بي شي يوقف الدوره لبنتي عمرها 12 سنه

السلام عليكم
انا بروح العمره الاسبوع الياي العايله كلها وراح يكون موعد دوره بنتي بيوم روحتنا ما ادري شسوي اذا تعرفون شي طبيعي يوقف الدوره لحد ما انخلص المناسك لاني ما اقدر اخليها بالفندق بروحها ومو عارفه شسوي

حبوبه حرام تلعبين بدورتها و هرموناتها اهي توها صغيره ,,, و اذا ما في مجال احد يقعد معاها بالديره اجلو السفرة شوي او مددوها ,,,او خلي احد معاها بالفندق انتي او ابوها ,,,,

خليهاا تاخذ الحبوب اللي تنزل الدوره بحيث تخلص قبل عمرتكم
اوو ممكن تخلين الدوره تنزل عليهااا وعادي اخذيها الحرم وخل تقعد بالمسعى يجوز ..

ووو وصيتي لج .. ادعيلي ربي يهدي زوجي ويسخره لي

حبوبه عطيها حبوب اللي تاخر الدوره عادي ماتضر وانتي سالي الصيدلي

لاااا توها صغييره حراام تعطينها شي

روحي الطبيب سئلي احسن

لا تشترين دوى من غير ماتودينها الطبيب

لا تعطينها اي شي بدون استشاره الدكتور وانا اللي اعرفه نقع المسواك وشرب مايه هو اللي يوقفها ومافيه اضرار
الله يحفظها بوسيلياها

السفره ناطرتها من زمان ومرتبه كل اموري عليها صعب ااجلها وابوها ما ابيه يدري انها بلغت فشله

ماكو الا جذي اخليها بالمسعي
وعن وصيتج ابشري يا الغاليه ما راح انساج ان شاء الله

والله خايفه رفيجاتي حذروني من الحبوب لانهم هرمونات

مشكوره يا الغاليه علي النصيحه

الدكاتره عندنا ما لهم خلق يقولج عادي قبل ما تكملين كلامج المسواك راح اسويلها اياه وان شاء الله يجيب نتيجه

وعلي البوسه وصلت فديتج

العنوان فيه غلطه ناسيه الالف

اول شي سألي دكتور قبل لا تعطينها اي شي

بعديين ليش ابوها ما يدري انها بلغت ؟؟ شنو الفشله فيها ؟؟ هذا شي طبيعي .. يا مري ابوها لازم يدري البنت صارت مره .. لازم يدري .. يعني لا سمح الله صارت لها حادثه من اللي خبري خبرج ..

يعني انتي مفتشله من ابوها مو خايفه على بنتج و مستقبلها ؟؟؟

و الله احنا لما بلغنا .. كان جنه عيد عند امي .. احنا قاعدين نتألم و نتلوى و امي تبشر خلق الله .. هذا مو عيب و لا فضيحه

حرام تلعبين بنتج واشفيها اذا أبوها درا انه بنته بلغت وين الفشله

في الموضوع خو انتي بتعلمينه الخبر وبنتج مو يمكم عشان ما تنحرج

أهيا خاصه انه شي يديد عليها وخل تقعد بالفندق خو مكه ديره أمان

انشاءالله وانتي مو بأوربا اللي تاخفين عليها وخلي معاها تيلفون تطمني

عليها كل شوي بجذي انتي ما خسرتي روحتج اللي ناطرتها ولا لعبتي

بهرنونات بنتج وانا خبري اللي توقيف الدوره يكون اولى للحج مو العمره

الحج أهوا الفرض ومره بالسنه يصير اما العمره انشاءالله جدامها العمر

كله تتعمر

لا ثم لا ثم لا لحبوب رفع الدورة حرام تخبصين هرموناتها واهي ياهل .. قولي حق ابوها مافيها شي هذي بنته ومصيره يعرف

لا حرام توها جاهل

حبيبتي نزليها باشياء حاره واذا كلش كلش خليها تقعد عند اهلج ..؟

امانه انتى ام ؟؟؟؟؟؟؟ الحمد الله والشكر

لالالالالا حبوب لا

وعادي علمي ابوها وخليها بالفندق ولا تفتح الباب الاحد وبينكم تلفون

حرام عليج تلعبين بهرمونات البنت ترا صدقيني ابتتلخبط دورتها وهذي صغيره ماتتحمل

وبعدين لحظه انتي قلتي انه فشله اتقول حق ابوها انها بلغت @@

من صجج؟

لازم الابو يعرف انه بنته ابلغت