|
|
السلام عليكم ورحمة الله وبركاته ..
بنات ودي أترك الدوام لأن تعبت ..
أقولكم المميزات .. والعيوب وأنتوا أحكموا ..
وأنصحوني عفيه ..
المميزات :
1- تميزي بالدوام لفهمي الشغل وتمكني منه ..
2- مسؤولي زين ..
3- مكاني زين ومناسبني ..
4- البونص السنوي حلو ..
5- زميلتي إنسانة حبوبة وايد وتساعدني وايد ..
6- رفيجاتي بالدوام .. أحب قعدتهم وأستانس معاهم ..
7- أحب طلعة الدوام وكمبيوتري بالدوام وكل شي ..
العيوب :
1- الإجازات مو على كيفي ..
2- المرضيات والرخص والطارئة يسوونها سالفه إذا خذيتهم والمسؤول ينفس علي .. 
3- الدوام بعيد وايد عن بيتي ..
4- الراتب لكم عليه ..
5- الشغل أووووووفر .. لأن قسمنا متكون من 2 ورئيس القسم ..
يعني إذا غابت زميلتي أو خذت إجازة ممنوع أطلع من الدوام ( استعباد يعني )
6- زوجي دوامه شفتات وما نشوف بعض كلش ..
( بنات يوم دوامه ليل محد يسويله ريوق الصبح .. لأني بالدوام .. وساكنين بشقة بروحنا )
7- دوامي طويل .. أوصل البيت 3 ونص .. وأكون دايخه ومالي خلق أسوي غدا وشغل بيت ..
أنا ساكنه بعيد عن أهلي .. ومااسوق السيارة إلا حق الدوام .. يعني بيضيق خلقي عدل إذا تركت الدوام .. 
بنات والله تعبت .. الحمد لله زوجي راتبه زين .. ومستعد يصرف علي ..
وماقدر أغير دوامي .. لأن زوجي يقول مابيج تشتغلين بمكان ثاني ..
يعني إذا تركت خلاص .. مالي غير البيت ..
محتارة وايد .. خايفة أتخذ قرار وأكون غلطانه وأندم ..
وخايفه أضل بالدوام .. وحرام أضايق روحي .. نفسي علي حق ..
أنتظر نصايحكم .. وشكراً لأنكم سمعتوني بضيقتي ..
بالبيت بتملين
وبعدين الدوام تغيير تستانسين بالدوام وتغيرين جو فيه
والواحد وين يحصل زملاء ومسؤول زين
انا من رايي مسكي ارضج احسن لج والا جربي اخذي اجازة من غير راتب شهرين وشوفي الوضع
صدقيني راح تحسين انج صج بعازة الدوام مو سالفة نوم وقعدة على كيفج
بس الاجازة الطبية اذا انتي مريضة مو بكيفهم
واذا متضايقة من دوامج غيري بس صدقيني ناااااادر تحصلين مسؤول زين
هذا رايي
وعسالله يسهل امور ويصلح لج دربج ويسهلها عليج وين ماتروحين ياغلااا
حبيبتي تطلعين من دوامج عشان تسوين ريوق حق ريلج ؟؟؟؟؟؟؟؟
جهزي الريوق قبل لا تطلعين ومتى ما رجع من دوامه ياكله
ترى قعدة البيت مرض ومقثة ، وطالما إن انتي تقدرين تعطين من طاقتج اشتغلي ليش لأ ؟؟؟؟؟؟
والله باجر بتملين من أول شهر
ترى المعاش حلو ، صج إن الشغل متعب بس فلوسه حلوة
|
المشاركة الأصلية كتبت بواسطة أط أط
 4- الراتب لكم عليه .. ( بنات يوم دوامه ليل محد يسويله ريوق الصبح .. لأني بالدوام .. وساكنين بشقة بروحنا ) أنتظر نصايحكم .. وشكراً لأنكم سمعتوني بضيقتي .. |
السلام عليكم
حبيبتي شخباري اللي ترد من دوامها وتطبخ؟؟؟
بالذمه من له خلق يرد هلكان من الدوام ويدش ينظف الايدام ويطبخ
سمعي حبيبتي
هذي طريقت يدتي الله يحفظها
يدتي معلمتني ابيت طبختي
يعني اطبخ غداي بليل واخلي الجدر لين يبرد
تالي ادخله الثلاجه واتسبح وانام
ولي رد ريلي من دوامه قبلي
طلـّع الجدر من الثلاجه .. نجبله .. ويسخن حق نفسه بالمايكرويف وياكل
ولي ييت انا من دوامي نفس الشئ اطلع الجدر من الثلاجه وانجبلي واسخن واكل
بالنسبه حق الريوق
اذا صليتي الفجر كسريله بيضتين وقصيله خياره وطماطه وحشيهم بتوست ولفيهم بقصدير وخليه عالطاوله ماياخذ وقت حبيبتي؟
واذا كلش كلش مالج خلق تسوينله بيض
شوفي متى يوم شفت اللي يصير بليل
اشتري توست امريكانا الجاهز وحطيه بالثلاجه حق الصبح لي رد من شفته ياكله
او زهبيله كورن فليكس اذا يحب
في اكثر من حل حبيبتي لا تحبكينها
وديري بالج تطلعين من وظيفتج
ترى الدينار ذخر للمرى
الريال يقدر يدبر نفسه
بس المرى بدون فلوس تتمرمط وتتبهدل
لا تقعدين تحت رحمت الريال
باجر يزعل منج ويقصر بمصروفج
واذا تقولين ماتشوفون بعض…. نسقو فيما بينكم وسولكم فاميلي داي يكون يوم خاص حقكم لا زواره ولا مواجيب ولا تلفونات مع الناس .. اختلو بنفسكم طلعو تمشو وتعشو وروحو سينما تالي ردو نامو جذي بتكونون دوم مشتاقين حق بعض ومتلهفين حق هالطلعه
انا مو شايفه ان الاسباب قويه اللي تخليج تضطرين تتخلين عن مركزج الاجتماعي
كل مشكله ولها حل وانتي حرّه وادرى بمصلحتج
والله شنو يعزج من بعدهم الا الدوام
وهذا رايي
وبهالوقت دوري شغل ثاني وقولي لزوجج لو تقدر تصرف علي صج ابي اثبات يعني تحويل شهري اقتطاع من الراتب
والله شغل الريوق وهالسوالف مايبلها شي جهزي بالليل مواعينج واكلج بس الصبح تصخن وشاي يعني حطي الليبتون بالدله
والسمر والصبح بس يصخن الماي ويصبه
الجبن وهالسوالف من الليل صفيها بصحون وغلفيها ببلاستيك
واذا ع الشوفه خل لكم يوم بالاسبوع تقعدون مع بعض بطوله خل قعده البيت لما يكون عندج عيال تو الناس
نصيحه خلج بدوامج ولاتقولين ماشوف ريلي انتي تردين العصر
نامي ساعتين وجابلي ريلج واكوو عطل بتجابلون بعض وتملون بعد
واذا عالريوق والغدا علمي الخدامه اتسوي هالشغلات الريوق مايبيله شي
كله اتحطة بصحن والطماط والخيار انتي قصيهم وحطي بالثلاجه متى مايا
اتجهزله الريوق الخدامه والغدا نفس الشي طبعا هاذا اذا عندج خدامه
وترا محد ينفعج غير دوامج ومعااشج انا طقت جبدي من مجابل الطوف
شووي واحط حرتي بلي حولي من كثر الملل اللي حااسه فيه واذا كلش
متوهقه صلي استخااره احسن شي
براي حياتج اولي في اش كثر وزارات بالكويت الشغل فيها حلوو