بنتي عمرها9 شهور ذبحها الاسهال

السلام عليكم

ياامهات الخبره

شنو احسن شي يوقف الاسهال ومعاها ترجيع بسيط

الدكتوره قالت لي خففي حليبها شلون ؟؟

يعني اذا كانت تاخذ ماي لي رقم 4 مع قفشتين لازم اتخفيفن اتحطين ماي لي رقم 4 وقفشه وحده حليب
واذا ما وقف الاسهال حطيه قفشه حليب وقفشه نشا

الطبيبه ما عطتها علاج

انا بنتي توها ولله الحمد خفت النزله المعويه عندها …
حبيبتي اول نصيحه … تحطين على النار قفشتين عيش مع ماي وعقب ما يستوي العيش تحطين الماي بالمميه والعيش بصحن مع بطاط مسلوق وروب … وهذا احسن ش فاد بنتي لما كانت عندها نزله معويه
وخليها تشرب ماي العيش

وبعد في شي يقولج واااااااااااااااايد زين واهوا … تقطعين جزره وتسلقينها بالماي وتخلينها تشرب الماي بروحه اللي طلع من الجزره صج صج مفييييييييييد والله
وعسى الله يشافيها والله انا تعبت لا كانت مريضه يبيلها عنايه
( وعلى فكره لازم تغيرين الحليب ) انا خذيت بيبي لاك ل ف ) هذا خاص للاطفال اللي عندهم اسهال واستشيري الطبيب

حبيبتي هذي بداية نزله معويه لان في ترجيع … عليج بالنشا وعصير التفاح ممتاااااز وحاولي تخففين الحليب مثل ماقالت لج الدكتوره يعني نص المقدار مال الحليب واذا مافاد ترى في تركيبه بالصيدليه حق الاسهال دايما يوصفها الدكتور بدال الحليب وماتشوووووف شر يااارب.

الفايرس ما ينفع معاه علاج و لا مضاد لان شي بالجسم و لازم يطلع من الجسم بس عليج بالسواااااااااااااااااائل ماي عصير تفاح المغذي عشان ما يصير معاها جفاف