بنتي وكلام الناس اللي قاهرنــي

السلام عليكم ورحمة الله وبركاته ،،،

خواتـــي بدخل على الموضوع على طووول ،،،

أنا عندي بنت وهذي اول بنت لي ،، عمرها ألحين 8 شهور

بنتي قصيره وضعيفه كشكل بس الدكتور يقول بنتج وزنها ووووايد اوكي ويزيد ما شاء الله وما فيها شي ،،،

أبوها كان قصير وضعيف يوم صغير بس الحين ماشاء الله طول وجسمه حلو ،،،

المهم / كل محد يشوف بنتي يقولي شو هذااااااا ليش بنتج جيه ما تأكلينها ؟؟

للعلم بنتي فديتها ما شاء الله عليها تاكل يعني عاادي بس جسمها جيــه ///

وكل ما يشوفون نونو أصغر عنها حالته أحســن قالو شوفي مب مثل بنتج مفعوصه ،،، والله من يبت البنيه لين يومكم

كل يوم أسمع رمسه من اهلي والناس ،،، واللي يعطيني كلام حلو ريلي وعمتي أم ريلي فديتهم دوووم يقولون لي ما عليج

من كلام الناس ،،، دام البنت زيينه ،،،

اليوم بعدني ،،، أختي شافت حرمه ويا بنتها وما شاء الله بنتها أصغر عن بنتي بس فيها صحه وطوول وعطت الحرمه رقمي

واتصلت لي الحرمه قالت انتي ليش ما تأكلين بنتج أستغربت والله لهاي الدرجه يعني ،،،

انا بنتي اعطيها كل شي الحمدلله بس جسمها جيـــه ،،، شو أسوي والله أبه اصيييييييح ،،،

لاتصيحين ولا شي خلي حجي الناس عنج … انتي زين على الاكل والصحه انا تدرين شابين علي شنو تخيلي الحين وانا اكتب تخنقني العبره والله
يقولولي قاسيه وما تحبين ضناج ….. شلون ما احب ضناي مو تعبانه فيه مو رابي بحشاي؟؟؟ شلون بحد العقل والله بالبدايه ازعل واتهاوش واصرخ عليهم واغلط فيهم لانه مو كلام بس الحين وقفتهم عند حدهم لو وحده قالتلي انتي ليش جذي والا ليش ما تسوين جذي ؟؟؟ على طووول ارد عندج عيالج وحطي حيلج فيهم مو محتاجه نصيحتج ….. الي ما يستحي لا تستحين منه والحين يحسبون حساب الكلمه وياي وبعدين سويت شغه ما ازور الا وقت الزواره والا العصر امر امبجر وامشي مبجر قبل لا يلتمون يعني ابتعد عن الامان الي فيها تقييم لامومتي تفاهتهم شكو اهم
وتدري لما ولدي كبر صار كتعلق فيني حيييل ولو اقول نو يعني ما يتكرر الشي ومتربي والحمدالله ذكي
بس في وحده حاسبه نفسها امه مسكينه تقولي انتي بتغبينه من معاملتج بس انا متزهبتلها

يا حبيبتي طاااف ما عليج منهم الحمدلله مادام ان صحتها ووزنها طبيعي الف حمد وشكر

بعدين يمكن خيره علشان تفكينها من العيون

حبيبتي ما لج شغل بالناس بنتك طبيعت جسمها جذيه

يعني طنشي بدام ان اكلها زين خلاص

طاف مادام الدكتور يقول وزنها زين وكلام الناس ما ينفعك بكرى لو عطيتيها شي فوق طاقتها والله يخلي لك بنيتك يارب

لاتهتمين لكلامهم
رضاااء الناس غايه لاتدرك

ولو وزن بنتج كبير راح يتكلمون ويلومونج ليش توكلينها خليها نحيفه احسنلها

وهذى الدنيا

الناس تبي اى شى تتكلم فيه وبس
انتى طنشي وخلج واثقه بطريقتج اذا ماشيه صح بنظااامها

وحاولى تبحثين بالنت على افضل شي لبنتج

والله ينولج مبتغاااج

هنوده انا مثلج بالظبط اول ما ولدت ولدي كان ما شالله متبتب بعدين كل مالا ويفش وضعف بس الحمدلله اكله وكل شي طبيعي فيه بس والله الناس ما خلتني كله اتقول انتي ما توكلينه ؟؟؟؟؟ تعبت منهم,,,, وكل ما اروح دكتور كله اساله عن وزنه ليش ظعيف فيستغرب؟؟؟ يقول من قال بالعكس وزنه طبيعي والحمدلله,,, وقالي انتو تبون الجاهل الصغير منتفخ؟؟ بس مو على صحه بالعكس ولدج وزنه طبيعي والحمدلله وخلي الناس عنج والله انا طنشت وعاااادي الحين ولدي تم له سنه ولله الحمد ولحد الحين ضعيف بس صحته زينه والحمدلله
اهم شي الدكاترة طمنونا وخلااااااااااااااااص

لاتحاتيين حبيبتى دام انتى ماشفتى شى يخوف من بنتج مثل رجفه او اغماء لا سمح الله لا تسمعيين كلام احد لا من قريب او بعيد ترى احنا بالهوا سوا مثل مايقول المثل وباجر بنتج لا كبرت بدور الرجيم عشان تضعف لاتحاتتتتتتتين

ماعليش من كلام الناس يالغاليه وانا حاسه لاني عندي بنوتتي عمرها ثلاث سنوات جسمها حلو حتى الدكتور يقولي نموها طبيعي بس مو طويله والناس مو مخليتني بحالي
طنشيهم احسن حل
وامشي على اللي انا ماشيه عليه
طنش تعش تنتعش هههههههه

(( من راااااااااااااااااااقب الناس مات هما )))))

يعنى لا تسمعين الناس وكلامهم وشنو يقولهم وشلون عيالهم طوال او متان لانج راح ماتلقين غير الهم

ما عليج من احد اهم شي انتي مقتنعه ان بنتج صحتها زينه

ماعليج من احد بس صراحه هلي دقت عليج ما عندها ذوق كلش
الله خلق تركيبت جسمها ما تسمن تموتين يعني علشان يرتاحون طوفي يبا
اهم شي صحت البنت

وارضاء الناس غايه لاتدرك

ما لج سغل في الاوادم خل يقولون اللي يقولونه

المتن مو ين للياهل بعدين ما تقدرين تضعفينها … و مادام الدكتر يقول ان وزنها طبيعي عطي الاوادم طاااااااااااااااااااااااف

ماعليج منهم يالغاليه

اهم شي صحتها زينه واهي بخير

والناس ماوراهم الا الكلام والحجي اللي يضيق الخلق

الله يخليها لج يارب وتتربى بعزج انشالله

وانشالله تشوفينها عروس مزيونه يااااااااااااارب

حبيبتي ترى عادي

الوزن الطبيعي يكون جذي ضعيفة ، انا مرة قالولي وكلي بنتج فيتامينات تمتن – لما سألت الدكتور قالي يا ويلك ترى مفعولها يبدي بالكبر يعني لما تكبر يصير عمرها 6 او 7 راح تصير من الاوزان الثقيلة والسمنة المفرطة لأنها محتبسة بجسمها هذه الفيتامينات وقالي اذا تاكل وتشرب عادي ليش تحاتين بالطقاق بكلام الناس