|
|
بناااات منو عندها اي فكره عن البنك الكويت الدولي اهوا البنك العقاري سابقا بلييز اللي عندها اي معلومه عن طبيعة التوظيف والشروط تعلمني اي معلومه لا تبخلوون ومشكورين
انا ماخليت بنك مارحت له
والبنك الكويت الدولي هو نفسه البنك العقاري سابقا
بس ترى مايبون حيالله يعني نفس حالتي طالبه توني متخرجه لا انسييي
مايبون الا وحده عندها خبره سنتين او اكثر
بالعربي حاطين لبنانيه ومالها خلق
حتى سمعتها تساسر الكويتي اللي استقبلنا قالت مالي خلق لهم كنت انا ورفيجتي
قال اهو عادي اعتذري منهم بلباقه
وقبل لا تشوف شهاداتنا او اي شي
قالت عندكم خبره قلنا لا
قالت مانبي الا خبره ثلاث سنوات
قلنا ميخالف بنقدم عندكم ويمكن يصير استثناء لان شهادتنا دبلوم بنوك امتياز
قالت باخذهم منكم وبقطهم بالزباله تخيلووووو !!!!!
انقهرت انا ورفيجتي
قلنا يمكن خيره مانتوظف بهالمكان
والله يابنات قهر اللبنانيين والمصاروه متحكمين بكل شي
الله كريم
ويبون خبرة 3 سنوات ما يبون خريجين
لا انا قالولي الواسطه تنفعل يبون اي تخصص دبلوم او بكالريوس وانا معاي بكالريوس تكنلوجيا التعليم
دقيت عليهم جان تقولي حاليا بس نبي تخصص بنوك بس ما قالتلي يبون خبره ولا لا بس انتي دشي على احد كويتي احسن
انا الحين سويت السي في مالي وواسطتي نائب الاداره بشووف اذا يوظفني ولا لا
انا الحين صارلي اسبوعين اشتغل بمدرسه بس ملاقه الشغله هناك
رفيج اخوي كان فيه وطلع راح بوبيان مايمدح العقاري كلللللللللللللللللش ؟؟؟ ليش الله اعلم
الي اعرفه البنك الدولي بس الكويتي اول مره
ولا طلع العقاري سابقا 
بس انا رحتله من قبل ويع الجو داخل يلوع الجبد ترى كئيييييييييييب
وماياخذون الا متحجبات معنه في يشتغلون مو متحجبات بس هذولا القدم من عمر
وبس مزاياة نفس البنوك الثانيه
واهوا بنك اسثماري علما اعتقد وااايد يمدحونه خاصه اللي بيتوظفون اهناك
ماديا واايد زين