بنتي الصغيرة تشرب حليب التموين وتموت فيه عادي؟؟؟

بنات انا كنت اعطي بنتي من الولادة ولمدة سنة حليب من صدري وساعات سيميلاك واقطعت الرضاعة بعد 9 شهر تقريبا وظلت عالسميلاك بعد سنة …خلص الحليب ومامداني اشتري وكانت بتنام حطيتلها حليب بودر مال التموين بالممية وشربته ونامت ثاني يوم نفس الشي لمدة ثلاث ايام
عقبها شريت سيميلاك مارضت تشربه والحين ماتبي غير التموين
بس انا حيل نفسيتي تعبانة اخاف مو زين او ماله فايدة …قولولي شسوي؟؟

اللي اعرفه ان حليب التموين ممتاز للاطفال اللي من ثمان شهور واكثر ولا يسبب غازات مثل الباجي ويرتاح الياهل عليه اذا بنتج مرتاحه عليه عادي ترا انا مايسوي شي

اذا بنتج فوق السنه

فعادي حبيبتي و لا تحاتين و اصلا راح تشوفين ان صحتها بتصير حلوة

بس اهم شي لا تحطين لها شكر بالرضعه

اهوه زين ماراح يضرها عادي تشربه بس حليب اليهال أفيد لها …

الياهل بعد التسع شهور ممكن يشرب اي حليب عادي حتى ال Kdd البارد عادي وحليب الاطفال مايقرق عن حليب التمويل الا انه يكون في ملح أقل بس من عمر 9 شهور عادي الياهل يستحمل كمية الملح الي فيب أي حليب

والله ماعرف حليب التموين ..
بس ترى الحليب ضروري للياهل لين يصير عمره 3 سنين ..
وحليب الأطفال اكيد افضل له لان مدعم بالحديد والفيتامينات ..