تأجيل العرس؟

مرحبا بنات..

حابه اسأل الوحده لما تنخطب ويتحدد العرس خلال فتره معينه ثم يتأجل العرس فتره طويله وماتدري متي بتروح بيت زوجها ويصير العرس؟؟ شنو تسوي بهذي الحاله؟ ولما الاهل يتكلمون ماكو سبب واضح للتأجيل؟

تظل الوحده جذي معلقه وخايفه وتحاتي لا يكون غيرو رايهم او لا سمح الله في شي

انتي المفروض تعرفي سبب تأجيل العرس اذا كان التأجيل من الزوج

لانه لازم يكون عندك خبر ، ولازم اهلك كمان يكون عندهم خبر

انا تأجل عرسي 3 مرات بس كل مره بكون في سبب ، وان شاء الله ما يتأجل هالمره

اممممممم و الله مآدري

بس يمكن عندهم اسباب و مأ يقدرون يقولون

شكثر بنآت اعرفهم مملجين من زمآن و للحين ما تحددت عروسهم عآدي

بصراحه هذا اكبر خطا ..

مو على كيفهم يحددون بعدين يااجلون ..

شنو يعني عروس مع وقف التنفيذ ..

اول مايقولون بناجل ..

لازم اهل العروس يقولون ليش ..؟

مو يقولون اوكي ..

لازم يسئلون عن السبب ..

وقول البنت جهزت وحجزت البدله شلون ..

واذا مافي فايده لازم يدخلون الرياييل بالموضوع ..

يعني ابوج والا اخوج يسئل لازم تعرفون السبب ..

الله يوفقج ياا غناتي ويسعدج ويسهل امورج يارب ..

العرس تأجل من اجل بنيان البيت لكن صار له اكثر من 4 شهور متأجل

دام التاجيل بسبب البيت عادي ياقلبي

اربع شهور شويه حيل مو فتره طوييله

ويمكن التاخيره هذي خيره لج وله

وكل تاخيره فيها خيره

عسى الله يووفقج يارب

الحمدلله يااغناااتي ..

مدام عشان البنيان لا تحاتين ..

البنيان اذا كانو شادين حيلهم ٦ شهور ..

يمكن لما يخلصون البنيان يعطونج المهر ويحددون ..

عقب يبدون بالاثاث .. لا تحاتين ياغناتي الله يوفقج يارب ويكتب لج اللي فيه الخير ..

والف والف مبروووووگ مقدماً ..

كل تاخيره وفيهاااا خيره ان شاء الله لا تحااتين

لا توسوسين باذن الله خير

خيرة بإذن الله لكم …

خيره

انا مملكة على ولد عمتي وكان الزواج عقب ما اخلص الثنوية
وتأجل الزواج وانا الحين اولى جامعة وللحين ماتحدد
حبيبتي لا توسوسين شي طبيعي وعادي جداً

حبيبتي لآ توسوسين شي طبيعي ,, آلبنيآن يبي وقت طوويل عشآن يخلص

خيرة بإذن الله لكم