تجاربكم مع مسك الطهاره من القرشي

مرحبا ياحلوات
شلونكم…………………شخباركم
بدش بالموضوع دغري

انا دايم اسمع عن مسك الطهاره الاسود السائل من القرشي
ويقولون انه افضل من المسك المدور اللي نبشره
المهم رحت واشتريت توله من القرشي وقالي انه مسك صافي نقي %
عاساس اني احط منه بعد ماانظف من الدوره عشان يضيج ويخلي الريحه حلوه

لكن…………….
لما احط منه شوي بطرف صبعي احس بحرقان يذبح
وتطول الحراره يالله تروح
هل هذا طبيعي؟؟؟؟ والا المسك مغشوش؟؟؟؟ والا طريقتي غلط؟؟؟

مع ان كل البنات يقولون حطي نتفه بطرف صبعج
انا ابي اسمع تجاربكم؟؟؟؟

وشكر ن ن ن ن ن ن

والله ماادري عن الاسود انا بصراحة توني شارية المكعبات بس ليلحين مااستخدمته

انا لما رحت للقرشي قال عندي المسك السائل الابيض الشفاف
اسمه مسك العروس
والاسود اسمه مسك الكعبه
قلت له شنو عيل مسك الطهاره
قال الاسود. لانه نقي وصافي
بس ليش يحرق!

لاتحطيه داخل حطي بس على منطقة البكيني عشان مايسبب التهابات لج وافضل شي بعد الدوره المره وملح خشن تنقع بماي وتشطفي فيها تنشف وضيق

والله ما دري يمكن البنات يفيدونك

حبيببتي بجم شاريته ؟؟؟؟ظ صج يقولون غالي المسك السائل؟؟؟؟؟؟؟

عاد انا امس بالفنار كنت بدش اسال عن مسك الطهاره وشنو الفرق بين السائل والمكعب ,, بس بصراحه استحيت اللي يبيعون مصرييين وشباب استحيييييييييييييييت ما دشيت ولا حتى سالت

ياقلبي انا مجربته واخذه من عند عبد الصمدالقرشي

وحط بقطنة جم نقطة واتتبع فيها مجرى الدم طبعا هذا لا جيت اغتسل من الدورة بس مرة وحدة بالشهر كافية وعلى قولتهم

هذا المسك الاصلي اللي يطلعونه من دم الغزال على شان جذي اسمه مسك دم الغزال واللي اهو

موصي فيه الرسول صلى الله عليه وسلم للطهارة

والتولة من المسك الاسود ب96 دينار

اما المسك الحجر او المكعبات الكرتون اللي فيه 6 مكعبات ب6 دنانير

وهذا ما يصلح للمناطق الحساسة لانه مسك صناعي اهو لتعطير الجسم والملابس فقط

اما المسك الاسود فهو مسك طبيعي وانتي شوفي فرق السعر بينهم وتعرفين الاصلي وين

وسلااااااااااااامتكم

طبيعي المسك يحرق بس حتى الابيض الشفاف ينحط عادي ويحرق وبعدين منو قال يسوي التهابات؟ المسك مايضر كلش

مشكوره عالمرور
و اللي اعرفه انه يقولون اتبعي في مجرى الدم
وانا مو قاعده اتبع المجرى بحذافيره انا بس يدوب مسحه عالماشي

هلا اختي
انا شريت التوله اعتقد ب10 دنانير وعطاني نص توله هديه

يسلمج ومشكوره عالمرور
لكن ليش يقول لي انه مسك اصلي صافي
شكله لا صافي ولا يحزنون

هااااااااااااا لقيت وحده مثلي يعني عادي يحرق شوي؟

شكرا عالمرور

انا استخدم المسك الابيض السائل ومرتاحه معااه وااايدوريحتة اتهبل ومايسبب لي حرقه ولا شي بالعكس احس اني نظيفه
انا شميت ريحة المسك الاسود عند القرشي ريحتة حدها مو حلوه استغفر الله اشلون اتحطونها بالمنطقه الحساسه ؟؟ ماتسوي ريحة مو حلوه !!

حبيباتي ترى القرشي وايد مستغل الحريم بمسك الطهاره و سعره مبالغ فيه آنه حضرت دوره عند داعيه عن اتباع السنه في الطهاره و كانت تبيع المسك الصافي الثقيل ب دينارين و ريحته تهبل و المره داعيه يعني مو معقوله انها بتغشنا و دايما كانت تحذرنا من القرشي هالنصاب و المسك اللي عندها من المدينه المنوره يعني مبارك من دعوة الرسول للمدينه و اللي تبي رقم الداعيه آنه حاضره لانها عندها وايد اشياء من الطب النبوي وايد مفيده
و ديروا بالكم لحد يشتري من القرشي
الا هل بلغت اللهم فاشهد