|
|
بنات شفايدة بند التعاون او شنو ضرره في حال كتبوا غير متعاونه ؟؟؟
طبعا انا ماتكلم عن التقدير والأمتياز .. لأني غاسله ايدي ومابيه بس شنو ممكن ياثر علي ؟؟؟؟؟؟؟؟؟
اعتقد اذا ما تتعاونين ماتاخذين امتياز
بند تعاون يستغلونج اذا فاضيه … مايبون الوحده تقعد فاضيه
بند التعاون مايضر في شي سوا ان مايعطيج الامتياز
^^
حاله حال باجي البنود
بس وايد يهددون فيه الادارات عشتوو
انا بايعتها
مابي تقدير ولا يهمني التقرير
كفايه علي شغلي
خصوصا بعد الصولات والجولات مع رئيسة القسم النفسية وموجهة الزفت الي عندي
تصدقون انا ماني عارفه اشلون صاير بنود التقييم ومحد ورانا صورة عنه بالله اشلون نعرفه شنو اللي لنا وشنو اللي علينا!
يعني اذا شغل جماعي تتعاونين ما ترفضين اي تكليف اذا بغو خدمة مراقبة. رحلة. تساعدينهم تفزعيين مع قسمك اذا عندهم شغل مدرسة وحسب المدرسة والقسم طبعا. وانا من وجهة نظري اذا المدرسة حلوة تبادرين وتعطين عشان يتمسكون فيك واذا صار العكس يغثونك باحتياط وشغل اضافي ومرات نحاسة حصص اكثر من غيرك علشان ما تعاوناي حتى لو بايعتها واخرتها خفس بالتقرير فالافضل الوحدة ما تعترض حتى لو ما تسوي شي ء عالاقل ما يحطون عليييك لاحظت بالتربية اللي تتذمر يبلونها عدل واللي تتمصلح وتتمسكن وتسوي نفسها ودها وهي ما تتحرك من الكرسي تمشي عندهم اسمحولي هذا من تجربة مريرة بالمدارس كل نفس الشكل سواء زينة الادارة او مو زينة المصالح اهي اللي تمشي