بنات محافظة مبارك الكبير كلهم

السلام عليكم

الموضوع باين من عنوانه

انا انشالله بتعين مدرسه باحدى مدارس( المتوسطة – بنات ) بمحافظة مبارك الكبير

و بما انها مو محافظتي ولا صوبها ولا ادري عنها ولا اعرف فيها اي شي

فأبي منكم معلومات فقط عن اسماء المدارس

وانا مابي بالمحافظة كلها كلها
بس ابي بهالاربع مناطق ( مبارك الكبير – العدان – القصور – القرين )
بس بهذيل المناطق

ابي اسامي المدارس المتوسطة بنات اللي فيهم
جم مدرسه وشاساميهم ؟
و لو تعرفون كل اسم مدرسه بأي منطقة منهم ياليت والله

و اللي ما تعرف ترفع الموضوع الله يعافيكم

ومشكورين مقدما

العدان :: امامه بنت ابي العاص
القرين :: حصه الحنيف
القصصور :: هيله بو طيبان

هذوول الي اعرفهم والله =)

ماقصرتي حبيبتي
وبنتظار باجي البنات =)

القصور : حسناء بنت معاوية

شوفي المتوسط بالقرين "نفسها" عندج

1- حصة الحنيف
2- حفصة

بس عندي حصة الحنيف أحسن .. لأن بناتهم بريئات .. اما حفصة حيييييييل ضاغطين عليهم
عشان جذي لما كانوا ايون الثانوية عندنا يسوون بلاوي "مع احترامي للجميع .. بس انا مو قصدي عن الكل"

القصور اكو مدرستين

1- هيلة بو طيبان

2- الحسناء بنت معاوية

مبارك الكبير فيها

1- رملة أم المؤمنين

2- سبيعة ! .. > جنه بمبارك الكبير او العدان مو متأكدة

و العدان ماعرف إلا امامة بنت أبي العاص نفس ما قالت أدمنت قربك

مشكورين حياتي ما قصرتوا :**

بعد بنات شاركونا باللي تعرفونه
المعلومات اللي عندكم قولولي ياها =)

حبيبتي ما قصرتي
بس سبيعة بنت الحارث سويت سيرج عليها
طلعت بجابر العلي ق 4

سلام
حبيبتي انا اعرف بس القبلية.م >>> بمبارك الكبير
الوكيلـــة حيـــل شديدة وتخرررررع ودايم اشوف الابـــلات يتهـــاوشون معاهـــأ >> فضيحة خخخ
نصيـــــحة مني انحــــــــــاشي عنهاااااا >>احمد ربي اني تخرجت منهــــــأ

مشكورين بنات

و فعلا سمعت ذم وايد على هالمدرستين
حفصه و القبليه

ماقصرتوا

اب اب اب

زين بنات عطوني اسماء مدارس الثانوية اللي بهالمناطق

اب اب اب

مدارس المتوسطه اللي بالعدان

> امامه

> ازدهـ بنت الحآرث

[ منطقتي لووول ]

بالعدان

1 > ثانويه العدان [ نآظرتهم فاطمه دشتي عسسل ] وابلاتهم سمعت انتهم زينين

2 > فاطمه الهآشميه [ فدييتهااا مدرستي سابقا ] روووعه روووعه رووووعه

مو عشان مدرستي قبل وامدحهـآ بالعكس اقدر اذمهـآ ، الحين النآظرهـ والوكيله يدد

يقولون زينين مو حيل شديدين ، بس ابلات المدرسه معروف كل مدرسه فيها ابلات

زينين وفيها لا ، وفاطمه الهاشميه قليل اللي مو زينين بس والله حييييل روووووعه

حدديلي القسم اللي بتتعينين فيه واقولج اذا انصحج فيه او لا لوول ،

بمبارك الكبير

> ليلى الغفاريه

بالقرين

> طليطله [ ماااا انصصصحج فيها كلش ]

بالقصور

> برقان [ نآظرتهم مادري وكيلتهم حييييل شديدهـ ] أعرف ابله فيها تقولي مشددين شوي

طبعا ما انسى لمن امتحنت مرهـ مؤجل عندهم ، والابلات كانو يغششون بناتهم وانا الغريبه

منفسين علي وحتى ماخلوني أسئلهم ! وفوق هذا بس دخلت بسلم على ابلتي طردتني الوكيله

من مريولي < صج انها ذوووووق هههههههه

هذولا اللي اعرفهم

طبعا احسن ثانويتين العدان + فاطمه الهآشميه

مدرسة الصالحيه بالعدان انا توني خريجه منها ابلاتها زينين والناظره بعد زينه وطالباتهاالبنات شوي وكلن بحاله بس كئيبه شوي اهيا بالعدان ق 6 قبالها مدرسة ابتدائيه بالتوفيق أبله

ثنوية العدان بعد زينه أختي أبله فيها بس فيها شغل واجد ويعطونج شغل مو لج بس حق الطالبات اللي مثلي يعني زينه حدها ومخلين البنات على راحتهم يعني بهيص ان شاءلله بس أختي معاي رقابه علي لووول بالتووفيق