بنقل عيالي من مدرسة ثنائية اللغة لمدرسة امريكية

السلام عليكم ورحمه الله وبركاته
آنا عيالي بمدرسة ثنائية … وافكر انقلهم لمدرسة امريكية
تهقون يقدرون يجتازون اختبار القبول ويمشون مع الطلبة ولا بصير مستواهم اقل من الباجي
الله يعافيكم اي وحدة عندها تجربة بنقل عيالها من مدرسة ثنائية لمدرسة امريكية او حتى بريطانية تنقل لنا تجربتها وشنو كان مستوى ولدها او بنتها لما قدم اختبار القبول … وشنو مستوى الطالب بعد ما انتقل لمدرسته اليديدة
ناطرة تجاربكم ومشاركاتكم

عيالي كانو بثنائية لغة ونقلتهم لأمريكيه << الإبداع ..
حسب شطارة الطفل إذا أصلا شاطر إن شالله بيجتاز الاختبار ,, ومن خلال الدراسه راح يتعلم عالنظام ويتوازى مع مستواهم.
بالنسبه للمدارس الثنائية الغه أظمن لج 100% إن الرياضيات بيجتازون الاختبار في الأمريكيه لتن أغلب المدارس الثنائيه منهج الرياضيات ممتاز.
بينما الإنجليزي يبيله شوي .. وبالتوفيق.

تسلمين يا حلم الطفولة عالرد
ولا عليج امر بغيت اسألج المدرسة الثنائية الي نقلتي عيالج منها كان مستواها قوي ولا عادي … ولما نقلتيهم كانوا بروحون اي مرحلة ؟

مستواها العام عادي جدا , بس عيالي كانو فيها متميزين وايد ,, وكانو بالابتدائي.

سبحان الله وبحمده

استغفر الله

لا إله إلا انت سبحانك اني كنت من الظالمين