|
|
منو مثلي وشنو شعورج دام باجيلنا شهر وشي عالمباشرة
عن نفسي مستانسه الحمدالله وحيل متشوقه عالدوام بس هم خايفه شوي من جو البنات والموظفات
انتوا شرايكم بنات الي قربت مباشرتها بالدوام شنو شعورها ؟؟ خنتشارك
بس حدي متحمسه لهالوظيفه مع اني قبل كنت ما احبها
وان شاء الله خير
لاتحاتين ان شاءاالله سهالات وترتاحين بمكانج
انا من الخبة عالوظيفه جهزت وايد بدل وملافع بدش بقوة 
عسى جهزتيلج جم شغله تستفتحين فيها دوامج 
؟
ان شاء الله
اي والله جهزت اصلا سافرت عشان اجهز من اهناك
بس مشكلتي اني ما احب البس لا تنانير ولا عبي :/
حتى ماشريت ولا عباة للدوام
لاتحاتين في وايد مدارس يرضون بالبنطرونات
انا تجهيزي كله قمصان طوال وجينزات لوووول كيفهم اذا موعاجبهم الادارة يطقون راسهم بالطوف
<< قوية
والله يعني احس موغصب السالفه موعلى كيفهم الادارة يحددونلنا شنلبس وشنخلي
الله يستر منهم 
واذا قلتي لهم يقولون لج نخاف البنات يتأثرون من المعلمه!
على قولت ذكريات منو الحين يلبس تنانير شخباري
تأثروا وخلصوا من هالنت والمسلسلات والبي بي والايفون والمادري شنو
مو رادة عالابلات فقاره
وحتى التنانير مو عمليه بالحركة بالله شلون هالابله تدابج من صف لي صف بتنوره ! والعبي يخمون الوصخ وشكلهم كئيب داخل المدرسه لا ان شاءالله نطيح بإدارات زينه ونلبس الي يعجبنا
ترا شكله ماكو تعيين يديد غيري انا وياج لوول
ان شاء الله الله يسمع منج
والله في بس ما ادري من بدا الرمضان ما قمت اشوف احد
.gif "Eh S(7)")
والبنات شكلهم لاهين برمضان
الله يتممه لنا على خير ويفرحنا بالإدارات الزينه والاماكن السنعه قولي آمين وانا بعد معاكم معلمة وتعيين جديد والمباسرة انشالله مثل فراي ياشهر 8 او 9 للحين ماقالوا لنا
ومن ناحيه التجهيز انا متعوده على العبي من ايام الجامعه وارتاح لها ححيل
وفصلت لي جم عبايه والبدلات قلت باجل لما اشوف شنو نظام المدرسة والناظرة
وصح والله التنانير ويع قديمة واحس مو حلوة
الحين اكثر شي هابين فيه النفانيف الطويلة مع التونزات هم حلوة والا شرايكم
انا عن نفسي بشتري اكثر شي من هالنفانيف حلوة ومرتبه
امين يارب الله يسمع منج
والله ذكريات هم النفانيف مع التوينزات حلوه بس انا مو حلو علي اي شي سيدا
ومن وين فصلتي عبيج وعلى جم ؟ انا اذا بفصل ابي اللي على طبقتين احسهم ارتب علي
صوب المحلات اليديدة واسعارهم زينة
عباية مع ملفعها على 25 او 20
يعني مو غالين حيل ويصلحون للدوام والكراف
واحس للدوام ما يسوا افصل غالي
وسويت فيهم حركات ناعمة وتطريز ناعم اسود
عليج بالعافيه حبيبتي
والله يعافيج يارب
زين سويتي انج ماجهزتي بدل مبجر احسن عشان ما تتوهقين اذا المدرسة وايد تتشرط .gif "Eh S(15)")
والنفانيف الي تقولين عنها حييييييييل حلوة انا مفكره اخذلي جم نفنوف باردين حق الصيف وخفااااف إي والله حتى انا بعرف وين فصلتي عبييج << لقافه لاني فصلت عباتين السنه الي فاتت من محل هنديه بمجمع الدبوس بس مايازولي كلش
ودي بعبي تفصال عالمزاج بس شغل بروفشونال << طرارة واتشرط عادي
fri2010 فديتج حياتي انتي نففففسي سبحان الله حتى انا احب مواضيع التشجيع عالدوام وتصك فيني الدنيا اذا شفت وحده تذم شغلها
اذا ماتبين شي سيدا عالجسم روحي choice عندهم بلايز طوال حييييل ي تحت الركبه ومنفوشين شوي مايصيرون ستريت عالجسم
حلوين مع ليقنز وكعب