بنتي والامساك

السلام عليكم
شلونكم
في مشكله مع بنتي الي عمرها 3 سنوات
كللللللللللللله فيها امساك
ماني عارفه شسوي معاها
وديتها الطبيب جم مره
يقولي الملينات ماتييب نتيجه
الحل بالتغذيه الصح
المشكله انها كلش ماتاكل فواكه ابدا
موعارفه شسوي معاها
عفيه بليز عطوني حلول شتسوون مع عيالكم

دير بالج من الملينات تري تخرب الجهاز الهضمي وتقلل الحركة فية
عطيه 3 مرات باليوم عصير برتقال فرش بس شيلي القشر وحطيها بالخلاط وزيدية سكر وماي …..واستمري علية جم يوم وبتشوفين النتيجة ولا تنسيني بالدعاء
بس لا تقطعينة مرة وحدة قللية لمرتين عقب مايستقر بطنها وبعدين لمرة بس اذا رجع الامساك رجعي للطريقة مرة ثانية
وهذي وصفة من الطب البديل والله عن تجربة شي خطير بس يبيلها صبر ومداومة بانتظام

ماتحب عصير البرتقال ماترضا تشربه

حبيبتي حاولي فيها ويمكن مع الشكر تحبة والله هالطريقة مو طبيعية وتخيلي زوجي يعاني اكثر من 10 سنين من الامساك وكان مقررين لة عملية ولكن يوم راح الطب البديل بالسعودية الحمد لله والشكر ياربي عطوة هالطريقة تقولين كذاب ماكان فية شي !عسى الله يتمم علية
حاولي تري لازم ينشرب 3 مرات وحطية مع اكلها تشرب واهي تاكل يمكن تستسيغة !!
وفي طريقة بس غالبا للي اصغر من سنة اللي اهي مغلي الكشمش

انا ولدي اكثر له الماي وبرتقال ينفع معاه الحمدلله

جربي تخلينها تشرب ماي وايد

حبيبتي في شغلة تلاقينها عند العطارين اسمها " عنزروت " تؤخذ قطعة صغيرة وتنقع بالماء وتشرب انشاءالله تنفع معاها

انة ولدى نفس بنتج يعانى من الامساك من اول مايبتة ويبجى لين ينزل بطنة شوفى عطية تمر وعنب وفى شاى اعشاب بالجمعية خاص لليهال كل يوم عطية قلاص واللة الحمد اللة صار يخرج يوم وترك بس لاتعطينة بطاط ولا كاكاو بكثرة حتى الخبز وبعد شوفى الحليب ساعات الحليب ايب مساك

تاوني اكلم رفيجتي ،، وولدها عمره سنتين ونص من جم يوووم صااار فيه امسااااااك وااايد تعب

هم عطوها ملينات ما نفع ،، شربته سوائل وفواكه ما نفع

هم عطوها كريه لهالمنطقه ماكو فايده

وقالت لها خالتها غيري حليبه ،، اهوا حليبه بروجرس ،،، والله غيرته وعطته نان من عمر 10 شهور واااااااااااااايد ارتاااح والحين صار زييين

الحليب كان زين معاه وفجأه ما انفعه

يمكن صار مع بنتج جذي ،،، شنو حليبها ؟؟؟ غيريه لنوع ثاني