|
|
السلام عليكم ورحمة الله وبركاته
ارجوكم شيرو علي وايد قلبي ومخي مشغول مو عارفه شلون اتصرف
خدامتي هنديه عندي من 4 سنوات واللحين وولدي عمره اربع سنوات ما يحبها ودايما يقول لي سفريها الهند
امس انا وابوه نساله اهيا اتطقك اول شي قال لا وبعدين قال اي اتطقني على ويهي وجسمي
قعدنا نساله خدامت امي اتطقك ايقول لا
نساله متى اتطقك يقول لما انكون بروحنا اتطقني
انا ما شفتها بعيني واشوفها معاه جدامي وايد تهتم فيه وحتى لو يطقها ما تقول له شي
بس ما ادري شيصير من وراي
انا ما خليه معاها وايد بالكثير بالكثير ساعه او ساعتين باليوم بغرفة اللعاب
او ولا ساعه
ايقولون الياهل يتخيل احيانا ….
خصوصا انه توني والده اهيا قاعده تهتم في اخته احيانا قلت يمكن يغير فعشان جذي قال انها اتطقه قام ابوه وساله اهيا كانت اتطقك قبل لا اتيي اختك من بطن ماما قال اي بعد كانت اتطقني
انا اعرفه ما يجذب بس ساعات يجذب ويتقشمر
من قعد الصبح اليوم الا يقول لي هاوشي الخدامه لانها اتطقني يعني في باله مسكين من امس بالليل
قلت حق امي السالفه اتقول لي ايجذب …….
شاسوي 
جزاكم الله خير ساعدوني
والا لا تخلينه يقعد عندها موليه
حطي العابه عندج وخليه يلعب جدام عينج
او لا تخلينه معاها ابدا
او تركبين كاميرا
حطي كاميرااااااااا وشوفي اذا تقدرين
يارب تشوفينه معرس واخته عروس
الله كريم وربي يفرج همكم يارب
اهات شكرا على الدعوه الحلوه ولج بالمثل ياارب
واهم شي انتي من ناحيتج متطمنه منها او لا
مرتاحه منها او لا والام سبحن الله احساس فيها تعرف ضناها جذاب او صادق
مواي احد يقولج جذاب معناته ماتصدقينه وامانه طمنيني لو برساله خاصه شصار معاج والله يسخرلج الخدامه وترتاحين
والحل الثاني ماتخلين الياهل عندها بروحه
في يهال مرات يجذبون ويبالغون ومرات يقولون الصج
وانتي ولدج ادرى فيه متى يقول الصج ومتى يجذب
واذا حاسه ان يقول الصج نادي الخدامه جدامه
وقولي لها علبو انه بتسكتينه ( ياعمري من امس السالفه بقلبه عور قلبي )
ومنها تفهمينها ان بس جذي وتزفينها ان ليش اطقينه ؟
منها تكونين بينتي لها ان ولدج قالج اذا صج اطقه ومنها هم تبينين لها ان اذا بتسوى شي من وراج هم بيقولج ولدج
مادري اذا فهمتى قصدي ولا لا 
والله يعينكم على هالخدم وبلاويهم ويحفظ ولدج وبنتج من شرها ويخليهم لج
وييبي خدامه يديده …الله يعينج وللعلم اليهال مايجذبون أول شي ليش ولدج مع الخدامه بروحهم ؟؟؟؟؟؟؟؟؟؟
تداومين ؟؟؟
وديهم هو وياها عند امج خالتج اختج
عينج على ولدج وبنتج الخدامه مو حق اليهال اليهال مسؤليتج الخدامه حق شغل البيت المفروض ماتحتك باليهال
مو لي فات الفوت قلتو حسبي الله عليها لا بصراحه اهمال الاهل الله يحاسبهم اهما عليه ما يحاسب الخدامه
الله يحاسب الخدامه اللي قاطه ولدها ولا بنتها بالهند ويايه مجابله عيال ناس ما تعرفهم
والله يحاسبكم لان التربيه هي اهم العبادات
والا ليش اللي تربي البنات التربيه الصالحه تدش الجنه
وليش الجنه تحت اقدام الامهات ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عشان يابو خدامه وعطوها معاش ؟؟؟
والا عشان الام حرمت نفسها من كل لذات الدنيا وجابلت عيالها وطلعتهم ناس زينين ما عندهم عقد ولا احد تدخل بتربيتهم
بس اللي تبي الدوام والمعاش لا تييب عيال احسن واللي تبي العيال تتحمل مسؤليتهم ما تخليهم عالخدم
واللي تقدر تحمي عيالها من اضرار الدنيا وهي برا بيتها هي بس اللي المفروض تروح تشتغل
مو تقط عيالها عالخدامه وتشتغل
اتمنا ما تزعلين من كلامي
والله الخدم لعنة هذا العصر ولازم نتعض مو بس ندعي ونتحسب
والله يستر على عيال الكل
يعني يمكن ما يجذب
لا تخلينه بروحه مع الخدامه
خليه يعتمد على نفسه و عينج عليها