تأيدين زوجج بهالعمر دشي خلينا نتناقش .

شدعوه 6 مشاهدات ولا وحده فيكم ردت؟؟

انا اقول فارق العمر ماله شغل
مثلا في ناس مابينهم فارق ومتفاهمين وفي بينهم فارق بسيط وغير متفاهمين
وفي الكبير وماخذ الصغيره وبينهم مشاكل بحكم انه الفارق كبير والتفكير غير بين الطرفين
عموما هذا يعتمد كله علي نوعية تفكيرهم الصحيحه فيما بينهم

انا بيني وبين زوجي:8 سنين بس الحمدالله متفاهمين السبب لانه اسمعه ويسمعني اناقشه ويناقشني محترمين رغبات بعض اي نعم في اختلافات بوجهات النظر بس بالنهايه الحمدالله علي كل حال

بيني وبين زوجي سنتين بس لكن في بينا بعض الخلافات الفكرية مو بسبب فرق السن كبير او صغير بسبب سن الزواج المبكر يعني اللي عمرها 19 لا تعتقد انها كبيرة وتقدر تشيل مسؤلية زوج وبيت واسرة

فارق العمر ماله شغل
عالعقل والفهامه

صباح الخير
اول شي منو اللي حاطه صورته ؟ لايكون زوجج شيليها مو زين اخاف يحسدونكم
ثاني شي اهو مو العمر المهم بس
التوفيق من الله قبل كل شي- الاتفاق الفكري والمستوى التعليمي والاجتماعي والتوافق بالمذاهب والديانات
وفي شي ممكن يلغي كل هلاشياء
الحــب
يعمي العين فمرات يصيب وتستمر الحياه ومرات اذا اختيار غلط تنكشف العيوب وتصير مشاكل

مشكورة أختي مرتاحة على الموضوع بالنسبة لي العمر مو مهم أهم شي التفاهم بين الطرفين ، لان ساعات الريال يكون عمره صغير بس عقله كبير

فرق العمر مو مهم اهم شي ايكون في تفاهم بينج و بين الشخص

انا اول مره كان فرق بيني و بين زوجي 3 سنوات تقريبا ..مرات ايتصرف عدل و مرات كانه جااهل

و ملجت مره كان فرق تقريبا 8 سنوات و هم بعد نفس السالفه فاقتنعت ان الفرق بالشخصيه و التفكير

و حاليا الفرق بيني و بين زوجي حوالي 17 سنه ..ههههه لا تنخرعوون بس و الله الي يشوف زوجي يقول عمره بالثلاتين او اقل ..لانه ول شي مهتم بنفسه و انيق ..و دايما من يوم عرفته جلسات مساج و ياخذ فيتامينات و ها الشغلات يعني عنده هوايه

بعدين شخصيته قويه و مؤثره و اخلاقه عاليه الحمد لله ..الشي هذا هو اللي خلاني اوافق عليه رغم فرق السن

و تجربه وحده من معارفنا هم بعد تزوجت 3 مرات و كل مره فرق سنتين او ثلاته اخر شي تزوجت رجال اكبر منها اب 20 سنه بس انه رئيس مستشفى و دارس بامريكا و فرنسا ..يعني حتى لو انه كبير بالسن بس انه مثقف و ذوووق …و متفهم الى اقصى حد …و معيشها كانها اميره لو تطلب منه اي شي مهما كان خيالي يسويه لها مع انها بعد مو صغيره يعني عمرها ب 34 تقريبا ….

فانا من الناحيه هاذي اقول ان فرق العمر مو مهم مادام الروح حلوة فما تفررق وياي

للاشاره بس امي كانت اكبر من ابوي اب 4 سنين و مع ذلك كانوا حيل متفاهمين ..يعني حتى لو ان المره اكبر من الرجال هم بعد مو عيب

بسم الله الرحمن الرحيم السلام عليكم ورحمة الله وبركاته
شوفي حبيبتي…..اولا التوفيق من الله سبحانه……ثانيا لا العمر ولا العقل ولا شيء ينظم الحياة الزوجيه بين الازواج كثر المرأة نفسها يعني الريال خبل ولا عاقل متثقف ولا جاهل متفهم ولا دفش كا هالامور ما تاخذ اكثر من 30% من الاهميه والباقي 70%علي الزوجه وشطارتها والامثله من حياتنا وايدة .
قعدي بينج وبين نفسج وذكري بس من قرايبج وراح تنزل عليج امثله تاكد اللي قلته …..وسلامتكم

آنا احب اكون اصغر من زوجي بوايد بس ما صارت الفرق الحين سنتين بس والله والله والله يا بنات مو بالعمر ياما ناس اكبار بس فيهم اهبال الدنيا وناس ماشاءالله عمرهم صغير بس قمة الركاده والسنع وعلى الله من هداه سبحانه

الإنسجام والتفاهم ركائز الحياة الزوجية

فارق العمر ماله شغل بالتفاهم الزوجه والزوج لازم يكون بينهم احترام وتضحيه وتحمل مسئوليه وحب وهذا براي يخلي الزواج يستمر والا العمر ابداً ما يفرق

مشكــــ يالغاليه ـــــــوره