بنات نفسيتي تعبانة شجعوني ع الدوام وابي نصايحكم لا تخلوووني

مرحبا بنات

طبعا انا ابلة روضة مثلكم بس هالسنة وايد تعبانة نفسيا من روضتي واول سنة لي فيها , تعبانه من الادارة والتوجيه والاطفال لي درجة مالي خلق ادرسهم ولا اكلمهم بالغصب يطلع مني الكلام ادري ان الاطفال مالهم ذنب بس كارهه روضتي حيل وكارهه صفي المشكلة اني قاعده اغييب كل اسبوع لازم يوم او يومين غايبه هذا مو حل

وشي طبيعي ان الله عطاني عمر راح اقدم نقل شهر 1 بس ابي نصايحكم وتشجيعكم لي اني اصبر واعدي هالسنة على خير , صايرة عصبيه واي احد يكلمني من الادارة اعصب بسرعه وهالشي مو من صالحي يعني باللغة العربيه صايرة لا اطااااق

شجعوني نصحوني اي شي قولوا بس ابي اعدي هالسنة على خير واشوفلي اي مكان ثاني روضة ثانيه او وظيفة ثانية

وعلى فكرة قدمت على انتداب بس رفضوه لان روضتنا فيها نقص حيل بالابلات مادري شلون بكمل هالسنة بهالروضه احس بقزرها طبيات وهم الابلة اللي معاي بالصف متحملتني بس الانسان له طاقه

ساعدوووني صايره كئيبه حدي

الله يعينج حبيبتي من البدايه ليش ماسألتي عن المدرسه اللي انتي الحين فيها
هالمره تحملي وماشاء الله شوفي جم خبره خلصنا
وهلم جره وخلصنا السنه
تحملي وترى اغلب الرياض تعب بتعب يعني لا تحسسين نفسج ان اهالمكان غير انتي حاولي تتأقلمين
اكثر
استعدي لدروسج وزهبيها ورتبي افكارج
والله الاسبوع يركض ركض
اهم شي لا تكررين انج مو حابه الشغل وكئيبه انسي هالفكره ترى اذا حطيتيها في بالج بتحسين السنه طووووووويله
والله يعينج

الأكتئاب اللي انتي فيه أمر عادي لأنك ببساطة معلمة روضه

كان عندي مزمن هالاكتئاب لكن الحل هنيه سمعيني عدل

اتركي عنك الغياب فهو الضعف لأنك بالغياب لاتتصوري

ستجدي الراحه لا يتضاعف الأكتئاب وعدم التأقلم مع العمل

نصيحتي الاولى اعملي بضمير حي لاتتأثري بكل ماحولك وأجعلي

عملك خالص لله 0الأطفال تذكري انهم أحباب الله فمن أحبهم احبه الله

النصيحه الثانيه لاتصادقي زميلة عمل أجعلي الزماله وحدها تجمعك معهم

النصيحه الثالثه لاتتذمري دائما الانسان يفكر بنفسه متجاهل غيره سيتذمر الغير

وكأنهم وحدهم ينهكون بعملهم لاتهبطي همتك ولاتتذمري

أجتهدي لنفسك ليس لموجهه ولامشرفه ولاناظره لنفسك لأرضاء ربك ونفسك

وتذكري قول رسول الله صلى الله عليه وسلم من عمل منكم عملا فليتقنه

تذكري ان هؤلاء البشر اهواء أن أحبوك لوكنتي لاتعملي شيء رفعوك لسابع سماء

وأن كرهوك لوشلتي الروضه بكبرها بروحك وعملتي بكل ضمير لن تنالي اعجابهم

ويبحثون عن مواطن ضعفك والزله ويحطون عليها زوووووووووم

اما ربك العدل سبحان ان عملتي جزاك على عملك في نفسك وبيتك وراحة ضميرك

هذه القاعده امشي عليها ترتاحين

أتذكر كان النك نيم مالج ابلة روضه واتغير !!! عدل

حبيبتي نصيحه لج لا يروح كل يومج على هم الروضه
رتبي يومج زهبي شغل الدوام وبنفس الوقت لا تنسين علاقتج بربج
اول شيء صلاه الفجر صليها بوقتها لان من صلى الفجر فهو في ذمه الله يعني بحفظ الله يعني لو منو لو لناظره والموجهه بيضرونج مايقدرون دامج متوكله على الله ومتيقنه بهشيء
داومي على اذكار الصباح والمساء خلي لج ورد من القران تقرينه …بالروضه حزت فراغج صلي صلاه الضحى على الاقل ركعتين ودعي ربج يصبرج على هالمكان
صدقيني اقولج هالشيء من تجربتي وانا نفسج كارهه الرياض كلها بس من قويت علاقتي بربي صار هدفي ارضي ربي و بس ..الحمدلله صارت الروضه وسوالفها اشياء تافهه .. حتى لما اشوف سوالف المدرسات يكسرون خاطري لا هين بالدنيا
الله يسر لج مورج ويصبرج .. اسفه طولت بس لاني حاسه بمعاناتج

اول شي قومي توضي وصلي سنة ركعتين وعقب استغفري 100 مرة
وعقبها صلي صلاة استخارة ولو تبين دعاء الاستخارة مستعدة اكتبه لج هني
عقب اقعدي وارفعي ايدينج لله سبحانه وكلمي ربج واشكي له همج وادعيه يوسع لج صدرج ويفك ضيقتج

شوفي يالغالية كلنا مانحس براحة
والروضة مكان عمل واكل رزق لا اكثر
والحمدلله انه 4 ساعات ونص بس

هالـ 4 ساعات انتي تقعدين فيهم مع الاطفال بالكثير 3 ساعات

ولاخل نقول ساعتين ونص

هالـــــــــ ساعتين ونص تدرين جم دقيقة ؟

160 دقيقة باليوم كله

وهالـ 160 دقيقة بيومنا كله تعادل معاشنا

المعاش = رزقج

حلالج

ان ما حللتيه وذلك بالعمل بصدق واخلاص نية

معناته قاعدة تاكلين حرام
تدرين الحرام يحرق راعيه ؟
ترضين تدخلين جيبج فلس حرام ؟؟؟؟؟؟؟؟؟؟؟

كونج لاتطاقين فهذي ياقلبي نغزة من ابليس وابليس عدو الانسان من الخليقة
وانتي ماتبين ابليس ينغز فيج ويرقصج يمين يسار

تعووووذي من الشيطان وادعي ربج دعاء صادق وبحرارة انه الله يفك ضيقتج ويوسع صدرج

انتقلتي ولا ما انتقلتي مومهم
المهم تحللين الفلوس الي تاخذينهم اخر الشهر

واهم شي يخلي الواحد يعيش حياته صح

الابتسامة
ابتسمي وحبي الحياة

الحياة وان طالت ماتعيشين لي الابد فعيشيها صح

عيشيها صح

عندي لج موضوع حلو

اقريه صدقيني له مفعول حلو بالنفسية

https://www.q8yat.net/showthread.php?…=1#post6197931

بعد عمري والله عساني مانحرم منكم ماتدرون شكثر ارتحت وانا اقرى ردودكم

rr202rr

هلا حبيبتي , اهم شي لا تكررين انج مو حابه الشغل وكئيبه انسي هالفكره ترى اذا حطيتيها في بالج بتحسين السنه طووووووويله هذي الكلمة ودي اتخلص منها اني مو حابة الغشل مخلتني ارجع ورااااا لا مبادرات ولا دروس سنعة والنفسية زيرو وانشالله اتخلص واكيد بتخلص منها

قهوه وشاهي

هلا حبيبتي , اي والله صاجه انا لما اغيب احس اتعب نفسيا اكثر واحس بفشلي وكرهي بعد للروضه اصلا لما اداوم بعد الغياب اكون عدوانية الحمدلله والشكر يعني لو اي احد يكلمني من الادارة اعصب واتنرفز , والنعم بالله انا بحط كلامج بعيني واذوووني واني اشتغل لربي مو لهم ,, اي كان النك ابلة روضة واستسلمت عن اللقب

عبق الورد

هلا والله حبيبتي , اي انا همي الروضة وعلى قولتج لاهيه بالدنيا بس الحمدلله من قريت ردودكم حسيت اني مقصره بحق ربي وهذا الاهم يمكن عشان جذي انا كله مهمومة لاني مبتعده عن ربي استغفر الله اليوم استغفرت وايد وصليت عدل وقريت قرآن واحس براااااااحة نفسيه والله كلامج على راسي يا عسل

عهود الحب

هلا حبيبتي

ان ما حللتيه وذلك بالعمل بصدق واخلاص نية

معناته قاعدة تاكلين حرام
تدرين الحرام يحرق راعيه ؟
ترضين تدخلين جيبج فلس حرام ؟؟؟؟؟؟؟؟؟؟؟

اسئلتج هذي احرجتني الصراحه كلامج ما يبيله نقاش , والموضوع اللي عطيتيني اياه قريته رووووعه جزاج الله خير حبيبتي الله يوفقج صج صج استفدت

:

ياااااااااااااااا بعد عمري على هالكلالالالالالالالالالالالالالالام الحلو ورب الكعبة انه حالت ليلاسس نفسي .. مع انى تعين يديييييييييييد !!!!!!!!!! بس مااااااااااااادري ليييييييييييييييييش احس مالى خلق اسوي شي .. حالتى كئييييييييبه .. توني توني اعرف السبب @@

لول لانى كارهه عيال صفي .. مو كارهتهم بمعنى كارهتهم بالعكس اموت عليهم لاني مو قادره اضبط الصف واحس انى مهما اعطي ماكو فايده .. ماراح يستفيدون ولا راح يفهمون شي من ازعاجهم واللويه ..

بسسسسسسسسسسس هذا السبب .. وقعدت افكر حرام اقصر او اني اعطي بدون نفس عشان ياهل ولا اثنين مأذيني ((لول نص الصف شياطين) وشذنب الباجي !!
ارضاها حق عيالي بالمستقبل ابلتهم تشتغل ومالها خلق عمرها ؟!
فالحييييين احاول أأقلم نفسي عالوضع وانه لازم اكون حازمة معاهم …وقت الجد جد وقت اللعب لعب

واحس بتأنيب ضمير انه العام بالميداني كنت اشتغل بذمه وضميييييييييييير والحين احساااااااااااااااااااسي بروحه يحسسني بالنقص ..

بس انشالللللللللله انشاللللللللللللللللله اقدر .. اانا قدها وقدود .. ماارح انطر احد يقولي سوي او حطي ناويه اسوي جم قصه وجذي بس انه اسمي سويت شي يديد هالكورس .. مو كله اعتمادي على اغراضي بالميداني الفات ..

وطبعا الاهم من هذا كلة انه لالالالالالالالالالالالازم اقوي علاقتي بربي واااااااااايد مقصره بحق نفسي وربي

ومشالله الكورس خفيف يمر بسرعه لدرجه مايمدينا نسوي شي ..

عسى الله يوفقني ويقدرني على هالمهنه ويسخر عيالي يصيرون عجاااااااااااااال عشان اطلع المكنون لووول

والله كريم

وترا استفدت من نصايحكم بحفظهم الحين وجاري التطبيق انشالله

ام كشه

امبيه انتي نفسي بالضبط كله اقول ماقدر اضبط الفصل ومن جذي تلوع جبدي اكثر من صفي مع انهم يهال كتاكيت

انتي كل اللي قاعده تقولينه جنه عني انا

بس البنات ما قصروا بنصايحهم وانشالله نطبقها انا وانتي

اي والله الله يكون بعونا ويقدرنا انشالله ..

انا لي الحين احس ماسويت شي سنع .. بس اضبطهم كل شي تمام انشالله .. والله يهديييييييهم انشالله ..

الله يكون بعونا يا رب

إذإنتي لايعه جبدج من الروضه أنا لايعه جبدي من معاملة المشرفه والتفرقه ألي إسويهابين المدرسات وإلي يبط جبدج أكثر يليتهم يستاهلون هل المدرسات وكل أهمه التوب وأنتي ولا شي

أذا إنتي لايعه جبدج ستقولين عني أنا لايعه جبدي من المشرفه وظلمها لي وقانون لاحبتك عيني ما ضامك الدهر والمشكله يليت هالمدرسات يستاهلون كلهم اقل منج مستوى مو قهر ولا اذا ادخلت عليج المشرفه واهيى حاطه عليج الله لا يوريج