بنات ماستر الادب الانجليزي بجامعة الكويت بغيتكم بجم سؤال english literature

السلام عليكم ورحمة الله وبركاته

اشلونكم يا حلوين؟؟؟

الحين انا تربيه انجليزي وابي اكمل ماستر ادب بكلية الاداب

وين اروح اسوي اوراقي ومن وين اخذ المتطلبات واعرف الشروط؟؟؟

جم المعدل المطلوب عشان اكمل الماستر واشلون طريقة الدراسه؟؟؟

يعطونكم اعانه؟؟ نفس طلبة الباكلريوس والا غير؟؟؟

انا باروح اشوف الشروط لان ناويه ان شاء الله ارفع معدلي واكمل ماستر لان كليتنا فااااااشله فاااااشله فاااااااشله وملوعه جبدي ولما قررت اخول منها كنت معديه وحدات وايد والحين مابي ادفن نفسي بالتربيه ويع

تكفون اللي عندها اي معلومه تفيدني وميرسي

_03ba:

[B]هلا حبيبتي

حبيبتي المعدل المطلوب يبون 2.67 للعام و 3 للتخصص

بس التربيه عندهم شرط الخبره 3 سنوات

وفي إمكانيه انج اتقدمين اذا كنتي من المتوقع تخرجهم بس نفس ماقتلج شرط الخبره لازم يكون عندج وباب التسجيل مفتووح ألحين ليه شهر 1

والإعانه حسب ماسمعت 400

https://www.graduate.edu.kw/ هذا موقعهم اذا تبين تفاصيل أكثر

موفقه حبيبتي[/B]

مشكوره حبيبتي بس الظاهر ماقريتي شنو ابي بالضبط
انا ابي اكمل ماستر بالاداب مو بالتربيه يتغير تخصصي جني مادرست تربيه
عادي بدون خبره
بس مشكوره وايد يا قلبي

ماعتقد لازم خبرة للماستر

الي اعرفه انه بس سنتين عشان اجازة دراسية بنص راتب و اربع سنين

و 5 سنين شغل مع اجازة دراسية يعطونجياها براتب كامل

وفي اعانه اكيد هذا الي سمعته

لقجري وياج ناطرة ^^

عوشني

لا حق الاداب ما يبون خبره وانا بادرس عشان مابي اشتغل بمدرسه بانحاش ههههه
اذا تبين راتب اشتغلي قبل بس انا ابي دايركت

انا سالت قالولي روحي حق دكتوره ليلى المالح قاضبه تخصص الادب بس ماكانت مداومه يومها
لكن للاسف ماعندهم نظام الطالب الغير مقيد بالاداب للحين بيشوفون الاعداد ويقررون
يليت يفتحونه يا رب

لا مابي اشتغل ..

لان لو سنتين بنص راتب نفس الاعانه

فخلينا نختصر الدرب

شنو نظام الطالب الغير مقيد بالاداب؟

الله يوفقج حبيبتي
بس على فكرة الكلية اللي تقولين تدفنين نفسج فيها ترا من احسن الكليات وفيها دكاترة من احسن الدكاترة بالجامعة كلها
امثال الدكتور ابراهيم الخليفي _الدكتور سلطان الديحاني_الدكتور شايع الشايع_الدكتور فهد الخزي_الدكتور صبري المرداش
_واللي ماذكرتهم اكثر

ماستر ادب انجليزي 000 اعتبرها خطوة كبيرة للامام
وانا اشجعج على التخصص اكثر بالانجليزي خصوصا الادب
يخلي تفكيرج اكثر ابداعية
اتمنى انج تحققين امنيتج

حبيبتي بس بقولج شغله بما انج الحين بعدج تدرسين بالجامعه فمايصير تقدمين على الماستر وهذا القرار توه هالسنه مقررينه لانهم مشترطين

الي يقدمون يكونون متخرجين

وبالنسبه حق اسئلتج .. طبعا لاازم تروحين اول شي الخالديه حق كلية الدراسات العليا وتاخذين منهم الابليكيشن .. وطبعا فيه كل الاوراق الي

يبونج تعبينها وكل المستندات المطلوبه منج .. ولازم يكون عندج شهاده توفل وطبعا يختلف القريد الي يبونه من كليه لي ال2

واذا تبين تعرفين الشروط موجوده في السايت مال كليه الدراسات العليا

ويعطونج اعانه بشرط انج تكونين بدوام كلي (يعني ماخذه اقل شي 12 وحده ) وماتشتغلين باي جهه .. والاعانه 400 دينار فقط لاغير

موووووووفقه