تأيدين الانجاب ورا بعض ؟؟ شرايج

الســلام

بنات شرايكم باللي تحمل وتييب اليهال ورا بعض ؟؟؟

انا اشوف ان حلو ومو حلو بنفس الوقت <<<لغز لوول

يعني شي حلو ان يتربون مع بعض ومايكون في فارق كبير بينهم .. ولما يكبرون يصير وناسة

و مو حلو لأن المرة مارح تهتم بنفسها وايد ولا بجسمها ولا بزوجها .. وبتتعب وبتكبر عشر سنين جدام

شرايكم بالموضوع ..

انا بنتي عمرها الحين 8 اشهر .. متى برايكم انسب وقت للياهل الثاني . .

احب اليهال بس ودي عقب 3 او 4 سنين احمل .. بس اخاف اظلم بنتي وزوجي جذي لأن زوجي يحب اليهال حيل

والله انا عن نفسي ما ايد اليهال ورا بعض يعني 3 او 4 سنوات علشان تعطين كل واحد حقه من تربيه واهتمام انا عندي 2 صبيان بينهم 4 سنين انا اقولج شوي وايد بس والله من يكبرون ما يحسون بفرق العمر وانتي بعد ترتاحين وتشوفين نفسج ليش اتعب نفسي وكود يهال واتعب بتربيتهم واظلمهم …..

اسأل مجرب (( اقري توقيعي ))

صج ارهاق بس فترة وتعدي وعسى ربي يحفظهم وناسة شحلوهم ويا بعض

وبالنسبة حق الاهتمام بنفسي – انا عندي اني اييبهم ورا بعض واسوي ريجيم مرة وحده واجابل روحي ولا اني كل شوي ريجيم وحالتي حالة واضعف وارد انتفخ

وكل مرة قدرتها تختلف عن الثانية والزوج بعد يلعب دور اساسي بقرار نفس هذا.

صح كلام ام حيدر اذا فيج قدره انج تتحملين اثنين تقريبا نفس العمر تقدرين تربينهم وتهتمين فيهم ييبي ليش لأ وهذا قرار انتي وزوجج ادرى فيه تيبين ورا بعض ولا جم سنه….

انا اشوف سنتين بين كل واحد ..حلوووو
عشان يرد جشمك و يشد اذا ورا بعض يتهدل
و تزيد الخطوط حييل

على حسب كل ام ومقدرتها على تربيتهم انا اعيالي اسم الله عليهم وره بعض الحمدالله ماتعبت فييهم ريلي الله يخلي واايد يساعدني عليهم حلاته اتييبينهم مع بعض واتربييينهم ويكونين كبر بعض بعدها تتفرغين حق نفسج الله يساعدنا على التربيه الحسنه

انا عيالى 4 ورا بعض ……بس من الثالث والرابع ماكانو مقصدوين يكونون مع الدفعه الاولى

بوقتها كنت حيييل متضايقه 4 سنوات من احلى ايام زواجى وعمرى راحت وانا حامل ……وصيحه وحنه طووول اليوم ولالا خدامه ترضى تقعد عندنا مايبوون يهاال ……….بس الحين …..الف الحمدالله
اصغرهم عمره 4 سنوات ومع بعض يدرسون وكلهم يلعبون مع بعض ويعلمون بعض الصح من الغلط …….وانا ارتحت من سالفه الحمل والرجيم كل شوى

بس لو يرد فينى الوقت ……اقول 2 ورا بعض ونريح 3 سنوات وعقبها 2 را بعض وخلالاص

والحمدالله على كل حال ……..

مع ام حيدر

انا قاعده افكر جذي اني اييب ورا بعض 3 او 4 قبل لا يصك عمري 30 اكووون يايبه عيال واقعد بالبيت اجابلهم واربيهم لين يشيلون روحهم واهتم بنفسي بعدها

يعني رجيم مره وحده وشد ورياضه واحورف بعمري

بصراحه مو كل سنتين برد اسوي رجيم واهتم بنفسي

وهمن في شي مهم .. اذا الياهل لي عمر 2 يبيله مجابل وماتقدرين تخلينه بروووحه متى يعني بجابل ريلي اذا كل سنتين ولا 3 سنين اييب ياهل ؟؟؟؟؟؟؟؟

يعني اييبهم كلهم ورا بعض واجابلهم لين يكبرووون وعاد ذيج الساع مايبون لا رضعه ولا شيل ولا حط .. يلعبون وينامون وياكلون معتمدين على روحهم وانا اجابل ريلي واقدر اطلع معاه بللليل و نتعشى ونسهر ونسافر

ما احاتيهم يعني

عاشوا عاشوا

وناسة كلكم معاي

انا الحين حامل ولا كنت مفكره بالشي هذا ابد حاليا يعني
ما اقدر ولا يصير اقول انها غلطه ما يجوز
هذي نعمه من رب العالمين وعطاني اياها والله يقدرني
ان شاء الله
لان عندي 2 اسم الله عليهم ومطلعين عيني خخخخ
الله يقدرنا على التربيه الصالحه يارب

ابصراحه أهو يعتمد أول شي على عمرج , يعني اذا تزوجتي صغيره تقدرين تاخذين راحتج وتفصلين بين العيال وأغلب الي يتزوجون اصغار اييبون ياهل واحد وينطرون يخلصون دراسه يعني يبيلها 3 أو أربع سنين بعدين كيفها عاد وأهو الأفضل تييبين اثنين بينهم 2 بعدين 4 سنين اتريحين وتييبين عقب لأن راح يكون أريحلج بعدين وقت الدراسه ما تتأذين بتدريسهم
أما اذا تزوجتي كبيره فراح تختلف الحسبه وأكيد الي كاتبه الله أهو الي راح يصير . ( أنا أريد وأنت تريد والله يفعل مايريد ) .

يعتمد على البنت نفسها ..
بس اذا كانت تدرس كلش ماايد ..

انا عيالي في فرق بينهم 3 سنوات والحمد الله مرتاحة في تربيتهم وبنفس الوقت مهتمه بنفسي وبزوجي..
انا ما اتحمل اجيب ورا بعض..يرتفع ضغطي واتعب …وكل مره وحسب قدراتها..

يــــعتمد عالأم نفســها اذا تقدر تتحمل تربيهم وتهتم فيهم وتعطيهم حقهم ليش لاء

بالعكس شي حلو تييبين 3 او 4 وتربينهم ويكبرون مع بعض

انا ماقدر ورا بعض اخاف استخف هههههههههههه اسمله عليهم يبيلهم قلب والتربيه صعبه والحياة صعبه وكل شي صعب بس كل واحد وقدرته بس بشكل عام ما اايد ورا بعض انا ضد هلمبدا زين لهم يكونون كبر بعض وشين لى عشان راح اتعب من الحمل والولاده