|
|
بنات بنتي عندها اكزيما في القدم والساق والايادي ومنتشره في جسمها وكل يوم تزيد وراحت لكذا دكتور تخف مع الدواء واذا تركت الدواء ترجع وهيا جاتها بعد عمر سنتين وعمرها ثلاث ونص ساعدونيييييييييي انا ابكى من حالها
ان شاءالله البنات يساعدونج
بنتج تحتاج كورس دوا شرااب راح يعطيها نوعين شراب لمده شهر
وكريمات موضوعيه
ولوشن وصابون جسم خاص فيها
فتره وتعدي ويرد كل شي طبيعي لان المشكله اغلبها داخليه
بأى شى جلدى لانها فعلا فاهمه وشاطره
شوفى حبوبه الاكزيما تنتشر فى الخليج والعرب اكثر من اى دوله وتتورث وتنتقل من مكان لمكان
يعنى ممكن تطلع فى الرجول وبعدها تختفى وتطلع فى الرقبه وهكذا
والاجزيما ما تتعالج للابد ولكن مع الوقايه تروح
وممكن تجى بشكل خفيف كل فتره لو خبصتى بأى شى من الممنوعات
وبتروح مع العلاج
بقولك عن الادوييه والخطوات اللى تحسنت كثير معها وان شالله بنتك ترجع احسن من الاول وتدعين لى (=
اول شى واهم شى تبعدي جلدها تماما عن العطور والاشياء المعطره مثل اللوشن والباودر الشامبو وماشابه
تغسلينها كل يوم بصابون خالى من ماده الصابون وانا رشحتلى الطبيبه صابون بيوديرما السائل هذا
انتبهى من اللى مكتوب فوقه لان فى كذا نوع من بيوديرما له نفس الشكل بالضبط ولكنه لاشياء ثانيه
Bioderma
ultra_rich foaming gel
very dry , weakened and areactive skin
وبعدها تسويلها من هالكريم على كامل الجسم حتى الوجه والرقبه وبين الاصابع
لمنع الاجزيما من الانتقال من مكان لمكان
ويستخدم 3 مرات يوميا على جسم نظيف مو لازم تغسلينها 3 مرات بس اهم شى الجسم يكون نظيف
اسمه ايفان وهو فرنسى طبى ممتاز للبشره الجافه واللى تعانى الاجزيما والتحسس
avene trixera
very dry sensitive & atopic skin
اهم شى فى الموضوع لازم ملابس بنتك كلها تصير قطن 100%
مافيها اى نسبه نايلون او بولوستر لازم قطن طبيعى صافى وخااااصه ملابسها الداخليه واللى تلامس
جلدها اما اللى فوق عادى يكون اى خامه ولو تبى تسويلها شوى عطر سوى على ملابسها من فوق على خفيف
ولا تخافى من ملامسه الصابون للعين لانه مايحرق
اللى على اليمين لون الكريم ( ابيض ) واليسار هو الصابون السايل ( شفاف مزرق )
وان شالله اكون قدرت افيدك واى سؤال انا حاضره بأّذن الله 
يعنى انتى بتنظفى اطفالك بأيش ,,,,,بماى بس ؟؟؟؟
وبعدين هذا صابون خالى من ماده الصابون ومن اى اشياء حارقه
وخاص للبشره الحساسه وهذى طفله يعنى راح ينفعها كثير
مو لازم تستخدم كميه وبيكفى بس شى بسيط جدا
اللي عندها حل تفيدنا بليز
مابقى طبيب مارحتله والعلاج اللي يعطوني اياه وقتي
يعني يصير زين بس من يخلص كورس العلاج او الكريم يرد مره ثانيه
يعني مايصير استخدمله الادويه طول عمره
يقولون سبب الاكزيما اذا ماكان وراثي او من اكل معين
يكون من كثر الغسيل بالماي والصابون فتروح الطبقه الدهنيه اللي تحمي جلد الرضيع
انا ولدي من اول ما ولدته وانا كل ما بدلته غسلته بماي وصابون .. في امهات مايغسلون عيالهم لمن يبدلون حفاضاتهم
بس انا كنت اغسله يمكن هذا كان سبب خلى طبقة الدهن اللي تحمي الجلد تروح وتسبب الجفاف و الاكزيما
صح كنت استعمل الدوا واذا تركته ترجع .. الحين كبرت وراحت
انصحج بدكتور عبدالوهاب الفوزان .. شاااااااااااااااااااطر انا جربت كل اطباء الجلديه من كانت بالمهاد
والحين 24 سنه وعندي بيبي ههههههه
وعنده بعيادته دكتور ساهر .. شاطر بعد
والله يشافيها .. حاااسه لأني كنت ابجي والله من كثر الحكه
ماتشوف شر