروحج بعد انشالله مع جلساتي اليايه
و ارجو و كل رجاء من مديرة المنتدى تثبت الموضوع عشان نستفيد و نعرف شنو الي سوو من تجاربهم الخصه مع الدكتورة.gif "Eh S(17)")
و مشكورين و ناطره الردود اب اقرب وقت ممكن
تحياتي
نورتي الموضوع و راح ينور اكثر بمشاركه خواتي
المعهد اهو يقدم
الجلسات الجماعيه العلاجيه:
1- التنويم الإيحائي
2- الريكي – المستوى الاول
3- الريكي – المستوى الثاني
4- الرياضة العقلية – المستوى الاول
5- الرياضه العقلية – المستوى الثاني
6- أسمع جسمك وهو يتكلم
7- التحرر من الضغوطات النفسية
8- فكر في مرادك تحصل عليه
9- الهاله و الكينيزيولوجي
10- ملامح الوجه العلاجية
11- الرقيا بالقران الكريم( المستوى الأول و الثاني و الثالث )
12- النظام الغذائي الصحي الشافي ممن الأمراض
13- ارجاع الطاقة
14- تنظيف الطاقه
الجلسات الفرديه:
1- جلسات الريكي
2- جلسات الباي اورا
3- جلسات رقي الشكرات
4- جلسات كينيزيولوجي
و عنوانهم
وبن عمارات شاكر الكاظمي الي بالشعب الورديات
عمارة D الدور الاول
و هذا رقم تلفونهم
2515550
2545960
و لاتنسون بنات انا ابي تجاربكم الي كانت مع الدكتورة
و ناطرة الردود
وبعدين هالشغلات ما اعتقد انها من الشرع الا مكتب د منى يعالج بالقرآن
ما بقي باجر راعي البقاله والخياط هذا الي ناقص
بالله على اي اساس حاطين هالتسعيره؟؟؟؟؟؟ وشنو هالاسلوب؟؟؟؟ من وقتها حطيت عليهم X
بس اموت واعرف شنو سر ثقة الدكتوره منى بنفسها ماشالله ابي ثقتها الفظيعه هذى.
وكان مريح وايد وعلمتنا كذا طريقه بسيطه نتخلص من الضغوطات وخذيت دورات بس مو بالعلاج والسوالف هذي خذيت دورات 4 دورات عندها ووايد فادتني اول دوره صناعة السعاده
دورة كيف اعرف نفسي للاخرين وبحب
ودورة عقلك هو ادراكك
والدوره الرابعه الاختلاط بالناس وتفادي الازمات
وكانوو رووعه بس اتوقع انه اسلوبها غير عن الدكتوره منى الغريب لاني احتكيت فيها شخصيا .
بعدين بنات مسرع ماتنتقدون ماخليتو البنيه تقول تجربتها عدل احنا وايد نستغلي اشياء في اشياء صج غاليه حتى برا جلسات الطب النفسي غاليه عبالكم دكتور رجيم الدخله بخمسه بتقعدين خمس دقايق وبتطلعين
سويتي اعلان عن الدورات
وماقتي لنا عن تجربتج 
و انا بقول لكم تجربتي
بصراحه و الحمدالله يعني انا كنت قبل كلا تعبانه و نعسانه و كلا ادوخ و اخاف من سياقه السيارة
لكن الحين من بعد زيارتي لها الحين ماقمت اخاف تيني حاله الدوخ من وقت لي وقت مو دايما والحمدالله تبارك الرحمن حسيت بتغير بس مو وايد بسيط بس احسن لوايييد
و بعدين نصحتني اب جلسات و انا لحد الحين ماسويتها لكن الحاله الماديه ماتسمح بالفترة الحاليه لكن انشالله اذا الله وفقني بروح لها و بالعكس يعني مو هم الوحده الفلوس همها راحتها عدل كلامي ولا ؟
و و امنيتي مشكورة على الرد و احترم رايج
و ناطرين باجي تجارب البنات
و لجونه لي طلب بغيتج اذا تقدرين تعلميني على التدريب الي علمتج اياه الدكتورة نوال و ردي علي بالخاص
تحياتي
هل هذا مرض ولا شي طبيعي؟؟؟ظ
انا كنت اسوق سياره ووقفت بسبب الرعب من باصات المواصلات الكبار ينامون على السياره يخرعونى واحس ايدي تتشنج وتبرد.
وحاليا عندى سايق بس كل ما اركب معاه اتخيل انه بيدعم وانى بموت وكل سياره تمر يمى احس بتدعمنى وراح اعيش مشلوله او اموت خلاص وايدي على قلبي واتشهد لما اوصل المكان اللي رايحه له تعتقدون هذى فوبيا..
لازم علاج نفسي يعنى؟؟
انا عادى مطنشه الموضوع هذا وكله اسوى روحى مافينى شي بس كله من صحتى القولون العصبي ما ارجع من طلعه الا وارم حده..
اروح طبيب نفسي؟؟؟؟؟؟
صراحه انا وحده جربتها وصديقاتى ……………..ما شافو منها فايده
المفروض الحكومه تسكر هالأماكن …يعنى وعليه ألى تبى تتشافى بأى طريقه تبى تدفع هذى تييى وتمص فلوس الناس يعنى((نصف ساعه )) ((60 )) دينار واذا يابت من برا واحد تتقاسم معاه المبلغ((120)) دينار مو حرام .. وتقول جلسه كنزيولوجى هذى .تقعدون وياها تمسك ايدكم وتقول ايدج ترى قاعده تكلمنى وراسج هذا بالله هذاحجى يرضى فى الله سبحانه وتعالى وحاطه ريال اسمه (( نسيت سورى او فلسطينى )) يقرأ قرآن وياخذ 15 دينار شدعوه ….والشئ قاعد يسير بزدياد بالكويت وشنو معنى ريكى هذا كله شغل كفار بوذه ,لو ترجعون الى كتب الريكى راح تكتشفون هالشئ والتعاويذ مالت فتح الشكرات وووووالكلام ما يخلص
الله يبعد عنا وعنكم الشر ويشفى جميع المسلمين
الله يسامح هالأشكال ويسير عندهم ضمير ….ويرجعون الى الله