|
|
السلام عليكم ورحمة الله
بنات انا من امس مو نايمه وقاعده على اعصابي وابجي والحين بالدوام ناطره اطلع وقلبي بداااخله نااااااااااااااااااار
الله يسلمكم السالفه بالتفصيل
يبت خدامة سيلاميه قبل تقريبا 5شهور كانت مرتجعه ومالها خل تشتغل بس قلت باخذها مؤقت جم يوم واردها المهم بعدين كسرت خاطري وشفت بنتي تبيها قلت خل اخذها وكان سعرها 500 طبعا بفحيحيل واختي توها ماخذه من حولي ب470 سيلانيه المهم قلت مومهم الفلوس
بعد فتره من خذيتها كل ما اروح بيت احد يقولون لي خدامتج شفيها كله مطنقره ومالها خلق وجنها ريال المشيه الوي والصوت
لين ماقمت احاتي خصوصا انها ولا مره طلبت كوتكس وكله احلم انها تجامعني
المهم بعدها نسيت الموضوع وقلت يمكن مسترجله
قبل شهرين نمت بيت عمتي شهر كامل مع بنتي والخدامه لاني حامل واتنسى بشقتي وزوجي
وهم نفس الشي الكل يقولي وديها المكتب شكلها موزينه وماترتاحين لها وانا اقول لا انا حامل مالي خلق اطلب واقعد بدون خدامه ومن هالكلام
الفتره الاخيره صايره كلش تتحلطم بلغتها جدام زوجي واذا بغيت شي اقولها عطيني الملابس تحذفهم علي وانا يابنات كل اسكت ما ازفها مادري ليش يمكن اخاف على بنتي
المهم وساعات اذا طلبت شي منها تعطيه بنتي تقول عطيه ماما وانا وااااااااااايد منقهره ومنبطه جبدي وقلت خلاص بطلب وحده واول ما اتيي الخدامه اليديده اودي هذي
المهم بعيد الاضحى يت اختها البيت عندي وقالت بنام عند اختي قلت اوكي والله اني على نياتي
باليل دخلت الغرفه باخذ شغله ولا اشوفهم نايمين يم بعض ومن تحت الكمبل شفت ايد الخدامه مالتي على ……اختها وطبعا يوم شافوني فزوا
انا سويت نفسي ماشفت شي ولاتكلمت بس قلت حق اهلي قالوا وديها هذي شذوذ قلت مو الحين خل اطب وحده يديده والله يابنات انا وايد عصبيه وهذا موطبعي بس مادري ليش اسكت عنها حتى زوجي لما نتغدا يحرص على انها تاكل قبلنا ومانزفها والشقه وصخه وماتنظف كله نايمه او تطالع تلفزيون وكله معصبه ومطنقره وتسولف بالتلفون جدامنا وتشتغل والسماعه باذونها وانا متحملتها
لين امس
دقت علي بنت عمتي ومارديت ولاتشكل التلفون علي كنت نايمه قعدت قلت لها شفيج ولاتقولي ترى خدامتنا قايله حقنا ان خدامتج يوم كنتي نايمه عندنا كانت توقف بنتج وتعطيها طراقات وتكلم واحد كويتي وتسولف معاه ومره رافعه ريلها وتسولف ولابنتج تكلمها تبي حليب ولا الخدامه تشوت بنتج على ويها
طبعا خدامتهم توها اعترفت مادري ليش توها تتكلم
وتقول ان خدامتي تكلم كويتي وتقوله كل شي عني
وقبل اسبوع يتني تقول ماما في كويتي يدق علي يقول ماما حلوه و وين بيتكم وتضحك وتقول يبي يكلمج جان ازفها واجعمها
المهم يا بنات انا اليوم بوديها المكتب بس الكل قالي ودي بنتج فحصيها
اول شي بنتي صايره وايد هاديه وانطوائيه وماتلعب مع اليهال واايد عاجله وماتاكل و ويها اصفر وامي قبل اسبوع تقولي بنتج موطبيعيه قلت لها يمكن من الحرارة والكحه
وفي شغلة لاحظتها اني لما اغير حفاظتها تقوم تحط ايدها على العضو مالها وتلعب فيه ومادري هالشي طبيعي ولا لا بس خالتي قالت يمكن الخدامه تلعب فيها
وااااي بنااات وانا اكتب اجي موقادره اتحمل قاعده على اعصابي ودي اذبح الخدامة موقااادره
بعد شوي بطلع من الدوام وبودي بنتي طبيب نسا او الطب الشرعي ابي افحصها واذا لاسمح الله مسويه في بنتي شي والله والله والله راح اذبحها وانحرها واعذبها لين مايبرد قلبي
بنات الله يخليكم ادعو حق بنتي ان مايكون فيها شي والله حرام بنتي وايد عاجله ولاعمرها تعبتني او اذتني او اذت الخدامه والله موشيطانه من يوم ولدتها لي اليوم عمرها ماتعبتني هالبنت والله ملاك وماتستاهل
حسبي الله ونعم الوكيل تكفووون ديروا بالكم على عيالكم والله صج صج صج الخدم مامنهم امان هذا وانا مدلعتها وعندها موبايل واعاملها جنها وحدة من اهل البيت
اسفه اذا طولت عليكم بس من قهر قلبي قاعد اكتب وابجي ابي افضفص بنفجر
ان شاء الله ما فيها شي وانتي استغفري الله دايما
انا من جذي مااحب الخدم والحمد الله ماعندي بروحهم هم كبير
لاتسكتين لهالحيوانه القذرة …انشالله بنتج مافيها شي ,,بس وديها افحصيها قبل لاتروح الخدامه عشان لو في شي ,,تتحاسب قبل لاتروح الحيوانه ..وديريبالج ثاني مرة ..الواحد ماياخذ اي خدامه وخلاص ..
حرام عليك ساكته وش عليه ماكثر الله الاالخدم
والله احس كنه جمر بصدري … بسم الله على بنتك ان شاء الله مافيها شي بس وديها عشان تتطمنين واذا مافيها شي اسألي عن سلوكها طبيعي ولا لاء .. عند احد مختص بسلوكيات الأطفال..
وهاذي الحقيره انتبهي منها واقلعيها بسرعه لا تسوي شي الله يقرفها ان شاء الله
وقت تبديل البامبرز
لاتحاتين ان شاء الله ما فيها الا العافيه
مشكله هالخدم الله يعينج
لاتزعلين من كلامي اهماااااااااااااااااااااااااااااااااااااال منج ياختي انا عندي 3بنات واربيهم بيدي لاخدامه ولابطيخ شلون تأمنين بنتج عند خدامه ترد عليج وتصارخ وماتحترمج وووووالخ شنو هذا عالبو حامل مايصير جذي والله
ولاتوسوسين بنتج باذن الله مافيها شي وحتى لو بفضل الله مايكون فيها شي ودي الخدامه تطق بنتج وتكلم كويتي ومادري شتعلم بنتج وهم بتخلينها حرام عليج لاتتكيسلين ربي بنتج بيدج ياختي عن جد تنرفزت ولا يبييلج خدامه زينه نظيفه ولا حطي بنتج بحضانه
حرام عليكم شهالدلع هذا بفهم لاتزعلين مني حدي محتره وناطرين ردج لما تروحين الطبيب الشرعي
ضروري تطمنيني على بنتج
انا حسافه الخاص مايوصلي جان قلتلج رديلي خبر عالخاص
المهم الله يرضا عليج ردي علي انا بطل عالموضوع كل شوي ولاتزعلين من كلامي
بس حبيبتي
انتي الغلطانه
حتى لو حامل المفرووض ما تستحملين وحده جذي
يا كثر اللي ايون بو جم ساعه ويروحون
يعني مقعدتها عندج لا تشتغل وتعطينها معاش وفوق هذا كله فيها شذوذ؟
الله يعينج والله
وحده فيها شذوذ شيقعدها عندي والله لو اقعد بدون خدامه .. !!
وحتى لو سوت لها لا سمح الله المفروض انتي تكونين ملاحظه ليش مو انتي اللي تبدلين حفايظ بنتج او على الاقل توقفين قبالها لما تبدلها ..
وان شاء الله مافيها شي ..
والبنت ان شاءالله مافيها الا العآفيه ..
بس بليز لاتزعلين مني انتي ليش سكتي عنها من البدايه وبعدين الا البامبرز ديري بالج تخلين خدامه تبدل لبنتج مهما كانت جنسيتها لان البنت مو مثل الولد تخافين عليها
ماودي ازيد عليج بس هذا الصج واللي المفروض كل ام تنتبهله
بشرينا عن بنوتج والله يحفظها لج امين يااااااارب
وربي قطعتي قلبي