|
|
السلام عليكم ….
انا ترددت كثير قبل لا اكتب موضوعي هذا …بس اخر شي قررت اني اكتبه و اتمنى ان المعلومه توصلكم …
طبعا اغلبيه البنات يبون ينقصون الوزن الزايد …و انا بعد ابي اضعف مو بس انتم …
و اتعرفوني اني اسوي خلطات اعشاب ما رح اقول اني خبيره لان كل من يدعي العلم الكامل هو جاهل ….
لاحظت ان مو بس في منتدانا …في مدونة كثير يعرضون اعشاب لتخفيض الوزن و البنات طايحين فيهم ….ليش ؟؟؟ يدورون الضعف باي طريقه و باي وسيله كانت …
على حساب شنو ؟ و على حساب منو ؟؟؟
الجسم هذا الي عندج ما رح تغيرينه بعدين … ما في مجال تدشين الجمعيه و تشترين جسم ثاني ؟؟
تدرون انا بس رح اقول لكم و انتو احرار …اسالوا اي شخص يعرف بالاعشاب
…ان ما في اي عشبه او اي نبته تذوب الشحم الي بالجسم …. في اعشاب تعمل كمسهلات او مدرة للبول يعني التخلص قسريا من السوائل الضرورية في الجسم …يعني تطلع السوائل الي بالجسم و هي تمثل 70% من جسم الانسان …
تحسين انج ضعفانه بس الشحم في مكانه ما راح …الدهن المتلتل موجود ما طلع ..بس الماي و الرطوبه الي بالجسم هي الي نقصت …وهذا شي مضر جدا جدا للجسم
كما أن اغلبيه الخلطات تسوي اسهال يعني فيها مواد مسهله… رجل الاسد و هادي سامه / سنا مكي / زوفا و غيرها الكثير ….و استخدام المسهلات هادي مضر بالزغب في الأمعاء الدقيقة الذي يقوم بإمتصاص المواد الغذائية أي العملية ضارة جدا لمن يتبع شرب منقوع نباتات مسهلة او مدرة وبشكل مستمر .
اشرايكم ؟؟؟
ولا ما عندج خلطات للتنحيف
؟
واشرايج بالميرامية والزعتر والبابونج
احسها اشياء مفيدة
بس انتي اشلون عرفتي ا؟
والدليل على كلامج إنه إلي تاخذ هالأعشاب بس توقفهم يرجع وزنها مثل ماكان
إذا ماسوت رجيم وتحركت مافي فايده
آنا انصدمت بهالشي .. سمعت دكتور على القناة " الاخبارية " يقول ( مضرة ما تفيدكم .. تخدعكم بفقدان السوائل بس ما تضعف )
اسم الدكتور جنه .. سالم القحطاني ..
بس عاد شنو الاشياء اللي تساعد على تخفيف الوزن 
آنا مليت من جسمي ابي اضعف زهقت
آنا طولي 158 ووزني 70
وكل مره أقول مابي خلاص بوقفهم يقول مامنهم مضره ليش توقفين!
من أصدق ؟؟؟ 
موكا …حاليا انا قاعده اجرب لي كذا خلطه و احاول …يمكن تضبط وياي و اسوي اكتشاف العصر …
belle السالفه و ما فيها انج لا تاخدين اعشاب تضعف لانها مضره
مرمر …اي شفتي اشلون لان الجسم يكون محتاج للسوائل يصير كانه اسفنجه يابسه اول ما تحطينها بالماي تنتفخ ….
نجمه …اشوى اني مو بس انا الي اقول الكلام هذا …
شجون يا حبيبتي ما تطلع اي دهون من الجسم و الي قال لج الكلام هذا يبي يروج لبضاعته فقط ….
ظلالوه …يا حليلج …ابقطج عند جوازات السعوديه و اخليج تردين الكويت مشي …
بخصوص الاعشاب الي على شكل كبسولات دامها ما تسوي اسهال ما منها ضرر لانها بس تساعد على عمليه الهضم او طارده للغازات ….و ممكن تكون فيها الياف تخفف من الشهيه …
ام ناصر …يا عمري عرفت من الاطلاع و الدراسه …و الممارسه للعلاج بالاعشاب
و في خلطه مالت الحواي الي يحط معاها عشرج اتسوي اسهال و بدون عشرج ما تسوي سهال بس تحرق هم هذي مضره ؟؟
و بذره الكتان انا سامعه ان تسد الشهيه و تحرق الشحوم و جربتها مع رجيم عادي
و ليلحين اطحن و احط بالسلطه و الروب
شتسوي ؟؟
و اذكر مرا اذا مو غلطانا انج جربتي اعشاب الي بالجمعيه بنص دينار و ضعفتي شنو هذي الاعشاب
ادري حنيت وايد
سامحيني و مشكوره حبيبتي
اقدر مجهودج
والجاي الاخضر بعد
معقوله !!!!
belle بخصوص اسالتج …فعلا الشاي الاخضر انا بعد سمعت انه ينقص الوزن بس الي معروف انه يخفف نسبه الكولسترول في الدم و يكافح السرطان …
خلطات الحواج انصحج ما تاخدينها …لانها في اغلب الاوقات تكون شغلات تجاريه و ما منها فايده اما بخصوص العشر فهادي ماده ملينه للامعاء و مسهله …و مادام الخلطه اتحسين انها تحرقج فاكيد هادي مضره و ما تصلح
بذره الكتان هاذي يا طويله العمر لا خديتيها حبوب كامله يعني بدون طحن تمتص السوائل وتنتفخ حيث تشكل كتلة هلامية تعمل كملين كتلي فعال وتستعمل غالبا في حالات الامساك وقرحة المعدة …اما ان خديتيها مطحونه فهم بعد نفس الشي يقولون تسد الشهيه لانها فيها كميه كبيره من الدهنيات …و هي في العموم توصف لحالات الامساك الشديد او للبواسير ….
ايه بخصوص الاعشاب الي شريتهم من معجزة الشفاء …هادي عباره عن الياف تسد الشهيه و فعلا نقصت عليهم يمكن شي 3 و نص او 4 كيلو …بس ما كنت اكل ..اخر شي جتني حاله اني ابعوض الحرمان فقمت مرات اطنش ما اشرب …و مرات من بعد الغدا اجيب الجالكسي و اقعد عل النت و ابلع …هذا غير ان طعمها ما ادري جنه طباشير ….بس فكرة ممكن لا خلطتها ويا الروب اتصير عاديه ….
اقول belle انتي مو حامل ؟؟؟
مستشاره قانونيه …اشلون تضعفين …اصبري شوي و اقول لج انتي تذكرين موضوعي الي كنت كاتبته قبل عن خلطه قاعده اسوي ابحاث عليها …..روحي شيكي عليه
و بخصوص الاخوات الي ما دشوا موضوعي …انا تراني قاعده اسوي ابحات على خلطه و انشاء الله تضبط …و هي مو مسهلات و لا ملينات …انما عن طريق تنظيم الانســـولين لانه هو المسؤول عن عمليه التمثيل الغذائي في الجسم و تخزين الدهون …..يعني لا سويتي خلطه تحرق السكريات في الجسم و انتي توج مواكله رح يتجه الجسم الى المخزون الدهني المخزن و جذي رح تنقص الشحوم ……