بوصلة الشخصية .أقرب الطرق لقلب الزوج!

في مثل أثري دارج من أيام أمي العودة …… يقول: إن أقرب طريق لقلب الرجل معدته !!

وعن تجربة نجحت معاي الطريقة 100%…
لكن ما يسوى علي إذا زاد وزنه ووزني معاه (أجاملة وآكل أكثر منه) لا……… بهالطريقة نغرض رشاقتنا للخطر!!!… ومو معقولة بنقعد باقي عمرنا نعابل بهالريجيم !!
هل يوجد طريق ثاني غير المعدة ؟… جسر؟!؟!… نفق؟!؟!…. أي شي بس خل نوصل !!

في زمننا هذا اللي ما ظل اكتشاف علمي ولا اختراع تكنولوجي ولا أي شي في أعماق سابع بحر ولا بحفرة بقاع يابسة في قلعة وادرين إلا وتوصلوا له…..

لكن مو كل الطرق تنفع مع كل الأزواج.. وطبيعي ملاحظين إن في فروق فردية بين كل ريال وريال يعني في رياييل يتقبلون أشياء يمكن غيرهم يرفضونها بشدة.. وهالفروق هذي ترجع للبيئة أو التربية أو القناعات الذاتية أو الفكر أو الثقافة …………..(بلاوي زرقة ما تخلص)………….. يعني بالنهاية وبالمختصر المفيد راجعة لشخصية كل واحد منهم.
………………………………………….. ……………….. وهني يكمن السر !!!!
وطبيعي وخلقة فينا يا الحريم ما نحب الأسرار… ولا نداني كتمانها… و لازم لازم نفتش وننبش وندور ونخور وننبر لما نوصل للسر ولازم ينكشف….
وإذا انكشف……… هيهيهيهي…….. يا الله سترك!!………….. فضيحه بجلاجل !!!

وفي كتاب مفيد جداً وهو (بوصلة الشخصية) ومعلوماته تساعد (الزوجة الفضولية…….. و طبعاً آنا زعيمة الفضوليين) بعمل اختبار عجيب يكشف شخصية الزوج… وهو من أي نوع من الأزواج:

مادري إذا الموضوع مكرر.. أو إنها معلومات قديمة وآنا ياية توني مستانسة فيها (قصة ويه) !!!

اي اي اي كملي وحطي لنا الاختباااار عشااان امتحن ريلي اليوووم

وياااويله ويااسواااد ليله اذا طلعت له يمين ويسااار

هههههههههههههههه

يله حبوووبه ناااطرينج تكملين لنااا

اتصدقين انا الكتاب عندي ومن كثر ماهو مخربط فر راسي وركنتة بالمكتبة ……….انا عندي اختبارات ناعمة اسهل ومبسطة بس كل يوم الاقي لة شخصية هههههههههههه
بس فيديني بالكتاب هذا اشلون استفيد منة ؟؟؟؟؟؟؟؟؟
وناطرينج

يله ناطرين وصلي الجسر خل نوصل هههههه

LoL…
مسكين الله يعينه على بوصلتج
بس ترى ما فيها زين ومو زين!! كل الشخصيات حلوة وطريقة التعامل معاهم سهلة .. تابعي معاي حبوبة وإن شاء الله تستفيدين من معلومات الكتاب .. لأنه واااااااااايد فادني

اهو صح شوي ملخبط والمعلومات عايمة على بعضها… بس وايد دقيق ومعلوماته مفيدة وبالضبط توصف الشخصية وبالتفصيل الممل….
حياج الله حبوبة معانا بالموضوع وإن شاء الله أقدر أرتب المعلومات بطريقة أبسط علشان الكل يستفيد منها,,

الجسر .. والنفق .. والطريق السريع بكل حاراته … بس ديروا بالكم من الدوريات والكاميرات !!
شكراً للمتابعة والتشجيع

ههههههه انتي قاعده واتشوقينا يله حطي خل نختبر ( ناويه عليه نيه شينه ) هههههههه

aha yup yup nbee n3aref

حبايبي….
باحط لكم هذا الاختبار …. سويــه .. وراح تعرفين "ســـــــــــــــــــر" شخصية زوجج مثل ما قلت لج ….
وبعد ما تتوصلين لسر شخصيته الغامضة ….. وهو من أي إتجاه بالبوصلة..
سووي الاختبار على نفسج علشان تعرفين انتي بعد أي نوع من الشخصيات…
وبعد هالاختبارين….
راح أقول لج شلون تكيفين شخصيتج مع شخصيته… وبعد راح أعطيج شوية مفاتيح للتعامل معاه بحسب شخصيته !!

في القائمة التالية المتكونة من 30 نقطة… وكل نقطة منهم فيها صفتين: A و B
يمكن تكون الصفتين في الزوج العزيز ولكن ….. اختاري الصفة اللي تميزه أكثر…. وسجلي رمزها عندج!!
1. (A) واثق من نفسه (B) معين
2. (A) معتمد على نفسه (B) متفهم
3. (A) سريع الحركة (B) متمهل
4. (A) استقلالي (B) عضو فريق
5. (A) حاسم (B) سياسي
6. (A) توكيدي (B) غير تصادمي
7. (A) تنافسي (B) تعاوني
8. (A) قوي الإرادة (B) متسامح
9. (A) قائد (B) ذو ولاء
10. (A) متمركز حول الهدف (B) متمركز حول الناس
11. (A) مبادر (B) مستمع
12. (A) ذو عزيمة (B) غير أناني
13. (A) صريح (B) صبور
14. (A) يركز على النتائج (B) يركز على العلاقات
15. (A) جاد (B) ودود
16. (A) مسئول (B) شهم
17. (A) متوجه نحو المهمة (B) متوجه تحو السلام
18. (A) تسلطي (B) مراع لمشاعر الآخرين
19. (A) جريء (B) مساند
20. (A) إنتاجي (B) مخلص
21. (A) ذاتي البدء (B) تطوعي
22. (A) استبدادي (B) مجامل
23. (A) توجيهي (B) اجتماعي
24. (A) متشبث برأيه (B) حساس
25. (A) متحدٍ (B) وسيط
26. (A) فاعل (B) تواصلي
27. (A) مدفوع بالموعد النهائي (B) مدفوع بالقيم
28. (A) شديد (B) يقدر حق القدر
29. (A) دافع (B) محب للإرضاء
30. (A) منجز (B) يمنح الرعاية
شوفي النتيجة كم طلع عدد الاختيارات (A) و (B)

سوي الاختبار على ما أرد أكتب الاختبار الثاني… وأقول لكم شلون تحللون النتيجة
وبعد في اختبار ثاني تكملة لهالاختبار

احم احم

ناطرينج حبيبتي

مشمش^طري^مبلول

حيــــــــــــــــــــــــــــاج قلبي….
بس قاعدة أطبع الموضوع بالوورد علشان أسوي له copy هني
وآسفة على التأخير …
ما راح أطول عليكم إن شاء الله …
تسلوا بالاختبار على ما ارجع

حلو موضوعج

مرورج أحلا يا كل الورد والريحان

حياج الله وتابعي… معانا وإن شاء الله أقدر أنقل شي يفيدنا ويخليما نفهم تقلباتهم الغريبة العجيبة !!