بيكفى نكد وتعالو نشكر ازواجنا كنوع من العرفان و رد الجميل

السلام عليكم يا حريم القسم

بما ان هالقسم كله مأسى و تعاسه ويخرب النفسيه

حبيت اغير شوى من الجو

واسوى موضوع لكل اللى يبو يقدمو شكر لازواجهم كنوع من العرفان ورد الجميل بظهر

الغيب

لكل زوج وقف بجنب زوجته سواء فى مرض او مواقف قويه او محنه او اى شى

وهم عشان نوصل لبعض الحريم المطلقات والمصدومين من افعال ازواجهم الشنيعه ان

الدنيا مازالت بخير ومازال فى رجال بهم طيبه وخير بس قليلين وضايعين بوسط كم

الرجال الخونه اللى مايستاهلو شى وربى يجعل لكل واحده نصيب فيه خير

وببدأ بنفسى

ماشالله ولا حول ولا قوه الا بلله

بقدم شكر لزوجى بعد الله تعالى فى وقفته جنبى فى مرضى وخاصه لمن سويت عمليه

والله كان عندى كأنه امى يشيلنى ويبدلى ويمشطلى ويأكلنى وكل شى والله تعب معى

حتى بالاوقات العاديه لمن تجينى حمى يجلس عندى يسويلى كمادات ويطبخلى بيده

عشان يضمن النظافه للاكل

ما اقول الا الله يجزاه خير ويجعلها فى ميزان حسناته ويبعد عننا العين والحسد والشر

ويحفظه ويطول بعمره عفيه قولو اميييييين

اى نعم طول ما انا بصحتى بيجلس يحن ويكسر راسى لين امرض بس ماعليه (=

ونبى نسمع منكم تجاربكم بدون ما احد يستحى +دعوه من القلب لازواجنا الله يطول بأعمارهم

ما أبي أشكره !!
غاثني !!

فديييييييته

ما انسى لما كنت مريضه ماقدرت انام من الكحه وكان بعز الشتا
طلع الساعه 2بالليل بالبرد والمطر جابلي دوا هدالي الكحه
كان قايلي بطلع اروح حق واحد من الربع انصدمت لما جاب الدوا …قعدت ابجي من الصدمه

ههههههههههه هلا وغلا العوبه

اى واللله صدقتى فى رجاجيل تجيب الغثا وتسد النفس وتكره الواحده بعمرها

الله يكون بعونك ويهدى امورك يارب

لا حرام !! حسستيني اني ظالمه صدق !!
والله انه حليو واجودي ونادرا مايردلي طلب !
بس غاثني هالأيام انه نصاب ! كل يوم يواعدني بنفس الشغلة وبعدين يأجلها لبكرة !!
عشان كذا قلبت عليه اليوم !! << حريم نكارات العشير !!

هههههههههههههههههههههه:d

ضحكتينى على حريم نكارات العشير

ربى يخلكم لبعض ويهديه لكى ويجيبلك اللى تبيه قبل ما ينول مالا يرضيه :d:d:d

مواقفه وياي وايد

ما انسا ان سوا المستحيل عشان ياخذني
ما انسا ان يقعد كل يمعه ويزهب الريوق ويقعدني
وما انسا ان وقف بوي اهله لما ظلموني
وما انسا ان سوالي احلى عيد ميلاد بحياتي
وما انسا ان يوم كنت حامل كان يغسل عني المواعين ويغسل هدومه ويكويهم
وما انسا يوم كنت حامل وكرشي شكبره كان يقعد يلبسني دلاغي وجوتيي
وما انسا يوم اخته تكلمت علي قاطع اهله كلهم عشاني
وما انسا يوم ولادتي ان ما فارقني دقيقه ويمسح علي ويهتم فيني
ما انسا لما ولدت يابلي احلى هديه
وما انساعقب طلعتي من الاربعين سوالي ليلة لا صارت ولا استوت
وما انسا ان توه من جم يوم ياب معاشه كله حطه بايدي قال لي اشترو انتي وبنتج اللي تبونه ونسا نفسه

بصراحه ريلي ذهبه الله لا يغير علينا

ما يستاهل قطرة ماء
طول عمرة منكد على حياتى

حاليا منغثه منه لي تسنع بدش اشكره

يزااااااج الله خييييير
اي والله المنتدى كله مآسي ومصائب
حسيت محد زين الا زوجي وكتبت بتوقيعي عنه وصايرة زييينة معاه وادلعه من دشيت منتدى المتزوجااات ههههههه

شكرًا لان ولا مرة طلبتك ورديتني
شكرًا لأنك ماترضى علي ووقفت ناس عند حدهم لما تكلموا فيني
شكرًا لأنك تساعدني بشغل البيت بحكم ان ماعندي خدامة
شكرًا لأنك تفاجأني بشغلات احبها
شكرًا لان علاقتك بكل أهلي حلوة وخليتهم يحبونك
شكرًا لأنك تحب بنتي وتموت فيها جنها بنتك
شكرًا لأنك تفهمني من عيوووني
شكرًا لأنك تصبر علي اذا تنرفزت
شكرًا لان تدلعني جدام الكل
شكرًا لأنك تسهر على راحتي اذا مرضت
وشكرا وشكرا وشكرا وشكرا ماراح اخلص
الله يحفضك لي ويخليك ويطول بعمرك ولا يحرمني منك
ويحفضنا من العين ويبعد بنات الحرام عنك
وهم شكرًا لصاحبة الموضوووع

جوهره القصر

حرم راشد الماجد

انصاريه قمره

عسولا

الله لا يحرمكم من ازواجهم ويديم عليكم الحب والود ودوم تكون بأسحن حال

شمعه جلاس ربى يكرمك ويعوضك خير عوض بزوجك ويرضيكى ياااارب

انا للحين بفترة الملجة ما ادري بعدين شنو بيصير
اموت حره في بعض المواضيع ما اقدر ارد عليها لاني مو مجربتها
عموما الحين حبوب و طيب و اموت عليه بس بعدين ما ادري الله كريم و يطلع ريال وقت الشدايد

انا حدي مستحيه منه كنت متهاوشه معاه تعرفين بتييني الدورة ومالي خلق شي
بعد عمري دوامه بيدزونه دورة لندن اسبوع ونيويورك اسبوع حبيبتي قال ماروح الا زوجتي وولدي معاي وتوه دق يبيني اوافق لان بيكون عندي دوام
^
^
داشه عرض ادري بس كان ودي اشكره حزتها بس يعني داقه الثقل ومولايق علي
اشكره على كل شي سواه او ماسواه لي
وبدش عليج وانا منقثه منه ومتأكده ان ردي بيتغير

عاد تصدقى لازم تشكرينه

ترا رجاجيل كثير ماتصدق تنفك من حريمها بس شكلك ماخذه قلبه

والله الكلمه الحلوه لها مفعول السحر ولا تنسى انك راح تنولى من الطيب نصيب واكيييييييد

بتشتري مكياج وعطور والذى منه

لا والله بس قوليله كلمه طيبه عشان يحس نفسيا ان كل شى بيسويه لك انتى تستحقيه

وربى يدوم الود بينكم

ياربي مادري اشلون اشكره <<<شوي عليه