بنيه و انفصلت بالملجة شفيها؟؟

السلام عليكم شخباركم

من زمان مو كاتبة موضوع و حبيت ان اخذ رايكم في هالسالفة اللي من امس افكر فيها و حازه بنفسي حيييييييييل

امس كانت زوارة بيت اهل ريلي و كنت اسولف مع حماتي و حريم حمواني عن الزواج و الطلاق و جبنا طاري موضوع البنات اللي يطلقون بالملجة و اصلا حماتي قاعدة تدور حق اخوها حماي عمره تقريبا 30 سنة جان تقول رحنا شفنا لنا بنية و عجبته لكن بس درا انها مطلقة بالملجة فل الموضوع كله قلت لها شفيها البنت لي انفصلت بالملجة ؟؟ تقول اكيد جايسها زوجها الاول حتى لو مو شغلة كاملة على الاقل بالسيارة ماسك ايدها او بايسها و احنا ما ناخذ جذي
و قامت تتكلم عن البنات المطلقات بالملجة ان هالايام الرياييل ما يتزوجونهم بعد الانفصال الا واحد مطلق او مطلق عنده عيال او ريال كبير بالسن حتى لو البنت تينن و تهبل انا قلت لها مو شرط و اذا البنت زينة عادي ليش ما يبيها جان تقولي احنا عايلتنا ( اصل معين ما ابي اقوله علشان ما اثير الفتن ) ما يتزوجون المنفصلة بالملجة

انا من امس افكر بهالسالفة و ضاق خلقي صراحة من تفكير بعد الرياييل و العوايل اللي جذي

ابي رايكم بالموضوع و اذا سامعين سالفة او احصلتلكم سالفة جذي ان البنت انخطبت و تفركشت السالفة على انها انفصلت بالملجة

هي وايدين ينفصلون بالملجه
بس ترا والله مب شرط مثل ما يقولون لمسها مسك ايدها

يمكن ماتفاهموا
وحتى لو باسها تراها حرمته وحلال الي يسوويه
واسمحيلي تفكيرهم متخلف الحمدلله والشكر

استغفر الله العلي العظيم ليش جذي تتكلم على البنيه حتى لو انه اللي كانت ماخذته بايسها ولا ماسك ايدها كان بالحلال مو مسويه شي بالحرام وبعدين ما كفرت ولا سوت شي غلط تحط فرضيات من نفسها وتصدقها انا اعرف وحده جذيه حماها خذا وحده انفصلت بملجه تقول اكيد ان جايسها ولا مسوي وياها شي عشان جذي تمت لي 27 محد خذاها ورضو بمهر 4 لانها مو بنت .. الحمدلله والشكر الصراحه تفكير حده اي شي

مو شرط بنت خالتي انفصلت بعد اسبوعين من الملجه وقبل شهر اتزوجت واحد لا كان مطلق ولا متزوج
توه بجيسته

كل عايله ولها تفكيرها بعض العوايل عادي ما تفرق معاهم وبعضهم يشوف المطلقه بالملجه او حتى بالزواج بنص عين جنها اهي المذنبه >>>>>>>>>> بس احس ناس وايده تغيرت نظرتهم

وكل واحد يأخذ نصيبه اللي الله كاتبه له

مو خوش كلام ,, يعني حتى لو ريلها جايسها بالحلال و كانت مرته ,, ما نبيها عشان يمكن ماسك ايدها ! ,, الرسول عليه الصلاة والسلام أشرف واحد على هذي الدنيا بالنسب وتزوج وعمره 25 و اهو كان بعز شبابه من مرأة ثيب

والله اختي يرجع للعقليات !

يعني في مطلقات و عندهم عيال و يتزوجون شباب لا سبق لهم الزواج و لا شي ..
اهي سالفة النصيب من رب العالمين
و تفهم من هالبشر !

يعني بنت ما غلطت
ان كان ريلها ماسك ايدها فهو ريلها !
و حتى المطلقه ان عاشرت فكانت معاشره حلال
مو انها مو زينه او اخلاقها مو شي

شهالتفكير !!

ناس تفكيرهم غلط

أنا تطلقت بالملجة
بس السبب كان دوامي ويبيني أغيره
يعني مو شرط يكون شايف عليها شي أو مسويلها شي
محد يدري ؟؟!!

انا اخوي طلق مرته بالملجه لانه لسانها طويييييييييييييييييل وماتبي اخوي مايزورنا اذا تزوجاو !!!!!!!!!!!!!!!!!!!!! بس بعد طلاقها بشهرين تقريبن تزوجت ولد عمها :s

اللي تتكلم جذي ماعندها خوات بنات اهل…اهي نفسها ضامنه حياتها تستمر ما تتطلق؟

الحمدلله الدنيا دواره واللي يقولونه ويتفلسفون فيه على بنات الناس وهالشي لا من الشرع ولا الدين بيذوقونه

وبالنسبه للموضوع بصراحه الحين اشوف الدنيا تغيرت وهالفكره تغيرت حيل ..وايد مطلقات قاعد يتزوجون وربي يعوضهم

اصلا الحين الطلاق انتشر وصار شي عادي مو مثل اول

صراح هذي عقلها صغير اللي تفكر جذي

لوكل ناس تفكيرهم نفسها كان ولا مطلقه تزوجت

بعدين شكثر أعرف بنات مطلقات ولا عندهم واحد ولا اثنين وماخذين رياجيل توهم ليش ما فكروا جذي

تخلف وبس
مشكورة ع الموضوع

اووووووووووووووف معقدتني هالسالفه انا ملجه ومومقتنعه بالي ماخذني بس اهو عاجب ابوي واخواني وامي وكل الناس بس انا موداخل مزاجي بس قالتلي رفيجتي استغفري ربج شنو تبين تطلقين بالملجه محد بياخذج مع ان احنا مونظام نطلع مع الخطيب بس االدنيا هيييييييييك ماللللللللللت

حسبي الله عليها

استغفر الله شهالحجي ماسكها وبايسها؟
ليش بس وحده ريلها دخل عليها عادي بس ماسك ايدها عيب ياخذونها!!
والله ناس تفكيرها ماادري شلون صاير والله ضاق خلقي