|
|
آنا رابعـه فـ اخر كورس مسـائي "علمي"
كلنا قاعدين نعـاني لأنّ وايد قاعد يظلمونـا
ولازم لازم نشتكي ونطالب بحقنـا المدفون
لازم نشتكي ونقـول ترى احنـا مالنا شغل
بنظام الصباحي احنا غير واهمـا غير ..
اهمـا لهم امتحانهم واحنا لنـا امتحانـا !!
وإذا مصرين يبون يخلـونا نمتحن معاهم
>>> عيل خل يفتحون حق المسائي المختبرات ويدرسونا العملي!
** وإذا بتعرفـون ليش أبي اشتكي .. هذي الأسـباب :
*** طبعـاً احنـا ماعندنـا شي اسمه ( عملي ) صح ؟؟؟
لأنّ ماكو مختبرات بالأسـاس ووقتنـا ضيج حيل حصتنـا 40 دقيقة..
وآخر شي يخلونـا نمتحن امتحانات الصـباحي
وإجباري يبونـا نحل العملي اللي احنا بالأساس ما ندرسه؟؟
شـكو؟ اهمـا يدرسون عملي ويدشون مختبرات ويمتحنون فيـه أوكي
لكن احنا اللي ماعندنـا لا مختبر ولا دراسه نفس الأوادم على أي أساس يجبرونا بحل مسائل التجارب العمليـة؟ هذا مو عـدل صح ..
*** لازم إييبولنـا مدرسـات مخصوص للمسائي ما يقعـدون يطرّون من الصـباحي
خل يخلون المسـائي نفس دوام الصبح .. ويعطونهم معـاش شهري مو عالحصـه
واللي تدرّس الصبح ممنـوع اتدرّس المسائي ..
وبهالسبب عانينا الكورس الأول قعدنـا كورس كامل من غير مدرسـة أحياء
والسبـة ماكو محد يبي يدرس.. ليش شللي جابرهم يدرسون بالمسائي ماكو مميزات
اكيد محد يبي يدرس .. ينكرفون كراف واخر شي على جم دينـار ..
لازم المسائي يصير نفس الصبحححححححححححححح
تـدرون ليش لأنّ احنا اللي قاعدين نتضرر من هالشي احنـا الضحيـة..
بتقـولولي شـلون؟؟؟
أقولكم المدرسـات يطلعون من الصبح وإييولنـا ولا يوا اييون خامرين ومالهم خلق
والنفسيـه بخشمهم وتخيلوا شرح كامل كله قاعدين لي عالكرسي!! ويقرون وبس؟
مـــــــاكو شرح .. لمه ما نفهم شي نقولهم عيدولنـا يقولون ماكو وقت..
لو تنقلنا كلمة وحدة نقولها شنو ؟؟ نقول ماراح اعيد ماكو وقت .. كل شي ماكو وقت ماكو وقت
من طلب منكم القـرايه احنا نعرف نقـرى ترى .. احنـا يايين نبي شرح نبي نفهم ..
والله العظيم ماكو شرح أقص ايدي إذا هالمدرسات يسوون جذي الصبح..
بس ليش احنا مسائي بالطٌـقاق يطقنـا ؟؟؟؟ ترى احنا ما يينا المسائي عشان يبهذلونـا ..
احنـا بس نبي اهتمااااام ..
كل سنة يعني نطر مدرسات؟؟ واخر شي يحاسبونـا على الغياب ويفصلون وما ادري شنو ؟؟ يعني احنا لمه سجلنـا دفعنـا رسوم التسجيل يعني فوق ان احنا دافعيـن هم تواسونا بالصباحي بأيام الغيـاب ؟؟ عيل شفايدة المسائي ؟؟
المسائي مو محطوط حق الناس اللي عندهم ظروف ؟؟
الزبـدة ..
آنا أطالـب بفصـل امتحاناتنـا عن امتحانـات الصباحي مع الاختبـار في التوقيت اللي تعودنـا عليه واهوه المسـائي مو الصـبح .. علـشان أي شي انحرمنـا منه بالمسائي يراعونـا فيه ما يخلونـا نفس الصباحي اللي ما اعتقد حايشهم نقـص من هالنـاحيـه !
وانا طالبه منازل يعني ما اعرف لا ابلات ولا عملي ولا اي نيله على قولته
انا بضم صوتي لصوتج بس حقنا احنا يالمنازل
نطالب احنا المنازل بفص امتحاناتنا عن الصباحي
مشكورة حبيبتي عالرد