عمرها 18 يوم و جربت معاها 3 انواع حليب !!!!
ارضع طبيعي بس مايكفي فاعطيها حليب مميه عقب كل رضعة
بدينا بالمستشفى سيميلاك و كان اوكيه بس حسيت انه فيه غازات شوي
غيرته الى بيبيلاك و قامت تنغث منه و ماتنام عقبه بس تنطر متى ترجعه و بعدين تنام مسكينه
غيرته الى سيملاك مره ثانية جان يمسك بطنها !! بس ما ترجع لانه خفيف عليها
غيرته الى اس 26 رجعنا الى حيث ما اتينا …ترجيع و منغثه !!! و بطنها ما قدرت تسويه لما امي حطت داخل فتحت الشرج قطنه اذون مفروكه بشوية صابون رقي ( طريقة قديمة بس وحده بوحده)
الحين شسوي ؟؟ حست بطنها حوس و ماني عارفه 
ويييه مسكييييينه
شوفي ترى موزيييين اتغيرييين الحليب كل ساع
وديها الطبيب ،،، واهيا يقولج عن الحليب الي يناسبها
انا كانت بنتي جذي يوم كان عمرها شهر ووديتها د فهد المخيزييييم خوووش دكتور
ونصحني بحليب نان اتش 1 عجيييييييب ضد التحسس وليلحييين استخدمه
معروووف انه زييين خفيييف واقرب نوع لحليب الام
اايد كلام ام عواشه وديها الطبيب
نصيحه وديها لدكتورة سعاد البصيري دكتوره فاهمة وأنا ولدي جذي غيرت حليبه كذا مره ليمن رحت عندها وريحتني الله يجزاها خير
انا كااان ولدي جذي قلت اخر تجربه واذا مافاد بودي الطبيب واستخدمتله حليب ابتاميل كومفورت ممممممممممممممتاااااااااز
انا بنتي لي 4 اشهر الى لقانى حليب ناسبها الحمدالله وكل مانسأل الطبيب ويقولنا نوع مايناسبها وتظل جم يوم تاخذ التركيبه ونعطيها نوع ومايناسبها لي اخر شي الحمدالله ناسبها بيبيلاك وديها الطبيب احسن لج والله يعينج ويعينها انشاءالله
آنا أقول عادي يالغالية لا تودينها طبيب ولا شي كل اليهال جذي لأن بعد مااكتمل جهازها الهضي شي طبيعي هذا
نصيحتي اكلي عدل وأكلي اغذية مدرة للحليب ورضعي طبيعي بس راح يكفي خصوصا أن الرضاعة تخضع لقانون العرض والطلب كل ما ترضع كل ما يدر
والله ترتاحيين وبلا مميات وتعقيم وامراض واسهال وترجيع أصلا تريحج أنتي وتسوي مناعة حق بنتج مو كل شوي مريضة !!
الصناعي خليه اذا كنت مضطره حدج حدج طالعة ضروري مثلا ميخالف يعطونها صناعي واحسن شي ابتميل كومفرت
في حليب من 26 مكتوب عليه للاطفال الدي يعانون من الارتجاع وحاولي تعطينها الحليب علي دفعات وشوي شوي تشوفين خف الترجيع والله ان بنتي تمت ترجع الي 6 شهور لكن كلما كبرت يخف شوي الين وقف وسلامات
الله يعينج ………….بس الله يهداج لا تصيرين بخيله…….ما يفيد الطفل ويقوي مناعته الا حليب الام…..حليب البقر ماوراه الا الغازات و الحساسيه ……..وما كو شي اسمه ما يكفيه ……الياهل يشبع من ترس اذنه………بس اذا اضطريتي ابتاميل كومفورت زين
حرام لاتجربين عليها واايد اذا عطيتيها حليب صناعي لازم يصير فيها امساك خليها لمده 3 ايان بعدين اتسوي خلج على سيملاك ورضيعها طبيعي انتي رضيعها طبيعي احسن اتحسين انه مايشبعها بس سبحان الله راح اتشوفينها شبعانه
نصيحتي لج…..والله انامثلج تأذيت العام مع ولدي….وجم مرة اغير حليبته….لين رسيت على نوفالاك البنفسجي…ضدالامساك
عجيييييييييييييييييييييييييييب
وريحته حلوة….والله ان ولدي الحين عمره سنةونص صحته ماشالله ممتازة ومافكرت اني اغيره
والحين انا حامل ومفكرة البيبي الياي بعد نوفالاك
ياقلبي واللة مساكين هالبيبيات نصيييييييحة عطي بنتج قطرة (ديسفلاتيل) فضيعة حق الغازات وانا الدكتورة قايلتلي ان الطفل اللي يرجع بهالعمر من الغازات عطيهيا 3 مرات باليوم 10 نقط بالفم راح تهدي الغازات وتخليها تنام مرتاحة انا كل عيالي عليها تحصلينها بالصيدلية وثبتيها على حليب واحد حرام تغيرين
بعدين كل اللي قلتي عنهم ابيخ شي للبيبي اللي توة مولود سيميلاك واس 26 ثقااااااااال حيل عطيها نان 1 واللة فضيع واستمري لاتقطعيتة مع هالقطرة انشاللة بتحسن حيل ( لاوبعد نان 1 موجود بالتمويل مال الجمعية تاخذينة ب800 فلس
)