|
|
قوة بنات شلونكم
ممكن تساعدون ولد عمي
وااي باط جبدي لانه وتييكم السالفة
الله يسلمكم أنا وولد عمي توظفنا مع بعض أهو صار مدرس انجليزي وانا عربي وتعيينا في شهر 4 هالسنة بس اهو بعد بجم يوم من تعيينيي لكن نفس الشهر وهو خريج جامعة الكويت آداب مو تربوي
قاعد اقول حق عمي مدارس الرياييل وايد اهون من الحريم ماعنده سالفة يبي يستقيل.
الحين يقول يبي يقدم استقالته من التربية ويقدم على الديوان مرة ثانية. وعمي من جم يوم متصل ويتشكى من ولده ويبي يعرف الاجراءات. عاد ما اتصل الا علي عباله انا ابو العريف قلتله مادري خلني اسأل واشوف
بنات في عندي 3 اسئلة بهالخصوص وجزاكم الله الف خير ان ساعدوتني:
1- يصير يقدم استقالته من التربية بأي وقت حتى لو باجر مثلا؟؟
2- اذا قدم استقالته وخلص من كل اجراءات الاستقالة من التربية شكثر تطول اجراءات الاستقالة؟ شهر؟ أو اسبوعين مثلا؟
3- اسمه دايركت راح يروح الديوان بعد الاستقالة؟ او اهو لازم يقدم على الديوان ومتى يقدر يقدم على الديوان بأي وقت؟
4- بنات إذا قدم على الديوان هل راح يطلع اسمه بسرعة يعني بحدود 4 إلى 5 شهور أو بتطول المدة؟ وشلون على الرغبات الي يبيها يعني أي وزارة وكذا؟
اذا صار عليكم شي قوليلي…ترا ودي اهج من التربية اليوم قبل باااااجر…..
والله يوفقكم اجمعيييييييييييييييييييييييييييييين
أما بخصوص الاجراءات الاستقاله إذا بتنطرين الوزارة تخلص شغلج فيقعدونج شهر عااادي ولاهمهم لكن تاخذ اساسا اسبوعين إذا ماشيتي فيها بنفسج وكل يوم ترزين وجهج عندهم ها خلصتو المعامله وإلا ..لا لأن بصراحه المعامله تجيهم بس يخلونها على ماهي عليه مايشتغلون إلا إذا جيتيهم ونبشتي بأوراقج >>> صج وزارة موتى
ولما تخلصين من هالوزاره الدعله ..تروحين طيران حق التأمينات عشان يشلون اسمج وتقدرين تقدمين على الديوان مره ثانيه
استقلت شهر 9 ونزل اسمي بوزاره ثانيه شهر عشره
يعني ماخذيت اقل من شهر ونزل اسمي بوزاره ثانيه
عالعموم مافي شي صعب اذا عنده فيتامين واو
وموفق ان شالله
والاجراءات اقصى حد اسبوعين يستلم قرار الاستقاله بعدين يسوي اخلاء طرف اداري من مركز العمل والمنطقه وادارة المكتبات اللي بجنوب السره بعدين يستلم من الاداره الماليه الاخلاء المالي ويسلمهم الاخلاءالاداري والمالي عشان يسوون له كتاب يوديه التأمينات طبعا يراجع بالوزارة صالة المراجعين قسم انهاء الخدمه.. واذا بيترشح حق وزارة غير التربيه لازم ياخذ استغناء من الوزاره ويقدم عليه بصالة المراجعين…
آخر مره طفر منهم قال حسبوووها انقطاع عن العمل وفكووونا .. :/
بس اللي مستغربه منه الكل قام يهج من التربيه لييييييييييش؟؟؟!!!!!!
مع ان الناس تربط عليها وترفض وزارت عشانها