بنــــــــــات مــــــلل زهــــــق اشلـــــــلون؟؟ المتزوجات الغير موضفات

[color="purple"]
الي تدخـــــــل احبهـــــــــــــا

بنـــــــــات .. شنـــــو تســــوون اشلـــــــون تقضــــــون وقتـــــــكم
انــــــا ريلـــــــي اكثـــــر وقتــــــه بالدوام .. مااقدر اطلـــــــع بدونه
لان ماعندي سيــــــارة ..
اوكي نظفـــــت
طبخــــــــت
لعبـــــــت مع بنتي
قعدت على النت
طالعت فلم
خذيت شاور محترم بوساعة ونص
صليت قريت قرآن وادعية
وبعديـــــــــــــــــــــــــــــــن
شسوي ملل.. انتو اشلـــــون تقضون اوقاتكم
مـــــــــــا تتمللـــــــــــــــــــــون..[/color]

أنا مثلج متقاعده وعيالي كبار بالجامعه وأسوي كل اللي اتسوينه بس ما أحس بالملل لأني اسوق واذا خلصت شغلي أطلع أتمشى شوي
السياره الحين أهم من الشغل والوظيفه لازم اتسوقين بس لا اتخلينه يعتمد عليج بكل شي بره البيت

دخلت موضوعج
تحبيني ؟؟
هههههههههههه

المهم
شوفي انا موظفة من قبل لا اتزوج
صارلي الحين سنة ماخذه اجازة بدون راتب لبعض الظروف
وجدامي هم سنة ثانية
لاعت جبدي استغفرالله

احس غطييت عن الدنيا
ما ادري شيصير

كنت اشوف الدنيا اشوف الناس
استأذن اروح اخلص شغلي
كل يوم البس واتكشخ واتعدل
اندفنت دفنه عدلة

لاني بيتوتية
كان الدوام اهو طلعتي وبالويك اند طلعة مع اليهال

الحين اقوم الصبح ابدل اليهال للمدرسة
واضل احوس بالبيت بس جذي
يا اجيك على شغل الخدامة ليما طلعتها من طورها
او مجابلة بنتي والنت

صراحة
الحين فهمت ليش الريال يأذي زوجته ليما يتقاعد من حنته ولبحته وملله
لاني صرت مثل الريال المتقاعد
لووووول

بس هم ارد اقول
الحمدالله اني مهما تمللت الحمدالله المهم الصحة والعافية

الصحة والفراغ نعمه محسود عليها الناس
ياحلااة القعده بدون شغل بس تتمططين ومرتاحه

صــــاجة يا قلبي صارت السيــــــاره اهم من الوضيفة
ريلي والعيل كل مرة يقول بشتري لج ذي السيارة
ولا اشوف شي هههه لكن لو عنده ما يقصر فديته..

وااااااي احبج من زمان فديتج.. ههههه
تصدقين على كثر هواياتي .. الا اذا الملل
تسلط علي ماعرف اسوي شي زهق زهق
انا مثلج ترى بيتوتية .. كنت ادرس والبيت
وبس ما عندي يمين يسار .. واهم
شي مثل ما قلتي الصحة والعافية ..

اي واللـــه الصحة والقعدة حلوة بس ..
موب دايما الفراغ حــــلو .. يبي له مزاج
خــــاصة انا ساكنة مع اهل زوجي بس
مافي كلاقة بينا .. اهم زين يردون السلام
الله يسامحهم كنت اتونس معاهم .. ماما
تداوم مااقدر كل يوم ادق عليها تطلعني ..
وعـــــايشة مع القعدة والفراغ ..

حبيبتي ها اكيد حبيتيني
خخخخخخخخخخخ
انا قبل مااتزوج كنت بالكويت فديتها عند اهلي
بس صار نصيبي بالسعوديه الحمدالله عاد تعرفين هناك لاسياره ولاشي
وانا مو موظفه يعني منحكره 24 ساعه بالبيت بس مجابله زوجي وبناتي الله يخليهم لي واحنننننننننننننن على روسهم
زوجي يسميني الحنانه شسوي زهقققت

عندج تلفون عندج كتب اقريها شتبين بالحريم وهذرتهم اللي مامنها فايده …روحي لاهلج لامج ولا سويلج خلطات لشعرج لجسمج…وكل شي احتسبي فيه الاجر…

انااااااا بطاااااليه صارلي سنه من خلصت الجاااامعه ما حسيت بوقت الفراااغ سافرت 4 شهووور تقريبا بس اول ما رديت من السفر اهني حسيييت بملل و قعدت اراكض عالوظيفة بس لم داومت بنتي الروووضه مره ثانيه استانس على قعدة البيت .. بس انا 24 سااااعه طالعه يا سوق يا ازور يا يمعة بنات ما افضى و عندي بزنس خاص فيني اهو اللي ملهيني وايد احس مرات ان ماعندي وقت اسوي شي ..
انتي الله يعينج ليش انج ما تسوووقين ..

اي واللـــــه بدون سيارة موب شي يالحنانة ههههههه
احبج لانج دخلتي فديتج

واااااي يا قلبي تكلمي كثر ماتبين فديتج ..
اعتبريه موضوعج .. تدرين ساعات احس ابي اشوف بس ناس هههه
احيانا يبوح صوتي لان مافي حد اكلمه .. لوووول

ما بتصدقين يا قلبي شنو خلطات اسوي لشعري ولجسمي..
و اقرا كتب ومجلات ونت و هوايات واايد منها سبورت
والرسم والكتابة و اعمال يدوية وااااي واااايد بس ساعات والواحد
يزززهق .. يصيده زهق موب طبييييعي

صاجة والله .. يمكن لو عندي سيارة كان خلصت بعض الامور الي اتعطل عشانها بسبب السيارة
وجان طلعت نفهت عن نفسي اشوي..

تسلمووووون حبيباتي على المرور .. نورتو الموضوع والله

انا طالبا ادرس والدراساا متعبتني الحين امتحانات
وانا المفروظ اقعد ادرس بس ايدي بروحها تدش المنتدا وتكتب لول
باجر امتحان اخر السنا وانا مو حاسا
انا ارد وقت الغدااا يككون ريلي موجود وبعدين رتين عادي

انا نفسج زهقانه من روتيني انا اداوم ادرس صبح وارد الظهر ويكون وقت طلعة ريلي للنادي والدوام

مقزرتها ببيت اهلي من ادخل العصر لين اطلع بالليل وانا مجابله النت اف زهقت
ناطرة عطلة الربيع وريلي بياخذ اجازه معاي بس ان ما استغنى عن هالنادي بطنقر صج

جدولي كالاتي :
– اقعد الساعه 6 الفجر اسوي ريوق ريلي وازاهب هدومه واقعده يتريق واقعد معاه لين يطلع
– ارد انام عالساعه 8 تقريبا عقب ما شيل الحوسه مالت الريوق وهدومه ……الخ
– اقعد عالساعه 10 انظف ( اغسل تكرمين الحمام واخم الصاله وغرفة النوم وامسح السراميك – اغير الشراشف اذا صاير لهم 3 ايام )
– عالساعه 12 اكون خالصه من التنظيف ازهب اغراض الطباخ واطبخ
– عالساعه 1 اسوي السلطه وازهب المواعين عشان الغدا
– الساعه 2 الاربع يكون الغدا جاهز
– 2 بالدقيقه ريلي يدش البيت ونحط الغدا ونتغدا واذا خلصنا الغدا
– اسوي له قهوه
– اغسل مواعين الغدا واغسل المطبخ
– اخلص تقريبا عال 4 ونص
ابخر الصاله وازهب بخور ريلي ابخره يروح الدوام
– اشبك واقعد اسولف ويا رفيجاتي
– اذا عندي غسيل احط الهدوم بالغساله واسولف مع البنات بالمسنجر
– عالساعه 8 ونص اقوم اسوي العشا
واكوي الهدوم
الساعه 10 ريلي يوصل البيت
نتعشا واشيل مواعين العشا اذا لي خلق غسلتهم واذا مالي خلق اغسلهم ثاني يوم الصبح
واقعد شوي مع ريلي لي نام ارد اشبك وهكذا

استثناء ايام الجمعه زيارات والسبت طلعتي معاه وبسسسسسسسسسسسسسسسسسسسسسسس

انا مثلج متزوجه وما اشتغل ولا اسوق سياره

بس وقتي رايح مثل وقت حرم راشد الماجد

بين الغسال والتنظيف والطباخ وتالي اسبح وانطر زوجي 10 دقايق ربع ساعه يوصل البيت

بعد الغدا اقعد معاه لي العصر واذا طلع مشوار نص ساعه ادخل النت او اسوي اي شي شاغلني

ومرات اذا ما طلع اكون كله قاعده معاه او على النت ومرات اقعد معاه بالحديقه ولا مع اهله تحت

يعني ماعندي وقت وايد للنت من انشغالي انتي يبيلج كسر روتين مليتي من شغلج كـ ام و زوجه و مسؤوله عن بيت

اذا ما عنده مانع تعلمي السواقه ولي سقتي ساعتها اشتركي بنادي صحي او اي مكان تحبينه

يعني الحين اكلمج و زوجي يطالع التلفزيون بس الحمدلله ما احس بملل واذا تمللت اسوي اي شي احبه

هذا وانا ماعندي عيال عكسج يعني انتي بنتج تسليج اشوي الله يخليها لج يا رب

وااااااااااااااااااااااااي يا هني الي مو موظفه عايشه بنعيم ما شاء الله(وحده زهقانه من الوظيفه)