تبين تنزلين 20 كيلوا رجيم قبل رمضان 20 منو وياي؟[مدة الموضوع شهرلا من تاريخه]

السلام عليكم

الموضوع باين من عنوانه

انا مليت صراحه من وزني خلاص بطلع نيو لوك بالعيد الياي وابي برمضان اكون اخفف مو رجيم كالعاده
ابي انزل 20 كيلوا بظرف شهرين او 3 اشهر يعني بعيد الفطر ان شاء الله انا قاطه ال20 كيلو

منو يبدي وياااااااااااااااااي

من اليوم
انا باديه رجيم على الريج ماي
وريوقي كان نسكافيه
برد انام لاني دايخه
بقعد اكل تفاحه او خوخ او مشمش
وبروح النادي امشي ساعه الا ربع الى ساعه
وربع ساعه قاري
وبرد باكل نص خبزه سمرا ويا هوبرغر مشوي وخس وطماط وخردل
وبنوع بالعشا مره هوبرغر بروحه مره تونه مره سلطه مره سلطه فوااااااااااكه
يعني يومين بدون خبز يوم خبز
يعني بالاسبوع 3 مرات خبز
لانه وزني صعب ماينزل بالنشويات فلازم اخفف حيل
والرياضه من السبت لمه الاربعا الخميس طلعتنا واليمعه يصكر النادي

ونسيت اقول لكم
انه يوم الخميس اكل وجبه وحده اهيا العشا لانه بتكون دسمه وهذا يوم طلعتنا وفري
مو معناته دسم بخربط لا بطلب سلطه شي مشوي عصير

واللي بتسجل وياي تكتب طولها ووزنها
والرجيم اللي بتسويه
وجم تبي تصير

انا اول وحده

طولي 154
وزني 83
الرجيم التخفيييييييييييييييييييييف
وودي اصير 65 او 63

ناطرتكم

انا ودي اصير نيو لوك بالعيد هههه بس مافي اراده
وزني 90 طولي 155

انا طولي 157 ووزني 82

يا ربي شسوي مليت من شكلي
والله ماقمت احب اروح مناسبات وحفلات وعروس . استحي من جسمي

وما أقدر اسوي رجيم . مادري ليش جذي ماعندي ارادة

احط فبالي بشترك بنادي بس ادري بنفسي ما أداوم إلا يوم بالشهر لوووول والله صج مره سويتها . اشتركت 3 أشهر وما داومت إلا يوووووووووووووووووووووم واحد فقط والله إني ما أبالغ

حتى الحبوب اللي تمنع الشهية استخدمتهم ونزلت 5 كيلوات جان اطنشهم ورديت فوق الخمس اللي نزلتهم

يعني مااااكو فايدة مني . وكل سنه قاعده ازيد 5

اللي تعرف طرق يديدة تقولي لووووول

حتى آنا، مشتركه بنادي من أسبوعين وقلت بسوي رجيم، ألتزم 4 أيام ويومين ككاو وحلاو :

بس اليوم قلت بلتزم، ما بقى شي على رمضان.

طولي 168.5 ووزني يفشل :$

بسوي رجيم ربيعه ورياضه بالنادي، مشي نص ساعه قاري ربع ساعه وبعد جهاز ربع ساعه، اليوم يمكن تنزل الدورة فالأكوا بأجله عقب ما أخلص من الدوره، وبدش كلاسات أشوف على حسب الجدول.

وادعوا لي ما أخرب

أنا بعد معاكم……….صارلي 6 شهور من ولدت بدخل نادي وللحين طبعا
طولي 160 وبنزل 20 كيلو………..شطول المشواااااااااااار

بس يبيله ادارة ,ياربي ما يبيعون حبوب ارادة

وآنآ بعد ويآكم وزني آلحين 73 وآبي آقط جم كيلووووو بس مشكلتي بخودي فآشين شوي لاوآلله وآيد موشوي ههههههههه آبي شى يتفخهم يحسرتي ويهي صآير جنه مخآبي نفنوف يدتي ههههههه

انا وياكم الطول 164 والوزن 80

وياااااااااااااكم

وانا بعد معاكم بس انا مشكلتي الكاكاو ادمان ما ادري شسوي بعمري وزني 83وطولي159 ابي انزل20 بس حلم وان شاء الله يتحقق باذن الله والرجيم اللي الله يقدرني علي بس حليا تخفيف وبحاول اشرب ماي واجد لاني احيانا انسى روحي ما اشرب طول اليوم بحاول اسوي رياضه والله يوفقنا جميع بس حددي لنا يوم نكتب الوزن المفقود بلا رجعه ان شاء الله بس اليوميات انا ما اقدر اكتبها ها على اي يوم نتفق

هاااااااااااي بنات وانا بعدوياكم طولي 162 وزني 90 المشكله مو بالرجيم المشكله اني ما التزم يعني اخاف بعد مده اخرب رجيمي ارد اكل يارب يارب يارب تثبتني ليمن اوصل 60 ادعولي بنات

انا بعد وياكم

انا بعدوياكم وزني 83 وطولي 160

كنت مسويه رجيم وضعفت 6 كيلو يو وقفت رديت الكيلوات

مليت ابي اضعف

انا وياكم ان شاءالله ..

شيخه***البنات
الوزن : 100
الطول:161.2
متبعه : رجيم عبدالله المطوع + المشي ..
وان شاءالله نقط 20 كيلوو و اكثر يا رب ..

متى ان شاءالله راح تبدون ؟!..

o ana ba3ad wiyakom
169 cm
o wazne 102
o rijeem yousef bo 3abas
ma3a 7bob o nadee

Marshmallow

حيااااااااااااكم الله حبيباتي وان شاء الله الكل قبل رنضان قاط اقل شي 15 كيلوا ياااااااااااارب

اهني نكتب يومياتنا وكل سبوعين نقيس وزني لو سبوع بنخربط سبوعين احسن ومده طويله تكفي ننزل 5 الى 10 كيلوا

يالله شدوا الهمممممممممممممممممممممه
بنكتب يومياتنا وبنشجع بعض
ومافيه مانع لو احد ينظم لنا متاخر ويمشي ويانا وهدفنا 2 كيلوا قبل رمضان بأذن الله

يالله من باجر تبدي يومياتي شنو كليتي وشنو سويتي وشنو رايج باليوم

عشان نتشجع كل يوم تلتزمون بهاللسته

الريوق:
السناك
الغدا
السناك
العشا
هل خربطي؟؟ وشنو كليتي؟؟
سويتي رياضه وشنو وشكثر المده؟
شلون يومج((ممتاز-جيدجدا-جيد-موشي))

ومن باجر نعبي هاللسته بليل كلش ورا العشا

واتمنى الكل يشجع بعض

وابشركم انا ريوقي اليوم
نسكافيه رديت نمت تعبانه قعدت بروح النادي ولامشوار لازم اروح
وكنسلت النادي والحين اكل تفاحه وبطلع عشان نادوخ واذا رديت باكل سلطه ولاتونه

وسلملم برد بليل وبرد على كل وحده بأذن الله الحين مستعيله
فديتكم
وشدوا الحيل