السلام عليكم يا بنااات
ومبروووك القبول
حبينا نستفسر عن أساتذة التربية/ لغة انجليزية
ياليت البنات اللي مقيدين يساعدونا احنا المستجدات في هالموضوع
عشان انعرف وين ناخذ مواد
وشاكرييييييييييييين لكم
أب أب أب
اب
اب
اب
بنتم نقول أب
أب
أب
حتى نهاية الكووووووووووووووووووورس
حبيبتي انا مستمرة بالانجلش اول شي حبيت اقولج مبروك القبول وان شاءالله تستانسين معانا بالتخصص
بالنسبه للدكاتره في الزين وفي الشين بس الاغلب للاسف موذاك الزود وانا راح اقولج عن اللي انا شخصيا خذيت عندهم. ،، اول شي عندج دكتور عبدالمحسن دشتي انا وايد احب شرحه يفهمج المقرر بطريقه حلوة بس فيه شي بايخ ان جريداته مو ذاك الزود للأسف يعني غالبا يعطي وايد من شعبته c !! وعندج دكتور خالد شقير يهبل هالدكتور وجريداته حلوة بس يدرس المادة من قللللب يعني تتعبين معاه شوي ،، عندج دكتورة ايمان العطار تهببببل حليوة وطيوبه وجريداتها بعد وايد حلوة وشرحها حلو يعني تحبين محاضرتها،، دكتورة امل العدواني بعد تهبل فديتها درجاتها حلوة ومحاضرتها حلوة ،، دكتورة حنان تقي زينة محاضرتها تنوم شوي بس درجاتها بعد لا باس فيها يعني ماتنصدمين انها منزلتج او شي جذي،، دكتورة نوريه النوح محاضرتها غثيييييييثة وتخليج تنامين وتيي من اول دقيقه وتطلع ااااخر شي يعني تروحين محاضرتج الثانيه متاخره لوول بس درجاتها زينه،، دكتورة طيبة ودكتورة سلوى انحاااااشي منهم لوووول عصبيات وقريداتهم مو شي نصيحه وخري عنهم ،، هذول اللي انا جربتهم عندج بعد دكتررة دلال ماجربتها ودكتورة ريم بعد يديدة ماجربتها .. وبس سلامتج وتعيشين واي استفسار انا جاهزه
احلى ديما مشكوره حبيبتي عالافاده
زين اشرايج بدراسة الانقلش ؟ حلوه والا صعبه ؟ استفدتي لغه والا تمشين حالج ؟ انتي بلبل بالانقلش والا شغل الثنويه ؟
ادري غثيتج بس بلييز محتاجه جواب دقيق منج 
هلا حبيبتي دغبووجه شوفي انا بصراحه تخرجت من الثنويه حالي حال اي وحده انجليزيتي حيل عاديه بس انا دشيت وانا حاابه التخصص وابيه عشان جذي قمت اطالع افلام اجنبيه وايد عشان اعرف اتكلم بطلاقه لووول ،، ولانسبه للي استفدته اكيد حبيبتي استفدت لغه مااجذب عليج ماني بلبل بس اكيد وايد فرق مستواي عن الثنوي ونصيحه مني اقري كتب انجلش او طالعي افلام وايد لانج راح تحسين ان اللي خذيتيته بالثنوي ولاااا شي عند اللي راح تدرسينه ،،
مشكووره حبيبتي ديما عالرد افدتيني والله
انتي اي سنه ؟
احلى ديما
يا حياتي ماقصرتي على إفادة خواتج المستجدات
بيني وبينج ترا أنا مُعتقة بالإنجلش من المتوسط وأنا كله أطالع أجنبي
فا أحس مستواي اشوي أعلى من مستوى الثنوي وهم بعد كنت استخدم الإنجلش بدوامي
مع غير الناطقين بالعربي فصار عندي ثقة اني اتكلم فيها حتى لو كنت أخبص بالقواعد وإللي اهيه نقطة ضعفي
حتى بالمقابلة د. عبد المحسن استانس على تغريدي هههههههههههههههه
وحدي أحب الإنجلش ودشيت هالتخصص عشان أقوي نفسي فيه إلى جانب إني بخاطري أصير أبله
وفالج الإمتياز يا احلى ديما ان شاء الله
وشغله ثانيه إذا عندج كتب ماتبينها
نتواعد بالكلية هههههههههههههههههههه
مشكورة أبلة 
.
.
.
دغبووجه
للأمانة إختي ترا الإنجلش سهل حق اللي يحب هالماده وعنده إستعداد نفسي وعقلي انه يدرسها
محد ينولد واهو عارف
مثلا انا شاطرة بالإنجليزي
بس متواي مو ذاك الزود بالعربي لإني ماحبه مع انه مادة ممتعه بس مو حق الدراسه
وإذا مستواج فيها زين بالثنوية دشي هالتخصص إذا بخاطرج فيه
ودام بتعدين امتحان القدرات والمقابلة معناته تنفعين ان شاء الله وتقدرين تتخطين إللي أكبر منه
موفقيييييييييييين كلكم
آنا حاليا ماخذه عند دكتوره نوريه النوح ، إنسانه ماعندها ذوق بالتعامل أبدا ، يعني اليوم رايحتلها اقولها لو سمحتي دكتوره ممكن تغيرين وقت الامتحان لأنه باليوم اللي حددتيه عندي امتحان علم نفس ، وانا عقدتي بحياتي علم النفس ، أصعب ماده عندي ، ترد علي تقول انا ماراح اناقشج لأنه خلاص اتفقنا على موعد الامتحان ، انزين علم النفس حدد موعد الامتحان قبلج ، تقولي لأ لأ وتعطيني ظهرها وتمشي .
طبعا هذا غير اني نص ساعه انطرها تخلص صلاتها ، والله لو صلاة التروايح جان خلصت ، وعقب هالنطره تعطيني ظهرها وتمشي ، شنو هالاسلوب ؟ هذا اسلوب دكتوره جامعيه ، تقولي شسويلج انا كنت امتحن 3 امتحانات بيوم واحد ، والله اذا انتي فلتة زمانج وصايرتلي اينشتاين مو كل الناس عندها قدرات مثلج ، بس ما أقول الا حسبي الله ونعم الوكيل .